1 Timoteu 2:3 - Sateré-Mawé

³ Mio tã wahẽtup pote watimowepiit kahato Tupana ahehakyeraꞌat hat.

1 Timoteu 2:3 ပူးပေါင်းရင်းမြစ်များ

Iruka 1:47

Uipaꞌãu iwepiit kahato toineꞌen kat pote Tupana kaipyi tuut uhehakyeraꞌat hap pote.

Humanu 14:18

Pywo ti rat areꞌe ehepe -Karãpe watiꞌatukyꞌe iraniaꞌin aipyꞌa pyi Tupana Paꞌãu mimowepiit koꞌi aito pote miꞌi hawyi Tupana mowepiit haria wo iꞌewyte miitꞌin mowepiit haria wo watukupteꞌen mesuwarote.

Wiripu 1:11

Tupana etunug o miꞌiria waku nug hanuaria wo are. Etunug miꞌiria iꞌatuieineꞌen hap tote wakuat eiam mo kahato are. Atikyꞌesat miꞌiria aikotã Esaꞌyru Iesui ewaku hap ewy tukupteꞌen. Ewaku hap ewywuat wo etiꞌatunug miꞌiria. Tupana miꞌi etunug mote emotypot haria wo kahato tukupteꞌen miꞌiria are. Waku kahato En iꞌatuꞌe aru ewowi iraniaꞌin areꞌe Tupana pe. Pyno mio tã ahẽtup mesuwe ehetiatno Tupana pe.

Wiripu 4:18

Mehin Epawutitu tum yne eimiium eimipoꞌoro koꞌi uhepe. Ikahu kahato uipuẽti eimiium aikotã saꞌawyꞌi nagnia tiwuk mohag hy ikamhig se rakat Tupana motypot hamo. Miꞌi hap ewy atipuẽti eimiium ikamhig se kahato eimiium Tupana mowepiit kahato hap. -Waku kahato e Tupana eimiium me. Koitywy areineꞌen hekat rakat ewy raꞌyn ewetum iwato uhepiat pote. Ewetum iwato pote uipo sakpo ewetum uhepe.

Korosi 1:10

-Tupana uruikyꞌesat kahato tawa Korosi piaria Epaꞌãu eiam kahato wo eweꞌeg hamo iꞌewyte emikyꞌesat nug kuap hap urutoꞌe mesuwe uruhẽtup. Uruikyꞌesat miꞌiria aikotã iꞌyp iꞌywa kahato rakat ewy hewo hewo kahato hap ewy wyti uruikyꞌesat kahato miꞌiria Tupana urutoꞌe. Pyno uruikyꞌesat miꞌiria wakuap yn nug haria En ewy hap uruikyꞌesat. Iꞌewyte uruikyꞌesat ekuap hap ihatꞌok ewy ewy putꞌok e Esaꞌyru mohey haria ete urutoꞌe uruhẽtup Tupana pe.

1 Tesaronika 4:1

Uruwyriaꞌin koitywy uruhẽtup kahato ehupi poꞌog poꞌog Tupana mowepiit haria wo eweikupteꞌen hap Iesui mikyꞌesat ewy kahato. Uruikuap taꞌyn ti koitywy Tupana mowepiit haria wo raꞌyn eweikupteꞌen. Miꞌi tã raꞌyn pykai ti uruhẽtup poꞌog poꞌog ne.

1 Timoteu 1:1

Timoteu koitywy atipoꞌoro uimiwan ewowi. Uito ti Pauru mekewat Aipotypot Iesui ehay moherep hat. Uito ti Ahehakyeraꞌat hat Tupana potpoꞌoro paĩ. Aimiekatup Iesui potpoꞌoro uito paĩ.

1 Timoteu 4:10

Wuatꞌi tomohey haria Ehakyeraꞌat hat Miꞌi are ti epe paĩ. Miꞌi ti aimiekatup sese. Miꞌi kape yn watuwepotpap watuwesoꞌopot waku.

1 Timoteu 5:4

Waku hiwuria mepytꞌin me hemiariruꞌin me ereꞌe -Eweimoꞌẽ ro eityꞌin me eheharyꞌin me. Ewehaꞌup nug o eimotag hap Tupana mikyꞌesat ewy ereꞌe o hiwu mepytꞌin me hiwu emiariruꞌin me.

2 Timoteu 1:9

Tupana ahehakyeraꞌat hawyi ainug temiitꞌin wo. Yt aiwanetup kahu hap upi i yt ahewaku hap upi i maꞌato tomikyꞌesat no tegyiꞌat hap oktan ahehakyeraꞌat wuatꞌi eꞌat piat aikotã Tupana toꞌe nimo saꞌawyꞌi tutunug yne wuatꞌi hap yian mete -Atiꞌatuehakyeraꞌat ti aru Uhaꞌyru mohey haria e Iesui etiat hap ewy.

Epereu 13:16

Waku hegyiꞌat rakaria wo watoineꞌen. Ihakyꞌeꞌi rakaria pe waku watimoꞌẽ ahekat. Waku watipowyro hatek takaria ahekat kaipyi ahesokpe kaipyi aheꞌuꞌi kaipyi e. Yt naku i waure wo watoineꞌen ihakyꞌeꞌi rakaria kai. Watimoꞌẽ pote Tupana mowepiit haria wo watopyhuꞌat. Haty pykai waku watum. Ahegyiꞌat hap kape Tupana taꞌakasa hawyi tuwehum kahato ahowawi.

1 Peteru 2:20

Karapeĩ watunug yt naku i hawyi suraraꞌin morekuaria aiꞌapiheg kahato aiminug saꞌag saꞌup taꞌatuium kahato ahepe. Miꞌi hap eꞌat pe yt wahoꞌowesat kuap i kat pote yt naku i nug haria aito pote. Maꞌato karãpe morekuaria esuraraꞌin koꞌi aiꞌapiheg yt kat i watunug saꞌag pykai Iesui mohey haria aito pote miꞌi turan yt watiꞌatuwesat i pote yt watuwemopyꞌahak i. Waku watuwehum yn Tupana kape aiꞌapiheg turan. Miꞌi watunug pote Tupana motypot hap sese topyhuꞌat ahepe -Waku kahato eiperia e Tupana ahepe.

1 Peteru 2:5

Iꞌewyte aitoria Iesui mohey haria watopyhuꞌat nu koꞌi ewy Tupana yat nug hamuat hap ewy. Pyno iꞌatu kahato nu Tupana yat nug hap wẽtup nu uito wẽtup nu en wẽtup nu eipe hap ewy. Tupana yat nu koꞌi aito hap ewy watopyhuꞌat. Iꞌewyte ti aito Tupana epaꞌi koꞌi ewywuat watoineꞌen katupono ahehay kuap Tupana wywo aikotã saꞌawyꞌi wuaria taꞌatuꞌatuꞌuka taꞌatuhũria hawyi taꞌatuwuk Tupana mowepiit hamo. Miꞌi hap ewy watunug mesup. Watimohey Iesui Aipotypot hawyi Tupana mowepiit haria wo watopyhuꞌat Tupana hũ Aikaꞌiwat pote. Miꞌi aihũ watum Tupana pe imowese hamuat imowepiit hamo aikotã paꞌi koꞌi ewy aito.