1 Timoteu 3:4 - Sateré-Mawé

⁴ Waku watiꞌairo toꞌyat piaria poꞌoro perupꞌi tuwat hat. Waku imepytꞌin mimotypot imepytꞌin miehay mohey kahato. Miꞌi haria yn waku etiꞌairo eiꞌapykok hanuaria wo.

1 Timoteu 3:4 ပူးပေါင်းရင်းမြစ်များ

Iesui Potmuꞌeria 10:2

Surara koro Kuneriu ti waku nug kahato hat toineꞌen iꞌewyte topyꞌa pywiat Tupana mohey hat sese toineꞌen. Yne iꞌyat piaria imepytꞌin iharyꞌi Tupana mohey haria tukupteꞌen itote. Surara Kuneriu timoꞌẽ kahato tekat koꞌi Iuteu ywania ihakyꞌeꞌi rakaria pe. Ihay kahato aat kaꞌap Tupana wywo topyꞌa pyi miꞌi miit.

Ewesu 5:24

Miꞌi hap ewy waku manaꞌin waku eweipyhuꞌat eꞌaito eropat hatno wo imikyꞌesat nug hamuat aikotã watopyhuꞌat Iesui eropat haria ewy. Aiꞌakag sese Iesui. Imohey haria torannia Akag wo topyhuꞌat wuatꞌi eꞌat pe. Imohey haria torannia ipiit no topyhuꞌat miꞌi hawyi Aiꞌakag wanetup hap watunug ipiit aito pote.

Wiripu 4:8

Kurin poꞌog ahenoi hawyi waku. Uheꞌywytꞌin uheinytꞌin watipyhyp aiwanetup hap yt naku i hap. Miꞌi hawyi wẽtup kape yn aiwanetup hap. Wakuat kape yn watuwanetup aikotã miitꞌin miat wakuat rakat ewy aiwanetup hap aikotã pywuat wanetup hat ewy aikotã miitꞌin mimotypot kahato hap wanetup hap ewy aikotã hãpyk kahato rakat ewy waku watuwanetup. Waku ihainia haryporia weꞌeg nakaria ewy watuwanetup. Waku iwese kahato rakat ewy aiwanetup hap. Miꞌi hawyi -Meimuẽwaria wyti waku kahato rakaria iꞌatuꞌe hap ewy waku aiwanetup hap. Kat e hap kat e hap poꞌog poꞌog waku miꞌi ewywuat waku watuwanetup. Kat e hap kat e hap ete Tupana -Waku e pyno miꞌi hap ete waku watuwanetup aat kaꞌap.

1 Timoteu 3:12

Waku aheropat haria wẽtup kahato yn iharyꞌi. Iꞌewyte waku tosaꞌyruꞌin tosakiꞌytꞌin toꞌyat piaria poꞌoro kuap kahato perupꞌi puo hat.

Titu 1:6

Waku etiꞌairo yt iꞌaparap i hat wẽtup ok yn iharyꞌi rakat are. Iꞌewyte imepytꞌin Iesui mohey haria ewywuat etiꞌairo. Yt etiꞌairo teiꞌo imepytꞌin ipyꞌahak poityꞌi rakat neꞌi areꞌe. Yt toꞌywot ehay upiat i haria. Miꞌi yt naku i aiꞌapykok hatno.

Titu 2:2

Pyno mio tã ereꞌe o iꞌatuepe. Etiꞌatunapin ihainiaꞌin nagnia pe -Waku etunug waku miitꞌin me hawyi miitꞌin mimotypot no eweikupteꞌen ereꞌe o. Ehehay hãpyk yn haria wo o eweikupteꞌen ereꞌe o. Eiwewaĩ o eiminug saꞌag ete hawyi Iesui mohey haria kahato wo o eweikupteꞌen ereꞌe o. Woꞌokyꞌe hap yn o ewetunug ereꞌe o. Imohey potꞌi haria wo o eweipyhuꞌat ereꞌe o nagnia pe Titu.

Titu 2:7

Iꞌewyte en Titu poꞌog wakuap nug hamo ereineꞌen itotiaria kurum iwasuria kai hawyi ti aru -Pyno waku watunug Titu ewy iꞌatuꞌe kurum iwasuria. Tupana ewy ereineꞌen iꞌatumuꞌe haype yt kat i eso hap wywo. Epyꞌa hãpyk wywo etiꞌatumuꞌe Titu.