1 Timoteu 5:2 - Sateré-Mawé

² Miꞌi hawyi karãpe eꞌyian haryporia kawiat tiꞌaparap Tupana pe pote waku etiꞌatunapin perupꞌi puo. -Mamai ereꞌe popuo imotypot haype. Maꞌato iraniaꞌin makuptiaria tiꞌaparap Tupana pe pote waku etiꞌatunapin perupꞌi puo Uheinyt ereꞌe popuo yt iꞌatukyꞌesat popuo i.

1 Timoteu 5:2 ပူးပေါင်းရင်းမြစ်များ

Mateu 12:50

Katupono uwe uwe inug uiꞌywot mikyꞌesat nug haria ti tukupteꞌen uity sese uheꞌywytꞌin sese uheinytꞌin sese e.

Wiripu 4:8

Kurin poꞌog ahenoi hawyi waku. Uheꞌywytꞌin uheinytꞌin watipyhyp aiwanetup hap yt naku i hap. Miꞌi hawyi wẽtup kape yn aiwanetup hap. Wakuat kape yn watuwanetup aikotã miitꞌin miat wakuat rakat ewy aiwanetup hap aikotã pywuat wanetup hat ewy aikotã miitꞌin mimotypot kahato hap wanetup hap ewy aikotã hãpyk kahato rakat ewy waku watuwanetup. Waku ihainia haryporia weꞌeg nakaria ewy watuwanetup. Waku iwese kahato rakat ewy aiwanetup hap. Miꞌi hawyi -Meimuẽwaria wyti waku kahato rakaria iꞌatuꞌe hap ewy waku aiwanetup hap. Kat e hap kat e hap poꞌog poꞌog waku miꞌi ewywuat waku watuwanetup. Kat e hap kat e hap ete Tupana -Waku e pyno miꞌi hap ete waku watuwanetup aat kaꞌap.

1 Tesaronika 5:22

Ipotyi kahato ti aheko saꞌag. Pyno miꞌi waku watoiat yne.

1 Timoteu 4:12

En ni kurum iwasu te. -Uruewatꞌyp neꞌi wyti en iꞌatuꞌe epe itote maꞌato o ereineꞌen iꞌatupyꞌasetpe waku kahato rakatno iꞌatuehamo ihay hãpyk kahato rakatno hãpyk kahato woꞌokyꞌe hatno ereineꞌen. Iesui mohey sese hatno ereineꞌen. Yt wẽtup i o saꞌag etunug iꞌatuwoꞌokyryꞌi hamo. Miꞌi tã ereineꞌen mote yt uwe i itotiaria emohit kuap nagnia emimuꞌeria iꞌatuewatꞌyp neꞌi en mytkai.

1 Timoteu 5:1

Karãpe wẽtup ok eꞌyian tiꞌaparap Tupana pe pote yt ehoiroꞌi hoiroꞌi teiꞌo miꞌi miit ete. Yt naku i watimohit aseꞌiꞌin koꞌi hary koꞌi e. Maꞌato waku perupꞌi puo watinapin aimimotypot koꞌi waku -Papai Mamai yt naku i miꞌi tã watunug aito waku watoꞌe perupꞌi puo iꞌatukyꞌe hap wywo iporo pote.

1 Timoteu 5:3

Waku hiwuria sese watipowyro heꞌaito kuꞌuro rakaria yt imepyt i te turanuat ikuꞌuro heꞌaito rakat yt hemiariru i te rakat.

2 Timoteu 2:22

Timoteu yt erewanetup teiꞌo emotag hap turan epiit mikyꞌesat saꞌag nug hamuat kape maꞌato meremo o etoiat. Erepik meremo o miꞌi hap kaipyi hãpyk nug hap kape Tupana mohey hap kape woꞌokyꞌe hap kape woꞌowese nug hap kape iraniaꞌin Iesui mohey haria upi urupowyro Tupana e haria upi wanetup kahu haria upi.