2 Kuriniu 1:19 - Sateré-Mawé

¹⁹ Saꞌawyꞌi mehin Sira mehin Timoteu iꞌewyte uito urutuwat ehewowi eimuꞌe hamo. Miꞌi hawyi itote uruiꞌatumuꞌe kahato aikotã Tupana tipoꞌoro Tosaꞌyru hap etiatno. Tupana motypot haria wo yn uruiꞌatumuꞌe eipe. Yt kat i urueso hap wywo uruiꞌatumuꞌe eipe. Miꞌi hap eꞌat pe urutunug aru urutoꞌe pote urutunug uruꞌe hap ewy. Yt typy sehay wywo hin i uruiꞌatumuꞌe saꞌawyꞌi eipe Iesui etiat uruhenoi raꞌyn.

2 Kuriniu 1:19 ပူးပေါင်းရင်းမြစ်များ

Mateu 17:5

Mio tã e Peteru ihay turan ywyhig putꞌok e imohit kahato rakat putꞌok e hawyi yt heremo i tukupteꞌen itote. Miꞌi kaipyi tuut sehay mio tã e hap -Meiẽ ti Uhaꞌyru uimikyꞌe kahato uimowepiit sese hat. Pyno waku eweiwanetup kahato o kat e som iꞌe hap kape

Mateu 24:35

Pyno waikiru aat yi tuweityk yne hamuat maꞌato uiat uimienoi uhehay yt sake i tuweityk e Iesui.

Mateu 27:40

-Erehakyeraꞌat ro erehakyeraꞌat ro meiẽpe pyi iꞌatuꞌe. Tupana motypot yat atomoma hawyi atunug myẽꞌym eꞌat yn e hat meiẽ iꞌatuꞌe. Pywuat Tupana Saꞌyru sese pote ti aru eraꞌapyk meiẽpe pyi ewewi ariaꞌyp posak pyi iꞌatuꞌe.

Mateu 27:54

Iesui ikuꞌuro turan wẽtup ok suraraꞌin akag tesuraraꞌin nywo teꞌeraꞌakasa yne aikotã aikotã ikuꞌuro hap kape yi tyryꞌe hap kape. Miꞌi hawyi teꞌerokenꞌẽ kahato hawyi teꞌeroꞌe -Taꞌi meiũ ti Tupana Saꞌyru sese iꞌatuꞌe.

Mateu 3:17

Miꞌi turan toikuap sehay atipy kaipyi -Meiẽ ti Uhaꞌyru sese uimikyꞌe kahato e. Uimowepiit kahato hat e.

Mateu 4:3

Miꞌi turan putꞌok e ahiag itote hãꞌãg hamo. Miꞌi hawyi toꞌe Iesui pe -Mehin e pywo Tupana Saꞌyru sese En mote etunug no meikowat nu koꞌi kawiat man emiꞌu wo e Iesui pe.

Maku 1:1

Mesup mienoi wakuat ti Aipotypot Iesui etiat Tupana saꞌyru etiat aikotã saꞌawyꞌi te Tupana tipoꞌoro tosaꞌyru meiko wo mesuwat mytyyp kape miitꞌin ehakyeraꞌat hamo.

Iruka 1:35

Mio tã e pote atipy kaipywiat tiwesat -Taꞌi Tupana Paꞌãu wakuat wyti aru tuut ewowi hawyi Tupana esaika hap kaipyi ti aru imepytꞌa rakatno ereineꞌen. Miꞌi pote ti aru mekewat hirokat hit Wakuat sese rakat toineꞌen Tupana saꞌyru e.

Iuwãu 1:34

-Miꞌi kape ti uito araꞌakasa raꞌyn miꞌi tupono ahenoi hamuat ehepuo -Miꞌi miit ti Tupana saꞌyru sese raꞌyn are e woꞌosetꞌok hat Iuwãu iꞌatuepe.

Iuwãu 1:49

Miꞌi pote Natanaeu toꞌe Iesui pe -Woꞌomuꞌe hat pywo En ni Tupana Saꞌyru sese are. En ni Isareu ywania Porekuat koro e.

Iuwãu 19:7

Miꞌi hawyi Iuteu akag koꞌi tiwesat -Maꞌato uruwat urunapin hap ete ti toineꞌen kahato meiẽwat miit iꞌaparap hap iꞌatuꞌe katupono tuwenoi Tupana Saꞌyru Uito e. Miꞌi pote etipoꞌoro ro esuraraꞌin iꞌauka hamo iꞌatuꞌe.

Iuwãu 20:28

-Uikaꞌiwat e koitywy woromohey kahato raꞌyn Uhetupana kahato raꞌyn En e Tume.

Iuwãu 20:31

Maꞌato kat koꞌi kat koꞌi atiwan mesuwat uimiwan me ahenoi kahato raꞌyn haty wo uipyꞌa pyi katupono atikyꞌesat kahato uimiwan kuap haria tukupteꞌen aru Iesui mohey haria. Atikyꞌesat kahato eweimohey Iesui ti Tupana Saꞌyru sese hap iꞌewyte atikyꞌesat ewetunug Iesui Eipotypot koro sese hap atikyꞌesat uimiwan etiat wemuꞌe haria. Eweimohey ro Iesui are uipyꞌa pyi. Pywo pe ti Iesui upiaria sese eweikupteꞌen pote waku pe eweikupteꞌen Tupana pya pe iꞌewyte wuatꞌi eꞌat piat eweikupteꞌen mesuwe iꞌewyte atipy pe are.

Iuwãu 3:16

Katupono Tupana tiꞌatukyꞌe kahato miitꞌin haype tutum Tosaꞌyru wẽtup ok takat iꞌatuepe e. Miꞌi pote uwe uwe imohey miꞌi haria wyti aru yt ikuꞌuro sese i maꞌato wuatꞌi eꞌat pe raꞌyn iꞌatuehãite hap toineꞌen e Iesui.

Iuwãu 6:69

Koitywy uruimohey raꞌyn En uruporekuat nuat Tupana Mipoꞌoro Tupana sese Saꞌyru En e. Worokuap taꞌyn En Uhyt e. Uruikuap En naꞌyn urupyꞌa pe e Peteru Iesui pe.

Iuwãu 8:58

-Pywo pe ti Uito ti ahaꞌaseꞌi Aparãu ywãꞌĩ hap eꞌyian mete wuat ieineꞌen hat e Iesui.

Iesui Potmuꞌeria 15:22

Miꞌi hawyi torannia Iesui mohey haria teꞌeroꞌe toꞌope 12 ok takaria wywo taꞌatuꞌakagnia wywo -Pyno waku aimiꞌairoria watiꞌatupoꞌoro uhyt Pauru uhyt Panape upi tawa Antiokia kape miꞌi aiꞌe hap enoi iraniaꞌin miat hamo iꞌatuꞌe. Miꞌi hawyi taꞌatuꞌairo uhyt Iuta Pasapa e hap het rakat hawyi uhyt Sira taꞌatuꞌairo miitꞌin wakuaria taꞌatupyꞌasetpiaria.

Iesui Potmuꞌeria 16:1

Miꞌi hawyi Pauruꞌin putꞌok iꞌatuꞌe i tawa Tepe pe tawa Irita pe. Miꞌi hawyi itote Pauruꞌin tipuẽti uhyt Timoteu. Ity ti Iesui mohey hat Iuteu ywania maꞌato iꞌywot Kereku ywania.

Iesui Potmuꞌeria 18:5

Miꞌi hawyi uhyt Sira uhyt Timoteu putꞌok e itote yi Masetunia kaipyi. Itote taꞌatupuẽti hawyi Pauru ihay kahato topyꞌa pyi -Iesui ti Tupana Mipoꞌoro Aiporekuat nuat e.

Iesui Potmuꞌeria 8:36

Miꞌi hawyi putꞌok iꞌatuꞌe yꞌy ete. Miꞌi hawyi Morekuat powyro hat toꞌe -Meiko yꞌy uhyt waku apo uhetꞌok en meikowat yꞌy pe e Wiripi pe.

Iesui Potmuꞌeria 9:20

Miꞌi hawyi itote tohenoi kahato haty wo -Iesui ti Tupana Saꞌyru sese e toꞌywania Iuteuria pe taꞌatuwoꞌomuꞌe hawe Tupana motypot yat pe.

2 Kuriniu 1:1

Uito ti Pauru are. Uiwyriaꞌin Iesui mohey haria tawa Kurintiu piaria yi Akaia piaria. Eiperia ti Tupana mimowaku koꞌi raꞌyn tewaku hap wuat koꞌi. Uito ti Iesui potpoꞌoro Pauru e hap het rakat are. Saꞌawyꞌi Tupana toꞌe uhepe -Woroꞌairo en Uhaꞌyru moherep miitꞌin muat hamuat e. Koitywy atipoꞌoro ehewowi uimiwan aikope aikope eiwaꞌatunug Tupana motypot hamo are. Iꞌewyte toineꞌen meiũpe aheywyt aikywyt sese Timoteu are. Miꞌi ti uipowyro mesuwat uhehay wan hap ete.

1 Tesaronika 1:1

Uito ti Pauru kuekatu sese atipoꞌoro ehewowi Iesui mohey haria kape tawa Tesaronika piaria kape are. Uiwyriaꞌin Iesui mohey haria mesuwat uimiwan atipoꞌoro ehewowi katupono atikyꞌesat kahato ti Tupana hegyiꞌat kahato ehepiat hap. Iꞌewyte atikyꞌesat kahato Tupana kaipywiat eiwoꞌowese hap. Pyno uito hawyi mehin Sira hawyi Timoteu wywo kuekatu urutoꞌe ehewowi uruwyriaꞌin tawa Tesaronika piaria kape. Mesuwat uruipoꞌoro ehewowi urumiwan Aiꞌywot Tupana Aikaꞌiwat Iesui hũria kape tomohey haria waꞌatunug haria kape.

2 Tesaronika 1:1

Uiwyriaꞌin Tawa Tesaronika piaria koitywy Uito Pauru atipoꞌoro uimiwan ehewowi iꞌewyte aiwy Sira aiwy Timoteuꞌin wywo kuekatu uruꞌe hap uruipoꞌoro ehewowi Aiꞌywot Tupana mepytꞌin Aikaꞌiwat Iesui emiitꞌin torannia kape.

1 Timoteu 3:16

Tupana mienoi Iesui etiat watikuap kahato maꞌato yt karãpe i watikuap yne yne. Tupana yn ikuap sese hat. Miꞌi hawyi ikuap hat sese tuwemoherep taꞌyn ahowawi. Mio tã toꞌe ahepe Iesui etiat -Meiũ ti pywuat sese e. Miꞌi Miit kape atipy piaria teꞌeraꞌakasa yne. Miꞌi ti imoherep taꞌyn kat ywania puo kat ywania puo miꞌi hap tuwemoherep taꞌyn tehay wo. Miꞌi hawyi ti iꞌatu kahato raꞌyn imohey haria mesuwat yi tote. Miꞌi hawyi Tupana tioto i raꞌyn atipy kape i are.

Epereu 1:11

Maꞌato miꞌiria aru meiũran teꞌeruwewuk yne taꞌatuporo hawyi ikahuro raꞌyn maꞌato En ni aru ereineꞌen ihãite wuatꞌi eꞌat piat rakatno e. En ni ereineꞌen yne yne weityk pykai e. Maꞌato aat atipy waikiru yi gaꞌapy yꞌy waty ti aru tuwemoweityk yne sokpe potꞌi ewy maꞌato En yt karãpe i e.

Epereu 13:8

Iesui ti Aiꞌakag Akag toineꞌen tuweꞌewy wuatꞌi eꞌat pe. Aikotã saꞌawyꞌi Iesui toineꞌen koitywy iꞌewyte toineꞌen tuweꞌewy te mukiꞌite tuweꞌewy te toineꞌen eꞌihatꞌok tuweꞌewy te wuatꞌi eꞌat pe tuweꞌewy te yn toineꞌen. Tewaku hap ewy yn topyhuꞌat wuatꞌi eꞌat pe.

1 Peteru 5:12

Pyno uito Siwanu atunug mesuwat miwan. Peteru wẽ pyi atiwan yne mesuwat sehay. Uhet wyti Siwanu. Uito areineꞌen aikotã eheywyt eikywyt yt eimaꞌat hat hin i ewywuat i areineꞌen. Atipoꞌoro mesuwat Peteru miwan Peteru e hap ehewowi uimiwan miat. Yne miitꞌin tikuap uimiwan aikotã aikotã atunug hap. Taꞌi heremo kahato uimiwan kaipyi uwe uito hap. Yt iwato hin i uimiwan. Pyno pywo kahato aimuꞌe mesuwe Peteru. Uiꞌe hap ewy kahato toꞌe mesuwe. Areꞌe Peteru e hap ewy uito. Taꞌi watopyhuꞌat ahãꞌãg hap turan wahoꞌopot turan miꞌi pote watopyhuꞌat wuatꞌi eꞌat pe Tupana mipoityro koꞌi wo. Tupana aikyꞌe kahato pote waku watopyhuꞌat yꞌam me hap ewy suraraꞌin ewy. Yt karãpe i watoiat aikyꞌe hat hegyiꞌat kahato pote are.

2 Peteru 1:17

Pyno saꞌawyꞌi Tupana henoi atipy kaipyi uruehamo Tosaꞌyru etiat tohenoi. Mio tã e Aiꞌywot Tupana itote -Miꞌi ti Uhaꞌyru sese uimikyꞌe kahato e. Uimowepiit sese Miꞌi Miit e. Pywo ti rat uimotypot kahato hat Miꞌi e Tupana teiam ywyhig muo ikytsig nakat ikahu rakat kaipyi mekewat tomotypot hap teiam kaipyi mio tã e are.

1 Iuwãu 1:3

Aiwywo raꞌyn toineꞌen. Miꞌi hap uruikuap uruewaure kaꞌa pe. Uruehaꞌat hap uruimoherep ehepe katupono uruꞌewy aiwoꞌoꞌewy ewy watopyhuꞌat hap uruikyꞌesat kahato Iꞌywot wywo Haꞌyru wywuat aiwoꞌowese hap. Uruꞌewywuat Aipotypot Iesui ewywuat hap uruikyꞌesat.

1 Iuwãu 5:20

Koitywy watikuap kahato Tupana saꞌyruꞌin sakiꞌytꞌin aito hap. Taꞌi watikuap Tupana Saꞌyru hawyi Tupana moherep hat sese topyhuꞌat poꞌog poꞌog mekewat pywuat etiat kuap hamo. Miꞌi tupono mekewat Tupana Mipoꞌoro Aiporekuat nuat hat watikuap hawyi topoꞌoro hat Tupana watikuap iꞌewyte. Saꞌawyꞌi watikuap teran uwe Tupana hap maꞌato yt heremo hin i Tupana ahepe. Maꞌato mesup heremo raꞌyn aheTupana katupono Haꞌyru imoherep ahepe. Tupana Haꞌyru ti Toꞌywot ewywuat wẽtup miit ewy. Karãpe wataꞌakasa Haꞌyru kape pote Iꞌywot kape ti raꞌyn wataꞌakasa wy are. Miꞌi pote mesup -Worokuap kahato En watoꞌe yn Tupana pe. Koitywy uiwyriaꞌin watoineꞌen Tupana pe aikotã Tupana eiam ewy miꞌi pe watopyhuꞌat. Saꞌawyꞌi watomohey Iesui ti Tupana Saꞌyru e hap hawyi Iesui po pe watopyhuꞌat. Ipyꞌa pe kahato watoineꞌen. Aikaꞌiwat yat piaria ewywuaria watopyhuꞌat. Iesui ti Tupana sese miꞌi pote Tupana pe watoineꞌen Iesui pe watoineꞌen pote. Iesui ti wuatꞌi eꞌat piat ieineꞌen hat iꞌewyte aito wuatꞌi eꞌat piat watoineꞌen Iesui wywo wẽtup miit piit ewywuat pote are.

2 Iuwãu 1:9

Yt naku i wahenoi iraniaꞌin me aiwanetup hap yt Aipotypot Iesui e hap ewy i. Miꞌi tã watunug mote yt Tupana watnuat i watopyhuꞌat. Maꞌato miitꞌin watiꞌatumuꞌe Iesui e hap ewy imienoi ewy miꞌi pote toineꞌen Iꞌywot Haꞌyru aipyꞌa pe.

Iesui Aru E Hap 1:11

-Uito ti yne saꞌawynug hat maꞌato uhepiat inug hap yian mete areineꞌen wuatꞌi eꞌat pe e. Uiminug koꞌi yne ikahuro hap sakpo areineꞌen ne wuatꞌi eꞌat pe e uhepe. Miꞌi hawyi toꞌe i uhepe -Iuwãu e atomoherep aru epe emiꞌakasa koꞌi emuꞌetu wuat ewywuat koꞌi e. Etiwan o uimimoherep emuꞌetu hap koꞌi e. Miꞌi hawyi emiwan o etipoꞌoro uimohey haria pe 7 Tupana motypot yat kape yi Asia tote. Tawa Ewesu piaria weꞌatunug haria kape. Iꞌewyte Tupana motypot yat tawa Simina piaria waꞌatunug haria kape etipoꞌoro uiꞌe hap emiwan. Iꞌewyte Tupana motypot yat tawa Pekamu piaria weꞌatunug haria kape etipoꞌoro emiwan. Iꞌewyte Tupana motypot yat tawa Satu piaria kape etipoꞌoro. Iꞌewyte Tupana motypot yat tawa Tiatira kape etipoꞌoro wy. Iꞌewyte Tupana motypot yat tawa Wiratewia piaria kape etipoꞌoro hawyi Tupana motypot yat Irautiseia piaria kape etipoꞌoro emiwan ipe pewiu tote e Iesui uhepe.

Iesui Aru E Hap 1:17

Araꞌakasa howawi hawyi araꞌat yi tote uhowa yi kape hap ewy ipoityꞌi uhetiat hawyi ipy yatype genꞌẽ pono ikuꞌuro rakat ewy areineꞌen. Miꞌi pote tuweponug uipiit ete topo sese kai haype toꞌe -Uimikyꞌe Iuwãu e yt erekenꞌẽ teiꞌo uipupi e uhepe. Pywo ti rat uito wuatꞌi eꞌyian mete wuat eꞌat piat ieineꞌen hat Uito e iꞌewyte yt kat i raꞌyn topyhuꞌat rẽ mesuwarotiat pykai aru areineꞌen ne Uito e uhepe.

Iesui Aru E Hap 1:8

-Taꞌi uito ti rat Iesui e ahepe tuut hawyi. Ahaꞌawynug yne uito hawyi areineꞌen ni hat uito. Uhepiat inug yne hap eꞌyian me areineꞌen ni e. Uimisaꞌawynug saꞌawynug atimoputꞌok yne. Maꞌato wuatꞌi mesuwarotiat eꞌyian me areineꞌen ne wuatꞌi eꞌat pe e. Uito ti rat Eikaꞌiwat Wuatꞌi Esaika Hap Eiam uito e Iesui ahepe.

Iesui Aru E Hap 2:18

Miꞌi hawyi mekewat ariãty eiam 7 haga rakat puat hewyry rakat toꞌe uhepe -Iuwãu etiwan uiꞌe hap koꞌi hawyi etipoꞌoro uimohey haria awa Tiatira piaria kape iꞌatuꞌapykok hat kape etipoꞌoro. Mio tã etiwan -Tawa Tiatira piaria Uito ti Tupana Saꞌyru e uhehay sese atipoꞌoro ehewowi e. Uheha koꞌi ti aria sapuẽ sapyhot hap ewy nu mehit hap ewy e.