2 Kuriniu 11:22 - Sateré-Mawé

²² -Uruto poꞌog iꞌatuꞌe. Uruikuap Iuteuria pusu iꞌatuehay potꞌi iꞌatuꞌe. Uito poꞌog atikuap kat pote uipusu sese pote. -Aseꞌi Isareu emiariruꞌin sese uruto iꞌatuꞌe. Uito iꞌewyte Isareu ywania te wy are. Urueꞌaseꞌi saꞌawyꞌi wuat eimiariru sese koꞌi uruto iꞌatuꞌe. Iꞌewyte uito Aparãu saipepiat sese wy are.

2 Kuriniu 11:22 ပူးပေါင်းရင်းမြစ်များ

Mateu 3:9

Yt naku i eweiꞌe eiwoꞌope -Aito ti Aparãu emiariruꞌin pote yt aiꞌapiheg kuap i eweiꞌe katupono ehewaku hap yt tuut i eheꞌaseꞌi kaipyi neꞌi e. Taꞌi Tupana tikyꞌesat pote tutunug kuap Aparãu emiariruꞌin piit koꞌi meimuẽwat nu koꞌi kawiat e.

Iesui Potmuꞌeria 22:3

-Uito rat eiꞌewy Iuteu ywania kawiat e. Uiꞌywãꞌĩ wyti tawa Tasu pe yi Sirisia pe e. Maꞌato uitag meiũwat tawa Ierusarẽi me. Meiũpe woꞌomuꞌe hat Kamarieu uimoweꞌeg hat yatype areineꞌen. Miꞌi hawyi yne woꞌonapin hap nimuat koꞌi aiꞌywania koꞌi watnuat wo uimuꞌe hãpyk kahato. Miꞌi koꞌi atunug naꞌyn haty wo Tupana ewowi aikotã ewetunug mesup hap ewy te atunug e.

Iesui Potmuꞌeria 6:1

Miꞌi hawyi ipotmuꞌeria timoherep kahato miitꞌin me yne Iesui etiat. Mekewat eꞌat pe imohey pakup i haria teꞌeruwemotypyi kahato itote. Imohey pakup i haria typy pusu kuap haria tukupteꞌen. Miꞌiria yne Iuteuria maꞌato typy pusu kuap haria miꞌiria tukupteꞌen. Wẽtup ywania Kereku pusu kuap haria maꞌato wẽtup ywania Epereu pusu kuap haria. Miꞌi hawyi wẽtup eꞌat pe Kereku pusu kuap haria teꞌeroꞌe toꞌope -Kat pote Epereu pusu kuap haria poꞌog imoꞌẽ taꞌatuehiwuria pe aito wuaria kai iꞌatuꞌe.

Humanu 11:1

Miꞌi pote apo are ehepe sio Tupana Iuteuria kyꞌe te sio yt sio toiꞌatupugha sio waureꞌe raꞌyn Iuteuria ywania kai temiitꞌin kai sio yt i te areꞌe. Yt rat paĩ toiꞌatukyꞌe kahato te miꞌiria e. Uito ti mekewat Iuteuria ywania kaipywiat hat pote atikuap kahato urukyꞌe hap paĩ. Atikuap kahato Tupana yt uruwaure hin i te hap. Uhaꞌaseꞌi pot ti mekewat Tupana mohey hat akag sese Aparãu are. Pywo ti rat uhaꞌaseꞌi Pesami ti Aparãu emiariru toineꞌen saꞌawyꞌi.

Humanu 9:4

Meiũpe uhehay teran eiwywo uiꞌywania Iuteuria etiat sehay. Saꞌawyꞌi sese te mesup te uiꞌywania Iuteuria tukupteꞌen kahato Tupana miꞌairo sese koꞌi e. Nimo te pyi raꞌyn Tupana saꞌyruꞌin koꞌi ewywuat Tupana sakiꞌytꞌin koꞌi ewywuat wo tukupteꞌen uruꞌywania. Miꞌiria ti Tupana mimotypot kahato tukupteꞌen. Miꞌiria pe uruꞌywania puo saꞌawyꞌi Tupana timoherep tehay miwan miat yne iꞌewyte tomotypot hap iꞌewyte tẽtyhot hap. Miꞌiria pe saꞌawyꞌi -Worohoꞌopoityro yne eꞌat e uruꞌywania pe urueꞌaseꞌiꞌin me. Saꞌawyꞌi Tupana toꞌe -Worohoꞌopoityro aru yne eꞌat pe aru uiꞌe hap ewy e. Atunug aru uimotypot yat koro eipyꞌasetpe e saꞌawyꞌi uruepe. Taꞌi saꞌawyꞌi Tupana toꞌe -Atunug aru eipiit kawiat Uimipoꞌoro Wuatꞌi Porekuat nuat hat e urueꞌaseꞌiꞌin me. Urueꞌaseꞌiꞌin saꞌawyꞌi Tupana wywo iꞌatuehay kahato rakaria.

Karasia 3:16

Miꞌi hap ewy ti saꞌawyꞌi Tupana toꞌe Aparãu me -Meiũran ti aru Wẽtup Ok Emiariru kaipyi atipoitynug yi totiaria torannia. Yt uheso i aru atunug uiꞌe hap ewy e. Tepiat Tupana e hap Aparãu timohey kahato. Tupana yt toꞌe i -Emepytꞌin kaipyi aru atipoityro torannia yi totiaria yt e i maꞌato -Wẽtup Ok Emiariru kaipyi atipoityro wuatꞌi ywania e Iesui wuatnuat etiat pe tohenoi. Aparãu Emiariru Emiariru piat pe yian mete Aiporekuat nuat tomipoꞌoro tohenoi mio tã e.

Wiripu 3:5

Uity uiꞌywot ti Isareu ywania sese miꞌiria. Iꞌewyte Epereu pusu kuap haria uiꞌywotꞌin. Taꞌi Epereu pusu ahepap kahato. Miꞌi pote Epereu sese uito. Uhaꞌaseꞌi sese saꞌawyꞌi wuat Aparãu emiariru Pesami e hap het rakat. Uipiit Iuteuria piit sese. Uimotag hap turan atiꞌatumuꞌe kahato urueko nug hap ete. Miꞌi hawyi yt karãpe i atiꞌaparap urueko nug hap ete. Uitag hawyi areineꞌen kahato Tupana motypot piaria uruꞌywania woꞌomuꞌe haria akag koro wo.