1 Timoteu 2:1 - Sateré-Mawé

¹ Timoteu enapin sese hap ahenoi teran kahato epe. Pyno waku wahẽtup kahato Tupana pe wuatꞌi miitꞌin powyro hamuat hap -Tupana etum o ihakyꞌeꞌi rakaria pe iꞌatumiꞌu iꞌatuesokpe iꞌatuꞌyat waku watoꞌe motꞌi haty wo hum hap kape. Tutum hawyi -Waku kahato En Papai etum naꞌyn uimiẽtup ewy waku watoꞌe Tupana pe Timoteu.

1 Timoteu 2:1 ပူးပေါင်းရင်းမြစ်များ

Iesui Potmuꞌeria 17:30

Saꞌawyꞌi te ti miitꞌin yt weꞌeg i sese tepiat haria pe Tupana sese yt kat e i te. Maꞌato mesup ti eweiꞌatoiat ro yt weꞌeg i hap ehetupanaria e raꞌyn yne miitꞌin me Tupana.

Humanu 1:8

Haꞌawyte atikuap eweimohey Iesui hawyi arehum kahato Tupana kape. Uimowepiit kahato haria eipe katupono ewetunug naꞌyn Iesui Eipotypot koro wo pote. Koitywy ti yne mesuwat yi totiaria tikuap kahato raꞌyn eipe Iesui mohey haria raꞌyn hap. Miꞌi pote arehum kahato Tupana kape.

Humanu 6:17

Uiwyriaꞌin tawa Humanu ywania saꞌawyꞌi te raꞌyn tig ewetunug eimikyꞌesat saꞌag koꞌi yn yt eweimonik kuap i. Miꞌi turan putꞌok e itote Tupana ehay hawyi eweiꞌoksatꞌi kahato Tupana ehay -Pywuat kahato miꞌi ehay eweiꞌe. Koitywy watipuẽti raꞌyn Tupana piat ainapin hap eweiꞌe. Miꞌi hawyi ewetunug kahato Tupana ehay eipyꞌa pe. Miꞌi pote arehum kahato Tupana kape.

1 Kuriniu 15:3

Yt uiwekaipyi i saꞌawyꞌi worohoꞌomuꞌe maꞌato Tupana tum tesaika hap uhepe tehay wakuat moherep miitꞌin miat hamo pote sehay wakuat poꞌog torannia kai atimoherep ehepe Aipotypot Iesui ikuꞌuro ariaꞌyp posak ete aiꞌapiheg hap Tupana piat aiminug saꞌag koꞌi etiat. Aimoti hap koꞌi moma hamo ikuꞌuro itote aikawiatno aikotã Tupana toꞌe saꞌawyꞌi hap ewy aikotã miwan me toꞌe hap ewy ikuꞌuro raꞌyn.

2 Kuriniu 8:6

Saꞌawyꞌi uruipoꞌoro mehin Titu -Toꞌiro watiꞌatunug tawa Ierusarẽi miaria ihakyꞌeꞌi rakaria powyro hamo e. Pyno uruikuap mekewat yi Masetunia piaria iꞌatuegyiꞌat kahato hap ete hawyi urutoꞌe -Pyno waku watipoꞌoro i raꞌyn mehin Titu imohey haria tawa Kurintiu piaria napin aikotã waku watum ihakyꞌeꞌi rakaria pe hap etiat hamo urutoꞌe. Waku watunug imohey i haria yi Masetunia piaria ewy e hamo iꞌatuegyiꞌat hap wywo urutoꞌe. Miꞌi hawyi uruipoꞌoro i raꞌyn ehewowi.

Ewesu 3:13

Uiwyriaꞌin tawa Ewesu piaria morekuaria uipyhik mesuwe iheg me mesup yt taꞌatukyꞌesat i worohoꞌomuꞌe poꞌog hap wote. Uhatyꞌi hatyꞌi kahato mesuwe. Ahoꞌopot kahato wen maꞌato waku ahoꞌopot eimuꞌe hap ete are. Pywo ti rat yt paa eweiꞌe teiꞌo are uipyhik neꞌi hap upi kat pote meiũpe areineꞌen Aiꞌywot atipy piat Tupana ehamo are.

Ewesu 5:20

Karãpe putꞌok e ahete sio waku sio yt hap waku watoꞌe Tupana pe -Waku kahato En Tupana. Arehum kahato ewowi Emipoꞌoro ete emiium ete katupono Esaꞌyru Iesui mohey hat uito waku watoꞌe.

Ewesu 6:18

Karãpe watuꞌuka ahiag wywo waku watoꞌe meremo -Tupana uipowyro ahiag akit hamo yne eꞌat pe wakuat nug hamo waku watoꞌe. Aikope aikope areineꞌen waku uhewyry Tupana Paꞌãu upi waku watoꞌe Tupana pe. Etipowyro o emiitꞌin eweꞌeg wo o ahiag mupi waku watoꞌe. Yt urutuwat reran i ahiag ehay upi. Iꞌewyte iraniaꞌin Iesui mohey haria upi waku uruhẽtup wy. Yt uruikyꞌesat i ahiag ehay upi urutuwat hap. Yt karãpe i uruꞌatoiat emohey hap waku watoꞌe Tupana pe.

Wiripu 1:3

Tupana karãpe arewanetup aiwyriaꞌin tawa Wiripu piaria kape miꞌi hawyi uimowepiit kahato. Arehum ewowi are Tupana pe ehewowi are.

Wiripu 4:6

Pyno yt eiwanetup koꞌi koꞌi i ran o. Poꞌog waku wahẽtup Tupana kape aipowyro hamuat hap. Waku watoꞌe Tupana pe -Etum o uruepe uruwat yt kat i rakat. Uruikuap kahato raꞌyn egyiꞌat hap Tupana waku uruhẽtup. Miꞌi pote urutuwehum kahato ewowi urupyꞌa pyi Tupana waku watoꞌe Tupana pe.

1 Tesaronika 3:12

Uruiꞌatukyꞌe kahato eipe. Miꞌi hap ewy atikyꞌesat eiwoꞌope eiwoꞌokyꞌe hap miꞌi pote ahẽtup Tupana pe -Etiꞌatumoesaika o poꞌog poꞌog Iesui mohey haria ekyꞌe poꞌog hamo iꞌewyte iraniaꞌin atukyꞌe hamo are. Miꞌi hap ti ahẽtup Tupana pe ehupi.

2 Tesaronika 1:3

Uruwyriaꞌin karãpe urutuwekuekatu ehewowi turan -Waku kahato En Tupana uruꞌe hap yn topyhuꞌat. Tupana urutuwehum kahato eete katupono itag naꞌyn poꞌog poꞌog iꞌatukai emohey hap urutoꞌe. Koitywy woꞌokyꞌe kahato haria wo raꞌyn tukupteꞌen waku kahato urutoꞌe. Miꞌi tupono ehewaku hap upi urutuwehum aat kaꞌap Tupana ete.

1 Timoteu 2:4

Katupono toikyꞌesat kahato miitꞌin torannia tomiehakyeraꞌat nuaria tehay pywuat sese hap kuap hanuaria toikyꞌesat.

1 Timoteu 5:5

Maꞌato tukupteꞌen hiwu sese koꞌi yt uwe i mipowyro koꞌi Tupana mohey haria taꞌatuhẽtup kahato Tupana kape ihatꞌok puo wãtym mo -Uruieineꞌen hap miꞌu sokpe etum o uruepe iꞌatuꞌe.

2 Timoteu 2:24

Katupono yt uwe i Aikaꞌiwat eropat hat wakuat wuꞌuka hatno toineꞌen. Maꞌato hemiit sese ti iwese yne miitꞌin ete. Woꞌomuꞌe kuap kahato hat yt ipyꞌahak hin i maꞌato hepama ikuap haria ete Tupana eropat hat.

Titu 2:11

Pyno koitywy Tupana mio tã e ahepe iꞌewyte wuatꞌi miitꞌin me -Worohoꞌokyꞌe kahato eipe e raꞌyn. Pyno worohoꞌoehakyeraꞌat reran eipe e wyti Tupana wuatꞌi ywania pe. Atum hamuat uhegyiꞌat kahato pote teꞌen neꞌi yne ehepe e ti Tupana ahepe.

Titu 3:2

Iꞌewyte yt uwe teiꞌo eweiꞌatuehay moweukaꞌi ereꞌe o. Iꞌewyte miitꞌin wuatꞌi wywo o eiwese eweikupteꞌen ereꞌe o Titu. Iꞌewyte waku eweikat ewy ewese hap wywo. Iꞌewyte eiperupꞌi kahato yn o yne miitꞌin ete eweikupteꞌen ereꞌe o Iesui mohey haria pe.

Epereu 6:11

Pyno poꞌog waku miꞌi hap ewywuat no watukupteꞌen. Waku Tupana motypot hap kahato wywo watoineꞌen. Imohey potꞌi kahato aikuꞌuro hap eꞌat kape yn waku imohey hap watoꞌe.

Tiaku 5:16

Miꞌi pote waku wahenoi aiwoꞌope aiminug saꞌag koꞌi iꞌewyte waku wahẽtup kahato Tupana kape aiwyriaꞌin kawiatno hamuat. Wahẽtup aipyꞌa pyi pote aiwoꞌopoityro kahato hap ewy topyhuꞌat ahete aiwoꞌokyꞌe hap ewy aiwoꞌope. Miꞌi hawyi toineꞌen kahato aimoehãite kahato hap Tupana kaipywiat hap. Aipyꞌa hãpyk kahato Tupana wywo hawyi meremo tutum aimiẽtup niatpo kahato rakat pykai. Meremo tutum waku miẽtup koꞌi.