2 Kuriniu 1:24 - Sateré-Mawé

²⁴ Kat pote Eikaꞌiwat sese yt uruto i. Miꞌi hawyi areꞌe uiwanetup hawe -Pyno yt kat hamo i areto are. Kat pote poꞌog waku eweikupteꞌen Eikaꞌiwat sese po pe hawyi yt areto i eiꞌapiheg hamo are.

2 Kuriniu 1:24 ပူးပေါင်းရင်းမြစ်များ

Mateu 24:49

Miꞌi haype ti aru toiꞌahyk ahyk neꞌi taꞌatukaꞌiwat emiitꞌin. Miꞌi haype ti aru mio tã e hat ienuk hap tutunug tewyriaꞌin wywo. Iꞌewyte mahy u kahato hawyi imopẽꞌã rakat topyhuꞌat.

Humanu 1:12

Atikyꞌesat Iesui mohey hap etiat uruwoꞌomoesaika moesaika hap itote Tupana. Putꞌok urutoꞌe itotiat hawyi urutunug neran Humanu ywania ewatnuaria wẽtup miit ewy Esaꞌyru mohey hap upi.

Humanu 11:20

Pywo ti toihep Iuteuria aikotã haga watihep hap ewy maꞌato yt iꞌatuminug saꞌag myi i toihep maꞌato yt taꞌatumohey i Tosaꞌyru pote. Miꞌi hawyi totopag eipe aikotã haga watipehik hap ewy Haꞌyru mohey haria eipe pote. Yt naku i eiwanetup hawe -Uruto poꞌog Iuteuria kai eweiꞌe eiwanetup hawe. Waku poꞌog paa eweiꞌe -Tupana kat pote uruꞌairo ewatnuat poꞌog waku watoꞌe. Taꞌi Haꞌyru mohey haria aito pote uruꞌairo waku watoꞌe yn kat pote yt ahewaku hap upi i ahehakyeraꞌat.

Humanu 5:2

Miꞌi pote -Worohoꞌomoieineꞌen kahato eipe mesuwat yi tote e Tupana mesup ahepe. Miꞌi pote -Uruimotypot kahato En Tupana urutoꞌe iꞌewyte urumimotypot En urutoꞌe. Meiũran aru urutukupteꞌen ewywo emotypot hap eꞌat pe hap uruimohey kahato miꞌi tã hamuat kape. Miꞌi pote waku kahato En urutoꞌe emowepiit hap mywo.

1 Kuriniu 15:1

Uiwyriaꞌin tawa Kurintiu piaria pyno mesup uito Pauru ahenoi teran poꞌog mekewat saꞌawyꞌi wuat uimienoi hãpyk takat sehay etiat. Saꞌawyꞌi uiꞌe hap eweimohey haty wo hap ahenoi iraꞌyn teran ehepe. Uiꞌe hap saꞌawyꞌi wuat ewy yt atikyꞌesat i eweiwaure katupono miꞌi watomohey motꞌi hawyi Iesui mohey haria sese watopyhuꞌat.

1 Kuriniu 3:5

Maꞌato areꞌe ehepe -Uito ti Pauru Tupana yn eropat hat sese iꞌewyte eimuꞌe hanuat are. Apauru iꞌewyte Tupana yn eropat hat. Kat hamo pyno -Aimuꞌe hat Pauru mohey haria uruto eweiꞌe. Saꞌawyꞌi worohoꞌomuꞌe eipe miꞌi hawyi Iesui mohey haria wo eweikupteꞌen uiꞌewy eweimohey pote are. Aikaꞌiwat emiitꞌin sese uruto urutunug urupoꞌoro hap oktan yn.

2 Kuriniu 11:20

-Eipotpap to uruemiitno yt kat saꞌup ete i iꞌatuꞌe ehepe haty wo. Miꞌi hawyi -Urutunug eiꞌe hap ewy mehinꞌin mimiꞌin eweiꞌe eimaꞌat haria pe. Yt eiweꞌeg hin i katupono ehekat koꞌi yne taꞌatusat. Ihakyꞌeꞌi rakaria wo eweikupteꞌen eimuꞌe hap saꞌup mo ewetum yne hawyi. -Uruto poꞌog eikai iꞌatuꞌe hawyi -Pywo eweiꞌe ehowa petek turan eimohit hamo. Miꞌi taꞌatunug yne ehete pykai eipe -Uruꞌapykok haria akag eweiꞌe. Urumuꞌe haria sese eipe eweiꞌe iꞌatuepe yt eiweꞌeg hin i.

2 Kuriniu 4:5

Yt watuwemotypot i ahehay wo miitꞌin miat wahenoi turan. -Eheropat haria uruto watoꞌe katupono Iesui emiit uruto pote watoꞌe. Miꞌi hawyi Iesui yn Aiꞌakag watoꞌe. Miꞌi yn Tupana tipoꞌoro Aiporekuat no. Miꞌi yn aimimotypot sese watoꞌe. -Eheropat haria yn waku watoꞌe wahenoi Iesui etiat turan.

2 Kuriniu 5:7

Watoineꞌen mesuwarotiat aipiit pe pote Tupana yt heremo i. Maꞌato imohey hap kaipyi yn wataꞌakasa kuap.

1 Peteru 5:3

Yt naku i watiꞌatupoꞌoro poꞌoro ahehay pirik hap wywo aihũria kat pote aihũria Tupana saꞌyruꞌin sakiꞌytꞌin. Miꞌi pote poꞌog waku watimoherep Tupana hũria pe muap ikahu rakat. Waku watopyhuꞌat Iesui iãꞌãkap koꞌi wo ewywuat no. Miꞌi hawyi waku watoꞌe aimimuꞌeria pe -Ereineꞌen no eweikupteꞌen no aikotã areineꞌen waku hap ewy waku watoꞌe. Waku watuwepotpap poꞌog aihũria kai. Miꞌi hap kaipyi taꞌatukuap aikotã waku taꞌatunug hap koꞌi wakuap koꞌi are.