1 Timoteu 3:2 - Sateré-Mawé

² Maꞌato eweꞌeg wo o miꞌi wuat airo hap ete Timoteu katupono yne miit mikuap hãpyk yn nakat waku etiꞌairo. Wẽtup ok wywo yn iharyꞌi rakat etiꞌairo. Yt naku i etiꞌairo kowoꞌi kowoꞌi wanetup haria. Waku -Yt uipo hep i Tupana potpap hap ete e hat etiꞌairo. Maꞌato waku wy emiꞌairoria paa e haria miitꞌin napin turanuat hanuaria teꞌeropyhuꞌat. Waku iraniaꞌin -Wakuat yn nug haria miꞌiria iꞌatuꞌe emiꞌairoria etiat. Iꞌewyte etikat o -Waku eweikupteꞌen uiꞌyat pe e hat waku etiꞌairo.

1 Timoteu 3:2 ပူးပေါင်းရင်းမြစ်များ

Iruka 1:6

Miꞌi Sakaria ti teharyꞌi wywo tukupteꞌen hãpyk kahato inug Tupana ehamo. Taꞌatumotypot sese torannia Tupana woꞌonapin hap koꞌi.

Iruka 2:36

Mekewat eꞌat pe toineꞌen wẽtup ok Tupana ehay moherep hat mana Ana e hap Miꞌi ti Wanueu sakiꞌyt Ase ywania iporo kahato rakat. Miꞌi ti toineꞌen 7 anu yn toꞌokyiꞌat hawyi teꞌaito wywo. Miꞌi turan heꞌaito ikuꞌuro raꞌyn.

Humanu 12:13

Waku hegyiꞌat rakaria wo watoineꞌen ahekat wywo. Waku watimoꞌẽ ahekat iraniaꞌin me hatek takaria pe -Iesui mohey haria eweikupteꞌen uruwywo eweiꞌe iraniaꞌin yt aimikuap i koꞌi pe pykai. Iesui mohey haria miꞌiria pote waku mio tã watoꞌe õꞌẽ haria yt uwe mikuap i koꞌi pe.

Wiripu 2:15

Maꞌato yne miꞌi tã imikyꞌesat ewy watunug mote Tupana mepytꞌin wakuaria wo watopyhuꞌat yt kat i saꞌag nug haria wo are. Aikotã aimepyt kurin kat yt tutunug kuap i saꞌag hap ewy watopyhuꞌat waku kape yn aiwanetup hap. Koitywy watoineꞌen yt naku i nug haria pyꞌasetpe iꞌewyte teꞌeruwanetup aat kaꞌap saꞌag nug hap ete yn. Miꞌiria tukupteꞌen aikotã iꞌypyryp we wãtym sese turan wuat ewy yt naku i nug haria yn miꞌiria pote. Maꞌato waku aito Iesui mohey haria waikiru koꞌi ewywuat watopyhuꞌat aikotã waikiru wãtym sese turan hẽtyhot rakaria ewy aikotã waikiru koꞌi aimuꞌe wãtym muo aikope muap toineꞌen aikope waku ahewyry. Miꞌi hap ewy waku watimoherep hoꞌowasat rakaria pe muap Tupana kapiat.

1 Timoteu 3:12

Waku aheropat haria wẽtup kahato yn iharyꞌi. Iꞌewyte waku tosaꞌyruꞌin tosakiꞌytꞌin toꞌyat piaria poꞌoro kuap kahato perupꞌi puo hat.

1 Timoteu 3:8

Timoteu waku etiꞌairo aipyꞌasetpiaria waku rakaria aipowyro hanuaria. Miitꞌin mimotypot kahato yn waku etiꞌairo. Mahy u poityꞌi rakaria neꞌi yt naku i etiꞌairo. Ahekat nuat kyꞌesat hap kape yn wanetup hat yt naku i maꞌato hegyiꞌat rakat yn waku.

1 Timoteu 4:3

-Yt naku i eharyꞌi eꞌaito iꞌatuꞌe saꞌag. Yt naku i miꞌu watuꞌu yne iꞌatuꞌe saꞌag. Yt taꞌatukuap i aikotã Tupana tunug yne miꞌu mesuwat yi tote aimiꞌu wo. Toikyꞌesat waku aiꞌe popuo iꞌu hap. Iminug koꞌi tomohey haria poi hap tutunug tehay pywuat mohey haria mowepiit hamo tutunug kat koꞌi kat koꞌi som.

1 Timoteu 5:10

-Wakuap yn nug hat meiẽ hiwu iꞌatuꞌe iraniaꞌin hap upi watikuap wakuat hiwu. -Saꞌawyꞌi tomepytꞌin erohik kahato hat iꞌatuꞌe. Meiẽ -Ereke ro uiꞌyat pe e hat wuatꞌi piat hat meiẽ iꞌatuꞌe hap upi watikuap wakuat hiwu. -Tupana emiit hoꞌopot haria powyro kahato hat meiũ iꞌatuꞌe ihakyꞌeꞌi rakaria eropat hat meiũ wuatꞌi eꞌat piat waku yn hap nug hat meiũ iꞌatuꞌe hap upi watikuap uwe wakuat hiwu. Miꞌi wahetpehik kuap Tupana mohey haria miium kaipywiat ieineꞌen hamo.

1 Timoteu 5:22

Yt naku i aiꞌakag watnuaria watiꞌatuꞌairo meremo Timoteu aimuꞌe sese hanuaria are. Karãpe iraniaꞌin ahãꞌãg saꞌag nug hamo waku -Waĩ yt atunug neran i watoꞌe. Iꞌewyte waku ereineꞌen pya saꞌag nug hap kai are.

1 Timoteu 5:9

Timoteu waku watipowyro hiwu iporo rakat 60 anu ieineꞌen hat heꞌaito wẽtup ok wywuat yn ieineꞌen hat miꞌi rakirẽ wuat heꞌaito kuꞌuro rakat. Miꞌiria etiꞌatuset pehik iꞌewywuaria wywo Iesui mohey haria miium Tupana piat kaipywiat iꞌatuieineꞌen hamo.

2 Timoteu 2:24

Katupono yt uwe i Aikaꞌiwat eropat hat wakuat wuꞌuka hatno toineꞌen. Maꞌato hemiit sese ti iwese yne miitꞌin ete. Woꞌomuꞌe kuap kahato hat yt ipyꞌahak hin i maꞌato hepama ikuap haria ete Tupana eropat hat.

Titu 2:2

Pyno mio tã ereꞌe o iꞌatuepe. Etiꞌatunapin ihainiaꞌin nagnia pe -Waku etunug waku miitꞌin me hawyi miitꞌin mimotypot no eweikupteꞌen ereꞌe o. Ehehay hãpyk yn haria wo o eweikupteꞌen ereꞌe o. Eiwewaĩ o eiminug saꞌag ete hawyi Iesui mohey haria kahato wo o eweikupteꞌen ereꞌe o. Woꞌokyꞌe hap yn o ewetunug ereꞌe o. Imohey potꞌi haria wo o eweipyhuꞌat ereꞌe o nagnia pe Titu.

Epereu 13:2

Karãpe putꞌok e aiꞌyat pe yt aimikuap i te wen miꞌi pykai waku -Ereke ro mehin mana waku watoꞌe. Eweikupteꞌen no meiũpe waku watoꞌe. Aimiꞌu raꞌyn waku watoꞌe iꞌatuepe yt aimikuap i pe katupono Tupana tipoꞌoro tuereto temiit ahowawi atipy piaria yt aimikuap i koꞌi aiwese hap kuap hamo. Saꞌawyꞌi Tupana tipoꞌoro temiitꞌin atipy piaria tehay moherep hamo. Miꞌi hawyi taꞌatupoityro kahato Aparãu saꞌawyꞌi. Miꞌi ewywuat waku watuwewyꞌinug yt eimikuap i te rakaria e Tupana ahepe mesup.

Epereu 3:14

Pyno waku uiwyriaꞌin watomohey aheineꞌen hap oktan aikotã saꞌawyꞌi watomohey hap ewy te teꞌen teꞌen waku watomohey Iesui hawyi yt naku i wẽtup mohey hap kape i kowoꞌi kowoꞌi neꞌi watiꞌywyk ywyk imohey hap. Waku watomohey Iesui akasa hap kape. Waku iheg me imohey hap ete aikuꞌuro hap kape. Miꞌi tã watunug mote Aikaꞌiwat ekatuwyria wo watopyhuꞌat torannia aitoria wuatꞌi eꞌat pe.

1 Peteru 4:7

Pywo ti rat yne mesuwarotiat mesuwat yi iꞌewyte ahekareꞌen aiꞌyat koꞌi aiko hawyi waikiru waty aat gaꞌapy yne mesuwarotiat ikahuro hamuat koꞌi eꞌat yt pya hin i. Pywo ti rat tuut irane uiwyriaꞌin yne mesuwat ikahuro hap eꞌat. Yt pya hin i are. Miꞌi pote waku weꞌeg haria wo watukupteꞌen mesuwarote. Waku wahẽtup aat kaꞌap Tupana kape mesuwarotiaria ehakyeraꞌat hamo. Waku wahekatup Iesui uut hap.

1 Peteru 4:9

Uiwyriaꞌin waku -Eiwehytꞌok o watoꞌe iraniaꞌin me. Waku eiwehytꞌok watoꞌe aiwoꞌope. Eweiꞌapyk o waku watoꞌe. Waku -Uruꞌyat aiwatnuat watoꞌe iraniaꞌin me. Waku watipowyro hatek takaria aiꞌyat pe. Yt naku i watoꞌe iraniaꞌin me -Yt atikyꞌesat hin i iraniaꞌin uiꞌyat piat watoꞌe.

1 Peteru 5:8

Pyno eiweꞌeg wo o ahiag mupi kurum iwasuria makuptiaria i are. Aikotã suraraꞌin ewy eweikupteꞌen. Eiweꞌeg wo kahato o ahiag mupi kat pote ehewanikap sese toineꞌen ahiag kurum iwasu koꞌi makuptiaria. Pyno eweikupteꞌen aikotã moryꞌa epo pe hap ewy. Kat pote ahiag awyato marakꞌa hap ewy toineꞌen kowoꞌi kowoꞌi hewyry rakat ewy hesyꞌat rakat ewy. Toikat kahato Tupana hũria ipakuptia u hamo are.