1 Timoteu 5:3 - Sateré-Mawé

³ Waku hiwuria sese watipowyro heꞌaito kuꞌuro rakaria yt imepyt i te turanuat ikuꞌuro heꞌaito rakat yt hemiariru i te rakat.

1 Timoteu 5:3 ပူးပေါင်းရင်းမြစ်များ

Mateu 15:6

Miꞌi tã eweitunug mote -Yt uruipowyro kuap i uruꞌywotꞌin eweiꞌe. Miꞌi tã neꞌi ewetunug pote Tupana ehay pun haria wo neꞌi eweikupteꞌen eiwat eiwekaipywiat eiwoꞌomuꞌe hap kaipywiat.

Mateu 23:13

Miꞌi hawyi Iesui toꞌe miwan kuap haria pe iꞌewyte woꞌomuꞌe haria pe -Taꞌi heso rakaria ti eipe typy hẽku rakaria e Tupana ehay kuap ran haria pe. Yt eweikyꞌesat i ti miitꞌin tuwat aikope Tupana toineꞌen Morekuatno hap kape e. Taꞌi eweiꞌatupyhyp kahato ti miitꞌin ipap Tupana etawa kapiat rakaria e. Iꞌewyte ti eipe yt eweiwat teran hin i. Miꞌi pote ti iraniaꞌin yt tuwat i eiꞌewy e.

Iruka 2:37

Miꞌi ti toineꞌen hiwu 84 anu rakat. Yt karãpe i tuwẽtem Tupana motypot yat pyi maꞌato toineꞌen wuatꞌi eꞌat pe Tupana motypot haype aat kaꞌap wãtym wo tuwemosyꞌat tuereto Tupana kapiat hẽtup hamo.

Iruka 7:12

Karãpe yt pya i raꞌyn tawa eꞌokenꞌypy tote putꞌok iꞌatuꞌe hamuat turan tõꞌẽ raꞌyn mekewat hiwu mepyt wẽtup ok takat syp hamo. Miꞌi turan tuwat typyꞌi kahato tawa piaria ity upi.

Iuwãu 1:47

Maꞌato putꞌok e irane turan Iesui ti taꞌakasa raꞌyn Natanaeu kape hawyi toꞌe -Meiẽ meipe ti raꞌyn tuut aiꞌywania Isareu ywania sese hãpyk kahato rakat e.

Iesui Potmuꞌeria 6:1

Miꞌi hawyi ipotmuꞌeria timoherep kahato miitꞌin me yne Iesui etiat. Mekewat eꞌat pe imohey pakup i haria teꞌeruwemotypyi kahato itote. Imohey pakup i haria typy pusu kuap haria tukupteꞌen. Miꞌiria yne Iuteuria maꞌato typy pusu kuap haria miꞌiria tukupteꞌen. Wẽtup ywania Kereku pusu kuap haria maꞌato wẽtup ywania Epereu pusu kuap haria. Miꞌi hawyi wẽtup eꞌat pe Kereku pusu kuap haria teꞌeroꞌe toꞌope -Kat pote Epereu pusu kuap haria poꞌog imoꞌẽ taꞌatuehiwuria pe aito wuaria kai iꞌatuꞌe.

Iesui Potmuꞌeria 9:39

Miꞌi hawyi putꞌok e raꞌyn itote hawyi Peteru taꞌatueraꞌam akipy ywaitiat kape. Itote hiwu koꞌi teꞌeruwak kahato taꞌatupowyro hat mana Tapita ikuꞌuro hap haty kahato iꞌatuete pote. Miꞌi hawyi hiwu koꞌi timoherep Peteru pe ikuꞌuro rakat minug sokpe koꞌi mana Tapita miium iꞌatuepiat saꞌawyꞌi wuat koꞌi -Mimi iꞌatuꞌe miꞌi tã mana Tapita tum tominug sokpe uruepe saꞌawyꞌi uruehakyꞌeꞌi pote iꞌatuꞌe taꞌatuwak popuo.

Iesui Potmuꞌeria 9:41

Miꞌi hawyi Peteru tat mana Tapita ipo ete hawyi toimopoĩꞌam naꞌyn heꞌyni pyi. Miꞌi hawyi taꞌam naꞌyn. Miꞌi hawyi Peteru tiꞌatukay kay imohey haria itotiaria iꞌewyte hiwu koꞌi. Putꞌok iꞌatuꞌe hawyi toimoherep mana Tapita iꞌatuepe.

1 Tesaronika 2:6

Iꞌewyte yt kat i urumotypot hap uruikyꞌesat eimuꞌe turan. Yt uwe kaipyi hin i uruikyꞌesat urumotypot hap. Yt eikaipyi i wyti maꞌato urupoꞌoro hat mowepiit hap yn uruwanetup hawe eimuꞌe turan.

1 Timoteu 5:2

Miꞌi hawyi karãpe eꞌyian haryporia kawiat tiꞌaparap Tupana pe pote waku etiꞌatunapin perupꞌi puo. -Mamai ereꞌe popuo imotypot haype. Maꞌato iraniaꞌin makuptiaria tiꞌaparap Tupana pe pote waku etiꞌatunapin perupꞌi puo Uheinyt ereꞌe popuo yt iꞌatukyꞌesat popuo i.

Tiaku 1:27

Uwe uwe yt ity i yt iꞌywot i rakat powyro hap kaipyi Aiꞌywot atipy piat Tupana tikuap kahato tomohey hat sese pywo sio yt hap. Uwe uwe hiwuria powyro hap koꞌi toikuap aito tomohey hat sese pywo sio yt hap e. Uwe uwe hatek takaria powyro hap koꞌi toikuap tomohey hat sese pywo sio yt hap e. Karãpe iraniaꞌin ahãꞌãg yt naku i nug hamo maꞌato yt watuwat i iꞌatuꞌe hap upi -Uito Iesui mohey hat pote yt atunug neran i te watoꞌe. Mio tã watoꞌe hawyi Aiꞌywot atipy piat tikuap kahato aito tomohey sese haria wo raꞌyn aikuap are.

1 Peteru 2:17

Waku watiꞌatumotypot yne mesuwarotiat miitꞌin. Yt naku i watimohit mesuwarotiaria miitꞌin. Waku iꞌewyte watiꞌatukyꞌe kahato yne Iesui mohey haria aikotã wẽtup yat piaria ewy waku watukupteꞌen. Waku watoꞌokyꞌe aikotã watikyꞌe aheywytꞌin aheinytꞌin aheykeꞌetꞌin aikywytꞌin aikypyꞌytꞌin ahekiꞌitꞌin watikyꞌe hap ewy. Waku watimotypot kahato aheTupana yne aikyꞌe hap wywo. Waku tyryꞌwatoꞌe aipyꞌa pe Tupana pupi. Iꞌewyte waku watiꞌatumotypot kahato mesuwarotiat aiporekuaria are.

1 Peteru 3:7

Iꞌewyte worohoꞌonapin neran yne eipe mehinꞌin. Toineꞌen eharyꞌi pote mio tã areꞌe ehepe -Eiweꞌeg wo o yt eiweꞌeg i hap pupi are. Ereineꞌen eharyꞌi wywo aikotã iweꞌeg nakat ewy are. Etimotypot ro eharyꞌi are. Epiit poꞌog hesaika eharyꞌi kai pote etipowyro eharyꞌi epiit wywo. Pyno wẽtup miit ewywuat eweikupteꞌen mote waku eweiwat atipy kape eiwoꞌokyꞌe hap wywo eiwoꞌowese hap wywo eiwoꞌogyiꞌat hap wywo are. Waku woꞌomowepiit haria wo eweikupteꞌen. Miꞌi ewetunug mote karãpe ehehay Tupana kape eheharyꞌi wywo hawyi meremo Tupana eiwesat eipe wẽtup miit wanetup hap ewy eweikupteꞌen mote.