Koitywy ehepe iraniaꞌin ywania pe atimoherep teran Tupana ehay ehepe yt uwe mikuap i te hap. Miꞌi eweikuap hawyi yt eweiꞌe kuap i -Uruto poꞌog weꞌeg haria ywania Iuteuria kawiat e hap. Koitywy Iuteuria yt timohey kahato i Tupana Mipoꞌoro Aiporekuat nuat Iesui iꞌatupyꞌa heg kahato rakaria pote maꞌato meiũran aru paa iꞌatuꞌe hawyi taꞌatukyꞌesat kahato imohey hap. Koitywy yt taꞌatukyꞌesat i pote -Pyno atiꞌatuehakyeraꞌat iraniaꞌin ywania taꞌatumohey kahato Uimipoꞌoro Iesui Iꞌatuporekuat nuat pote e Tupana. Meiũran aru yt uwe i eipe Tupana Mipoꞌoro Aiporekuat nuat mohey haria hawyi yt uwe i poꞌog ikyꞌesat hawyi mekewat eꞌat pe ti uimiꞌairoria Iuteuria iꞌatupap i raꞌyn imohey hap ete miꞌi hap eꞌat pe yt niatpo hin i tuwehytꞌok Uhaꞌyru mohey hawe e. Katupono miꞌiria tukupteꞌen Uriweiria yp haga sese koꞌi ewy e Tupana ahepe.
2 Kuriniu 1:14 - Sateré-Mawé14 Koitywy urumohey ran are kat pote yt urukuap kahato i te pote. Miꞌi pote urumohit tuereto ehehay wo. Atikyꞌesat kahato urukuap sese hap. Waku watuwekuap aiwoꞌoꞌewy ewy hawyi aiwoꞌomowepiit hap toineꞌen are. Karãpe mekewat eꞌat pe putꞌok e mekewat Aipotypot Iesui toineꞌen mesuwarote Morekuat Koro wo hap eꞌat pe uimowepiit kahato haria eweipyhuꞌat are. Katupono -Miꞌiria uipotmuꞌeria sese uimiekyi koꞌi tawa Kurintiu kaipywiaria are aru Iesui pe. Taꞌi worohoꞌomoherep eipe Iesui kape huut hap eꞌat pe are. Miꞌi hap eꞌat pe aru waku -Taꞌi Pauru ti urumuꞌe hat saꞌawyꞌi wuat waku eweiꞌe mekewat eꞌat pe Aikaꞌiwat pe are. Miꞌi hap ewy urutukupteꞌen itote woꞌomowepiit hanuaria wo. အခန်းကိုကြည့်ပါ။ |
2 Kuriniu 1:14
16 ပူးပေါင်းရင်းမြစ်များ
Koitywy Aikaꞌiwat aimoheg kahato tehay wo. Yt watoiat kuap i ahepiat imohey hap wuatꞌi eꞌat pe pote. Miꞌi tã ti tutunug mesuwat yi kahuro hap kape. Miꞌi hawyi meremo taꞌaipok i Aipotypot Wuatꞌi Mimotypot no. Aikaꞌiwat Iesui putꞌok e hap eꞌat pe turan -Yt kat i saꞌag atipuẽti miꞌiria ete e Iesui ahetiat.
Yt karãpe i aikuꞌuro hawyi watoineꞌen mote yt kat hamo i uito atiꞌatumuꞌe aat kaꞌap wanikaptia uiꞌauka teran haria. Uiwyriaꞌin pywo ti worohoꞌokyꞌe eipe uimowepiit haria eipe. Mesuwe uimohan haria tukupteꞌen. Yt taꞌatukyꞌesat i uhehay Iesui etiat hap wote uiꞌauka teran. Maꞌato miꞌi hap ahenoi teran ehepe katupono aito wẽtup miit ewy Iesui mohey haria aito pote worohoꞌokyꞌe haype.
Saꞌawyꞌi wuat urumiwan me worohoꞌonapin. Mekewat eipyꞌasetpiat Iesui mohey hat toꞌywot eharyꞌi wywuat waire nug hat. Miꞌi hawyi eiwemoti kahato toineꞌen eiwy ok eipyꞌasetpiat iꞌaparap turan wuat worohoꞌonapin mote. Iꞌewyte uito aremoti miꞌi hap ete are. Maꞌato yt eiꞌewy i pote yt uhehamo i pote miꞌi pote yt worohoꞌomohit teran i poꞌog miꞌi hap ete neꞌi. Maꞌato atunug poꞌog pote poꞌog eiꞌarot kat pote poꞌog worohoꞌomohit pote.
Yt karãpe i uruiꞌatumaꞌat eipe. -Uruto poꞌog yt urutoꞌe hin i. Taꞌi yt urutuwemowato teran i aikotã iraniaꞌin eimuꞌe haria ewy. Miꞌiria ti teꞌeruwepainug teꞌeruwemotypot hamo -Uimotypot mono taꞌatuꞌe hawe neꞌi. Maꞌato iꞌatuwanetup hawe yt hãpyk hin i -Uruto poꞌog iꞌatuꞌe hap. Miꞌiria eweikuap teran pote waku apo eweiꞌe sio waku apo eweiꞌe sio yt hap kuap hamo. -Urumuꞌe haria Pauru ewywuaria sio yt apo eweiꞌe. Miꞌi hawyi eweikuap sio waku sio eimaꞌat haria neꞌi hap koꞌi etiat.
-Gaꞌatpuat anu urupotpap kahato hum hamo eweiꞌe uhepe. Meremo uruiꞌatunug urumiium muat ihakyꞌeꞌi rakaria imohey haria tawa Ierusarẽi miaria pe eweiꞌe. Mio tã eiꞌe hap ahenoi wuatꞌi imohey haria pe yi Masetunia piaria pe. Miꞌi hawyi teꞌeroꞌe -Pyno uruto wy urutum iꞌatuꞌe. Miꞌi hawyi taꞌatuium taꞌatukuap eipe ewetum irane hap hawyi. -Tawa Kurintiu piaria yi Akaia piaria ewy watum iꞌatuꞌe toꞌope.
Saꞌawyꞌi watomohey Iesui hawyi Tupana miehakyeraꞌat hanuaria watopyhuꞌat. Tohaꞌawynug ahehakyeraꞌat hap hawyi yt aiꞌatoiat hin i e. Yne eꞌat pe haꞌawytepyi mesup te mukiꞌite ahehakyeraꞌat kuap hat Iesui topyhuꞌat. Poꞌog poꞌog yne eꞌat pe aimoesaika kahato tewaku hap nug hamo. Ahehakyeraꞌat kahato haꞌawyte mesup te Haꞌyru taꞌaipok Aipotypot no hap kape mesuwat yi kape taꞌaipok hap kape ahehakyeraꞌat hamuat wuatꞌi eꞌat piat hap kape. Yt uheso hin i are. Topyhuꞌat kahato aipyꞌa pe Iesui wuatꞌi eꞌat pe. Ipotpap kahato aiwanetup hawe aimoewaku kahato hamo. Yne eꞌat pe miꞌi hap koꞌi wyti waku watomohey e.
Katupono watimoherep kahato miitꞌin me muap Tupana kapiat aikotã waikiru hẽtyhot wãtym muo hap ewy watopyhuꞌat. Meiũran Aipotypot Iesui putꞌok e mesuwat yi tote yne aiminug moherep hamo sio waku sio yt e hamo. Miꞌi hap eꞌat pe uimowepiit haria wo eipe katupono miꞌi hap eꞌat pe wuatꞌi ehamo -Miꞌiria ti uhemiit sese. Miꞌiria ti uhehay moherep haria sese e aru Iesui ehepiat. Mio tã toꞌe hawyi uimowepiit kahato hap topyhuꞌat katupono eipe uimimuꞌeria sese pote. Taꞌi arehum kahato itote katupono yt eweipun hin i einapin uhepiat hap. Miꞌi hawyi Tupana tuwehum kahato topotpap nug haria ete.
-Tupana etiꞌatupowyro o uruwyriaꞌin itotiaria. Etiꞌatumoperupꞌi wakuap nug hamo are. Uruikyꞌesat tawa Tesaronika piaria emohey haria wuatꞌi kupteꞌen hap. Etiꞌatumopakupꞌi iꞌatuwanetup pakup i hamo are. Miꞌi hawyi yt kat i iꞌatuwanetup saꞌag hap kapiat hap uruikyꞌesat uruꞌywot urutoꞌe. Uruikyꞌesat miꞌiria ewatno yn hap urutoꞌe. Miꞌi tã etunug mote ti aru karãpe Esaꞌyru emipoꞌoro uut turan yt kat i iꞌatuminug saꞌag huut turan etipuẽti aru urutoꞌe yn Tupana pe.