2 Kuriniu 1:15 - Sateré-Mawé

¹⁵ Saꞌawyꞌi eipap kahato uhehay upi miꞌi pote -Araꞌaipok i raꞌyn iꞌatumuꞌe hamo paĩ are uipyꞌa pyi. Saꞌawyꞌi -Areto i raꞌyn tawa Kurintiu piaria kape are.

2 Kuriniu 1:15 ပူးပေါင်းရင်းမြစ်များ

Mateu 1:19

Miꞌi hawyi ikyꞌesat hat Iuse tikuap taꞌyn imepytꞌa Maria hap hawyi tuwanetup koꞌi koꞌi kahato -Uimaꞌat rasig Maria e. Wẽtup ok ihainia imepytꞌa nug hat pote yt naku i atat uheharyꞌi wo e. Katupono wuatꞌi wywuat ieineꞌen hat neꞌi Maria e tuwanetup hawe. Pyno waku atipoꞌoro mana Maria wẽtup hy kape migꞌi wo e Iuse tuwanetup hawe katupono waku rakat Iuse pote yt toikyꞌesat i miitꞌin tikuap imepytꞌa hap haype.

Humanu 1:11

Atikyꞌesat kahato meremo uipoꞌoro Humanuꞌin kapiat uhewyry hamo. Tupana ewaku hap upi uipoꞌoro o iꞌatumuꞌe hamo.

Humanu 15:29

Putꞌok are eipyꞌasetpiat hawyi atikyꞌesat kahato Aikaꞌiwat Iesui aipoityro kahato hap. Atikuap taꞌyn uipyꞌa pe meiũran wuatꞌi aiꞌatupoityro itotiat hamuat tegyiꞌat hap wato hap oktan hawyi waku kahato raꞌyn.

1 Kuriniu 11:34

Maꞌato wẽtup ok toineꞌen eipyꞌasetpe uhesyꞌat kahato e hat miꞌi hat pe -Waku mehin waku erenuk eꞌyat pe hawyi eriot meikowo eweiꞌe eꞌyian mete katupono yt naku i Tupana miꞌapiheg haria wo watopyhuꞌat. Maꞌato Iesui motypot hap upi watuꞌu man pik pikꞌe hap Uwa hy ikuꞌuro aikawiatno hap moherep hamo miꞌi watunug mote Tupana mipoityro koꞌi watopyhuꞌat e. Miꞌi pote miꞌi hap ete yt ahenoi kuap i koitywy uimiwan me. Iꞌatu kahato te yt ahenoi i ehepe maꞌato areto ehewowi hawyi ahenoi yne ehepe heĩpyt koꞌi.

1 Kuriniu 16:7

Taꞌi areineꞌen motꞌi teran ni eiwywo itote.

1 Kuriniu 4:19

Maꞌato araꞌaipok irane te Tupana tum muap uhepe hawyi. Areineꞌen eipyꞌasetpe hawyi atikat eipyꞌasetpiat haria tukupteꞌen. Miꞌi hawyi atikuap irane uwe uwe eipyꞌasetpe Tupana motypot haria tukupteꞌen.

2 Kuriniu 12:14

Pyno areto i raꞌyn ehewowi ehepiok hamo. Saꞌawyꞌi areto typua raꞌyn koran wuat areto hawyi myẽꞌym mo raꞌyn areto. Maꞌato putꞌok are eipyꞌasetpe turan yt atikyꞌesat i areineꞌen eiꞌokpe tote. Arenuk uhekat kaipyi aikotã saꞌawyꞌi areꞌe hap ewy. Eweikuap kat pote pyno ahenoi. Yt atikyꞌesat hin i ehekareꞌen koꞌi. Maꞌato worohoꞌokyꞌesat eipe aikotã uhaꞌyruꞌin uhakiꞌytꞌin hap ewy. Aikotã yt naku i wahẽtup ahaꞌyruꞌin ahakiꞌytꞌin me miꞌi kareꞌen koꞌi. Miꞌi hap ewy yt ahẽtup i ehepe. Waku poꞌog eiꞌywotꞌin iꞌewyte tutum kareꞌen koꞌi hap ewy.

2 Kuriniu 6:1

Urutoria Iesui ehay moherep haria sese. Miꞌi pote koitywy uruhẽtup kahato ehupi. Eipe iꞌewyte uruꞌewy te wẽtup piit ewy yn Tupana wywo. Watuwepotpap kahato wuatꞌi ywania piat ikuap Haꞌyru etiat hamo. Pyno Tupana eropat haria aito pote uruhẽtup ehupi urupyꞌa pyi kahato. Yt eweikupteꞌen neiꞌo Tupana piat eikyꞌe hap ete iraꞌak takaria wo neꞌi. Tupana tum naꞌyn ehepe kat koꞌi kat koꞌi topotpap nug hamuat yt kat saꞌup i. Yt naku i Tupana miium ahepiat koꞌi watiporerokosap neꞌi. Yt naku i watipun imiium koꞌi.