2 Kuriniu 11:10 - Sateré-Mawé

¹⁰ Uiwanetup hawe -Waku kahato atiꞌatumuꞌe yt kat saꞌup ete i. Miꞌi pote yt kat i ahẽtup uimimuꞌeria koꞌi kaipyi. Yt areineꞌen i eiꞌokpe tote yi Asia pe areineꞌen eipyꞌasetpe turan. Yt uheso hin i karãpe areꞌe yt kat saꞌup ete i worohoꞌomuꞌe are ehepe. Iꞌewyte Aikaꞌiwat Iesui tikuap yt uheso i hap kat pote toineꞌen uipyꞌa pe.

2 Kuriniu 11:10 ပူးပေါင်းရင်းမြစ်များ

Iesui Potmuꞌeria 18:12

Miꞌi hawyi itote toineꞌen wẽtup ok yi Akaia etuꞌisa Kariu e hap het rakat. Miꞌi hawyi Iuteuria Pauru ete iꞌatupyꞌahak i raꞌyn. Miꞌi hawyi taꞌatuereto raꞌyn Kariu kape Pauru hãꞌãg hamo.

Iesui Potmuꞌeria 18:27

Miꞌi hawyi Apauru toto teran yi Akaia kape pote Iesui mohey haria tawa Ewesu piaria tunug popera Apauru miereto wo yi Akaia piaria Iesui mohey haria kape. Miꞌi tã wyti iꞌatuꞌe miwan me -Mehinꞌin ereke ro uhyt eweiꞌe o Apauru pe iꞌatuꞌe. Kat pote Apauru ti aiꞌewywuat Iesui mohey hat. Miꞌi tupono waku eiꞌyatype toineꞌen urutoꞌe iꞌatuꞌe mekewat miwan me. Miꞌi hawyi Apauru toto Akaia kape tawa Kurintiu kape. Putꞌok e itote hawyi toiꞌatupowyro kahato Tupana wehum hap kaipywiat Iesui mohey haria.

Humanu 1:9

Yt uheso hin i are maꞌato Tupana tikuap yt uheso i hap. Ahẽtup aat kaꞌap Tupana kape eipowyro hamuat. Yt uheso i uiwyriaꞌin. Ahẽtup aat kaꞌap Tupana kape eikawiatno. Pywo ti rat Tupana tikuap eweikupteꞌen uiwanetup hawe aat kaꞌap hap. Pywo ti Tupana uiꞌairo tehay wakuat Tosaꞌyru Iesui etiat moherep hatno. Uipyꞌa pyi ti ateropat ehetiatno aat kaꞌap. Ahẽtup aat kaꞌap Tupana kape eipowyro hamuat.

Humanu 16:5

Iꞌewyte atipoꞌoro uhekuekatu Iesui mohey haria mehin Akira mana Pisira yat piaria waꞌatunug haria kape. Iꞌewyte atipoꞌoro uhekuekatu uhewakuap uiwy sese mekewat mehin Epenetu kape. Iꞌatu kahato mio Iesui mohey haria tawa Asia pe yi Asia pe maꞌato uiwy Epenetu torannia miꞌiria eꞌyian mete topyhuꞌat Iesui mohey hatno tawa Asia piaria kai. Miꞌi inug yian mete Iesui Toporekuat no.

Humanu 9:1

Uiwyriaꞌin Iuteuria ywania uhehay teran eiwywo uimiwan me mesuwe. Eiperia ti uheinytꞌin koꞌi iꞌewyte uheꞌykeꞌetꞌin koꞌi are. Uito ti Pauru eheywyt eikywyt sese ewy areineꞌen katupono ahaꞌaseꞌi pot Aparãu mote.

1 Kuriniu 16:15

Pyno uiwyriaꞌin waku eweiwat aimuꞌe hat Etewana ehay upi katupono miꞌi ti eiꞌapykok kahato hat mesuwat Iesui mohey hap ete. Miꞌi pote eweiwat ro mehin Etewana ehay upi eweipowyro o miꞌi. Miꞌi ti eiꞌywania kawiat mekewat Kereku ywania sese kawiat aimuꞌe hat Etewana.

2 Kuriniu 1:1

Uito ti Pauru are. Uiwyriaꞌin Iesui mohey haria tawa Kurintiu piaria yi Akaia piaria. Eiperia ti Tupana mimowaku koꞌi raꞌyn tewaku hap wuat koꞌi. Uito ti Iesui potpoꞌoro Pauru e hap het rakat are. Saꞌawyꞌi Tupana toꞌe uhepe -Woroꞌairo en Uhaꞌyru moherep miitꞌin muat hamuat e. Koitywy atipoꞌoro ehewowi uimiwan aikope aikope eiwaꞌatunug Tupana motypot hamo are. Iꞌewyte toineꞌen meiũpe aheywyt aikywyt sese Timoteu are. Miꞌi ti uipowyro mesuwat uhehay wan hap ete.

2 Kuriniu 1:23

Taꞌi yt uheso i are. Tupana tikuap yt heso i rakat uito. -Tupana are etomoherep yt uheso i hap are uiwyriaꞌin Kurintiu piaria pe Tupana are. Saꞌawyꞌi areto aru ehewowi wen maꞌato yt areto i. Eweikuap apo kat pote yt areto i pyno ahenoi ehepe. Aikotã aiꞌywot yt aiꞌapiheg teran i hap ewy ti areineꞌen pykai yt areto i eiꞌapiheg hamo.

2 Kuriniu 10:15

Aikope aikope Tupana urupoꞌoro miꞌi hap kape yn urutuwat. Yt karãpe i uruipohari iraniaꞌin potmuꞌe neꞌi urupotmuꞌe wo. Iraniaꞌin teꞌeroꞌe ehepe -Eipe uruimuꞌe Pauruꞌin eꞌyian mete iꞌatuꞌe ehepe urupohari teran haype. -Eheso eweiꞌe o miꞌiria pe. Ehehãite sese Iesui mohey hap ete hawyi -Pauruꞌin uruꞌapykok haria eweiꞌe. Mio tã eweiꞌe hawyi uruto yt kat hamo i raꞌyn urutoꞌe i. Miꞌi hawyi wẽtup ywania kape urutuwat yt ikuap i te haria kape.

2 Kuriniu 11:12

Eweikuap kat pote yt ahẽtup i eikai eimuꞌe hap saꞌup. Pyno ahenoi ehepe. Tukupteꞌen eipyꞌasetpe -Eimuꞌe haria Pauru ewy kahato iꞌatuꞌe ehepe maꞌato yt pywo pe i katupono ehekat koꞌi kyewi yn eimuꞌe. Waku apo eweiꞌe iꞌatuepe -Eipe Pauru ewy eweiꞌe pykai kat pote ewehẽtup haꞌup urukaipyi eweiꞌe o iꞌatuepe. Miꞌi hawyi yt eiwesat kuap i kat pote yt uiꞌewy i pote. Miꞌi pote yt karãpe i ahẽtup eikaipyi haꞌup. Yt urusaipepiaria hin i miꞌiria.

2 Kuriniu 11:31

-Tupana waku kahato En. Wuatꞌi eꞌat pe etikuap aikotã ahoꞌopot Esaꞌyru ehay moherep hamuat. Etikuap yt uheso i mesuwat uimiwan me hap. Esaꞌyru Aikaꞌiwat iꞌewyte ikuap yt uheso i hap.

2 Kuriniu 12:19

Yt karãpe i eipyꞌasetpe urutukupteꞌen turan paa urutoꞌe -Watiꞌatumaꞌat miꞌiria yt urutoꞌe i. Yt urueso i rat iꞌewyte Tupana tikuap yt urueso i hap. Iꞌewyte Aikaꞌiwat Iesui tikuap yt urueso i hap. Katupono yne uruminug koꞌi eimoesaika imohey hap etiat hamo. Miꞌi pote yt urueso i.

2 Kuriniu 9:2

-Gaꞌatpuat anu urupotpap kahato hum hamo eweiꞌe uhepe. Meremo uruiꞌatunug urumiium muat ihakyꞌeꞌi rakaria imohey haria tawa Ierusarẽi miaria pe eweiꞌe. Mio tã eiꞌe hap ahenoi wuatꞌi imohey haria pe yi Masetunia piaria pe. Miꞌi hawyi teꞌeroꞌe -Pyno uruto wy urutum iꞌatuꞌe. Miꞌi hawyi taꞌatuium taꞌatukuap eipe ewetum irane hap hawyi. -Tawa Kurintiu piaria yi Akaia piaria ewy watum iꞌatuꞌe toꞌope.

Karasia 1:20

Uiwyiaꞌin miꞌiria ti yt uimuꞌe haria i are. Yt uheso hin i maꞌato ahenoi ehepe Tupana ehamo areꞌe -Tupana yn uiꞌairo topotpoꞌoro wo. Yt Iesui potmuꞌeria miꞌairo i uito are. Yt uikuap hin i miꞌiria saꞌawyꞌi.

Karasia 2:20

-Uito yt atunug i te emikyꞌesat ewy aiꞌe hamo are. Tupana mikyꞌesat ewy atunug neran kahato wen maꞌato uhesaika hap yt toineꞌen i te uipiit pe inug hamuat watoꞌe hap watikuap are. Miꞌi pote Iesui kape waku watokosap hesaika hap sat hamo are. Yt tuwemikyꞌesat ewy i ikuꞌuro ariaꞌyp posak ete Iesui maꞌato Tupana mikyꞌesat ewy ikuꞌuro ariaꞌyp posak ete watoꞌe are. Miꞌi hap ewy atunug neran wen. Koitywy uipytꞌat teran kahato Iesui Paꞌãu wo. Miꞌi pote koitywy uimikyꞌesat koꞌi hokpap yne raꞌyn. Uikaꞌiwat Iesui mikyꞌesat koꞌi nug hamo yn naꞌyn areineꞌen koitywy are. Mesup ti koitywy Tupana Saꞌyru mohey hatno yn areineꞌen. Koitywy wẽtup ok uikyꞌe hat motypot hamo yn naꞌyn areineꞌen watoꞌe.

1 Tesaronika 2:10

Miꞌi hap ete pywo eweiꞌe iꞌewyte Tupana pywo e urutukupteꞌen eipyꞌasetpiat turan katupono wakuap mywo hãpyk puo yt kat i eimaꞌat hap mywo urutukupteꞌen ehehamo iꞌewyte Tupana ehamo.

1 Tesaronika 2:5

Yt karãpe i eimaꞌatꞌi maꞌatꞌi wo uruiꞌatumoperupꞌi eipe. Maꞌato ti yt eimikyꞌesat ewy i uruiꞌatunapin. Taꞌi Tupana mikyꞌesat ewy yn uruiꞌatunapin. Yt kat i urutehaꞌat ehekat kyewi hap kape. Miꞌi pote pywo e Tupana eiꞌatumuꞌe uruepiat hap ete.

1 Timoteu 2:7

Yt uheso i ti pywo sese ti. Saꞌawyꞌi ti uimuꞌe Tupana mesuwat sehay wo Tosaꞌyru etiat -Etimoherep to mesuwat uhehay wuatꞌi yt Iuteuria i iraniaꞌin ywania pe e. Uwe mesuwat uhehay pywuat mohey haria ti aru uimiehakyeraꞌat no tukupteꞌen e uhepe saꞌawyꞌi Tupana.