1 Tesaronika 5:6 - Sateré-Mawé

⁶ Taꞌi aito Iesui uut hap kape watehaꞌat kahato. Yt naku i get haria ewy neꞌi watoineꞌen huut hap owakai iraniaꞌin ewy.

1 Tesaronika 5:6 ပူးပေါင်းရင်းမြစ်များ

Mateu 13:25

Maꞌato mekewat ewãtym mo ikoi haria teꞌeroket raꞌyn turan iket kai putꞌok e raꞌyn hewanikap hawyi toikoi raꞌyn mekewat iãꞌỹi Sereai ypia toꞌoran me mekewat iãꞌỹi yt nakuat i rakat gaꞌakyt imikoi moꞌanam hamuat hawyi migꞌi wo toto iraꞌyn.

Mateu 24:42

Miꞌi tupono eiweꞌeg wo o katupono yt eweikuap i kat eꞌat putꞌok e Eheykeꞌet hap e. Sehaꞌat uhuut hap kapiat hap ewy o eweikupteꞌen e.

Mateu 25:13

Pyno miꞌi hap ewy o eiweꞌeg wo eweikupteꞌen uhuut hap ekatup haype. Katupono yt eweikuap i Eheykeꞌet uut hamuat kat eꞌat pe sio kat eꞌora pe putꞌok e.

Mateu 25:5

Yt tuut i te iꞌatuwyꞌok eꞌaito te pote iꞌatuket aat raꞌyn.

Mateu 26:38

Itote iwanetup hap yt he hin i raꞌyn. Iꞌarot yn toineꞌen. Miꞌi hawyi toꞌe topotmuꞌeria myẽꞌym ok takaria pe -Taꞌi ahatyꞌu hap porap uiꞌauka e. Paa uiꞌe hap e. Miꞌi tupono o ewehẽtup Tupana kape e. Waku ewehehaꞌat ro e Iesui myẽꞌym ok takaria pe.

Maku 13:37

Kat som mekewat eꞌat etiat ahenoi yne uhemiitꞌin kuap hamuat e. Waku eiwatetup o e.

Iruka 12:37

Pywo heropat haria taꞌatukaꞌiwat ekatup haria iꞌatuwepiit kahato raꞌyn putꞌok e taꞌatukaꞌiwat hawyi. Taꞌatuhekatup haria taꞌatukaꞌiwat mipoityro haria wo teꞌeropyhuꞌat. Miꞌi i hawyi tokaꞌiwat toeropat haria pe -Waku kahato eiperia e. Eweiꞌapyk to hawyi eheropat hatno areineꞌen eipoi hamo e. Yt iꞌatuket kai hin i taꞌatukaꞌiwat ekatup haria.

Iruka 12:39

Eweikuap taꞌyn sereꞌok e hat putꞌok e eiꞌyat ete pote waku pe eweikupteꞌen eiꞌyat koꞌi apykok hamo. Miꞌi hap ewy eikaꞌiwat putꞌok e hap ewy. Miꞌi pote waku eweikupteꞌen wuatꞌi eꞌat pe eikaꞌiwat ekatup hamuat katupono kat eꞌat pe turan hap yt watikuap hin i pote e. Taꞌi tuut wyti aru aikotã sereꞌok e hap tuut hap ewy yt uwe i ikuap hap ewy e.

Iruka 21:36

Pyno ewehẽtup to Tupana piat eimoesaika hap eiꞌapykok hamuat mekewat hoꞌopot hap eꞌat putꞌok e ehete pote are e. Waku miat iweꞌeg rakat ewy eweikupteꞌen are e. Waku ewehẽtup o Tupana pe -Yt atoiat teran i uhepiat emohey hap waku eweiꞌe tope are. Miꞌi hawyi putꞌok eweiꞌe wyti aru mekewat ehoꞌopat hap eꞌat hawyi waku -Uipowyro ro mesuwat eꞌat sakpo areto hamuat eweiꞌe ro Tupana pe are e Iesui Miꞌi itote.

Iruka 22:46

Miꞌi hawyi toꞌe iꞌatuepe -Are paĩ kat poteĩ eweiket neꞌi mesup e. Eipoĩꞌam no hawyi ewehẽtup to Tupana pe e. Yt pote ahiag miꞌakit koꞌi eweikupteꞌen aru e.

Iesui Potmuꞌeria 20:31

Miꞌi tupono eiwatetup o. Yt waureꞌeweiꞌe teiꞌo uhepiat eimuꞌe hap ete. Katupono myẽꞌym anu wãtym muo ihatꞌok aat puo worohoꞌomuꞌe worohoꞌonapin uiwak popuo e Pauru tawa Ewesu kaipywiaria pe.

1 Kuriniu 15:34

Aikotã watoineꞌen pya hesoꞌok takaria pupi hap ewy waku watoineꞌen miꞌiria pupi. Eweiꞌaipok to eiwemoweꞌeg hamo. Ewetoiat ro saꞌag nug hap koꞌi katupono iꞌatu kahato aria kapiat wat hanuaria tawa Kurintiu piaria katupono yt karãpe i eweiꞌatumuꞌe miꞌiria Aipotypot Iesui ete. Waku eiwemoti aria kapiat ehehay pyi tuwat hap pupi.

1 Kuriniu 16:13

Iesui ekuekatu kape o mehit eweiꞌe poꞌog poꞌog wuatꞌi eꞌat pe. Yt naku i waure wo watoineꞌen aimimohey Iesui kai miitꞌin mimoweukaꞌi watopyhuꞌat hawyi. Maꞌato yt naku i aikohyeput Tupana wanikap pupiat. Waku suraraꞌin hesaika kahato rakaria ewywuat watoineꞌen Tupana potpap nug hap ete.

Ewesu 2:3

Pyno saꞌawyꞌi yne aito watopyhuꞌat ahiag emiit no yt nakuaria i ewy. Saꞌawyꞌi aimikyꞌesat saꞌag he watipuẽti. Mekewat eꞌat pe aiminug aipiit mikyꞌesat saꞌag koꞌi kape yn poꞌog poꞌog ahepap waĩꞌe Tupana pykai watunug saꞌag neꞌi. -Miꞌi tã ewetunug mote worohoꞌoꞌapiheg neꞌi eipe e Tupana ahepe pykai watunug yne yne yt imikyꞌesat i koꞌi.

Ewesu 5:14

Iꞌypyryp sese pote yt kat i heremo maꞌato hẽtyhot putꞌok e hawyi heremo kahato raꞌyn miꞌi hap ewy miitꞌin minug saꞌag. Karãpe watunug saꞌag waku Tupana pe watoꞌe -Atiꞌaparap kahato ti Tupana watoꞌe. Miꞌi pote atoiat raꞌyn saꞌag waku watoꞌe aipyꞌa pe. Miꞌi watunug pote Iesui aimomehit raꞌyn hawyi toimoherep ahepe muap hãpyk takat aiporeraꞌaipok Tupana kapiat hap. Miꞌi pote toꞌe wepy hawe -Erehymut ro eket hawyi erehymut ro ekuꞌuro hap kaipyi miꞌi hawyi Eipotypot Iesui eimomehit raꞌyn e ahepe aiminug saꞌag koꞌi aiket hap ewywuat aikuꞌuro hap ewy pote.

Ewesu 6:18

Karãpe watuꞌuka ahiag wywo waku watoꞌe meremo -Tupana uipowyro ahiag akit hamo yne eꞌat pe wakuat nug hamo waku watoꞌe. Aikope aikope areineꞌen waku uhewyry Tupana Paꞌãu upi waku watoꞌe Tupana pe. Etipowyro o emiitꞌin eweꞌeg wo o ahiag mupi waku watoꞌe. Yt urutuwat reran i ahiag ehay upi. Iꞌewyte iraniaꞌin Iesui mohey haria upi waku uruhẽtup wy. Yt uruikyꞌesat i ahiag ehay upi urutuwat hap. Yt karãpe i uruꞌatoiat emohey hap waku watoꞌe Tupana pe.

Wiripu 4:5

Iꞌewyte ti waku yt ipyꞌahak takaria wo i watukupteꞌen e. Waku yne miitꞌin wesat hatno watoineꞌen. Yt eweiwaure teiꞌo Aikaꞌiwat uut hamuat hap eꞌat katupono taꞌaipok irane Aiꞌakag koro are. Miꞌi pote waku wakuaria ewy watukupteꞌen wuatꞌi eꞌat pe.

Korosi 4:2

Karapeĩ wahẽtup Tupana kape aimikyꞌesat waku wahẽtup -Tuut wyti aru aiꞌe hap wywo. Yt tutum i te hawyi waku wahẽtup i. Miꞌi hawyi aiwesat sio waku e wahẽtup hap kape sio yt e waku -Arehum ewowi Tupana waku watoꞌe.

1 Tesaronika 4:13

Uruwyriaꞌin uruikyꞌesat eweikuap kahato pywuat sehay aikotã ikuꞌuro rakaria tukupteꞌen hamuat hap. Yt uruikyꞌesat i eweikupteꞌen Iesui mohey ran haria wo neꞌi katupono taꞌatuwy kuꞌuro pote toꞌokakꞌi kahato -Yt karãpe i raꞌyn aru wataꞌakasa aiwy kape taꞌatuehaype.

1 Tesaronika 5:10

Iesui ikuꞌuro aiꞌapiheg hap u hamo. Miꞌi tupono karãpe huut turan watuwat hupi sio watoineꞌen map haria wo raꞌyn mekewat eꞌat pe sio ahehãite te watuwat hupi.

1 Tesaronika 5:8

Maꞌato aito hẽtyhot puo ahewyry yt kat i aimopẽꞌã hap mywo. Waku watopyhuꞌat aikotã suraraꞌin ewy katupono suraraꞌin ipag taꞌatupotiꞌa tote iheg nakat moryꞌa pupi taꞌatuꞌauka hap. Miꞌi hap ewy waku watomohey Iesui hawyi iꞌewyte watoꞌopowyro waku aiwoꞌokyꞌe hap ete. Karãpe Iesui mohey hatno watoineꞌen iꞌewyte miitꞌin kyꞌe hatno pote ti surara ipotiꞌa tote iheg nakat ewy watoineꞌen. Iꞌewyte suraraꞌin ipag taꞌatuesapeu iheg nakat taꞌatuꞌahot hap pupi hap ewy waku watoineꞌen. Uheꞌywytꞌin uheinytꞌin waku watehaꞌat kahato Ahehakyeraꞌat hat yatypiat aheineꞌen hap kyewi. Miꞌi hap ewy ti waku watehaꞌat kahato surara akag sokpe iheg nakat ewy.

1 Timoteu 2:15

Miꞌi pote toineꞌen mesup ehete mekewat Tupana eiꞌapiheg hap mekewat haty kahato hap eimepyt tuwemoherep hap turan. Koitywy Iesui tiꞌatuehakyeraꞌat teran yne eipe haryporiaꞌin. Toikyꞌesat eipe tomiehakyeraꞌat wuaria hawyi woꞌokyꞌe haria hawyi weꞌeg kahato haria eipe hap toikyꞌesat are.

1 Timoteu 2:9

Haryporiaꞌin atikyꞌesat kahato eweikupteꞌen Iesui mohey haria kahato. Waku weꞌeg sese rakaria wo eweikupteꞌen. Waku eiwepainug hap ehesokpe hãpyk kahato rakatno Iesui motypot hap eiwanetup hawe. Waku eiꞌasap iꞌewyte ehewahi ehesokpe imotypot hap wywo yn ehete. Eiweꞌeg wo o mekewat -Uito poꞌog hekat rakat eiꞌe hap eiwepainug hap pupi. Maꞌato waku ikahu rakatno o eweikupteꞌen imotypot ehepiat hap oktan.

1 Timoteu 3:11

Iharyꞌi waku rakat yn waku. Iꞌewyte yt naku i iharyꞌi marakꞌa poityꞌi rakat neꞌi. Waku iharyꞌi iweꞌeg kahato rakat sehay pywuat piat yn ihay rakat.

1 Timoteu 3:2

Maꞌato eweꞌeg wo o miꞌi wuat airo hap ete Timoteu katupono yne miit mikuap hãpyk yn nakat waku etiꞌairo. Wẽtup ok wywo yn iharyꞌi rakat etiꞌairo. Yt naku i etiꞌairo kowoꞌi kowoꞌi wanetup haria. Waku -Yt uipo hep i Tupana potpap hap ete e hat etiꞌairo. Maꞌato waku wy emiꞌairoria paa e haria miitꞌin napin turanuat hanuaria teꞌeropyhuꞌat. Waku iraniaꞌin -Wakuat yn nug haria miꞌiria iꞌatuꞌe emiꞌairoria etiat. Iꞌewyte etikat o -Waku eweikupteꞌen uiꞌyat pe e hat waku etiꞌairo.

2 Timoteu 4:5

Maꞌato en Timoteu eweꞌeg wo o mio tã iꞌatuꞌe hap kai. Yt eremoehamanaꞌi teiꞌo maꞌato Tupana ehay pywuat sese po pe ereineꞌen o. Epiat hoꞌopot pykai yt ewẽpohep teiꞌo. Maꞌato en worokyꞌesat wuatꞌi puat Tupana ehay wakuat sytpok hamo. Etimoehãite yne o epotpap Tupana miium epiat uhaꞌyru.

Titu 2:12

Miꞌi hawyi aikyꞌe hap watikuap kahato raꞌyn. Iꞌewyte aikotã waku watukupteꞌen mesuwarotiat hap watikuap katupono Tupana aimuꞌe raꞌyn -Saꞌawyꞌi te ti eimikyꞌesat ewy yn ewetunug e. Mekewat eꞌat pe saꞌag kahato rakaria wo eweikupteꞌen e. Maꞌato uhegyiꞌat hap putꞌok e ehete pote waku eweitoiat raꞌyn eiminug saꞌag hap koꞌi uimikyꞌesat ewy yn nug hamuat e. Wakuaria wo uhewaku hap ewy atikyꞌesat e. Uimotypot haria eipe atikyꞌesat e Tupana ahepe.

Titu 2:6

Miꞌi hawyi ti kurum iwasu koꞌi pe ereꞌe o -Pyno iweꞌeg haria ewywuaria wo o eweipyhuꞌat ereꞌe o. Wakuat yn nug haria wo eweikupteꞌen Tupana mikyꞌesat nug haria ereꞌe o kurum iwasuria pe.

1 Peteru 1:13

Uiwyriaꞌin meiũran ti aru Tupana tipoꞌoro Aiporekuat nuat. Tuwemoherep mesuwat yi tote i raꞌyn wuatꞌi ehamo. Miꞌi pote waku aiwanetup hap Ahehakyeraꞌat hat kape yn watuwanetup. Yt naku i aiwanetup hap kowoꞌi kowoꞌi neꞌi. Waku wahekatup kahato Aipotypot huut hap kape iwemoherep hap kape katupono mekewat eꞌat pe tuut irane Ahehakyeraꞌat hat. Miꞌi hawyi iwese kahato ahete hegyiꞌat kahato ahepe tomohey haria aito pote. Miꞌi pote waku aikotã watopag aiweꞌok kytyt hap aipiit ete ahesokpe moheg hamo miꞌi hap ewy waku watimoheg kahato aiwanetup hap Iesui kape yn hap ewy are ehepe uiwyriaꞌin. Uito ti Peteru are.

1 Peteru 4:7

Pywo ti rat yne mesuwarotiat mesuwat yi iꞌewyte ahekareꞌen aiꞌyat koꞌi aiko hawyi waikiru waty aat gaꞌapy yne mesuwarotiat ikahuro hamuat koꞌi eꞌat yt pya hin i. Pywo ti rat tuut irane uiwyriaꞌin yne mesuwat ikahuro hap eꞌat. Yt pya hin i are. Miꞌi pote waku weꞌeg haria wo watukupteꞌen mesuwarote. Waku wahẽtup aat kaꞌap Tupana kape mesuwarotiaria ehakyeraꞌat hamo. Waku wahekatup Iesui uut hap.

1 Peteru 5:8

Pyno eiweꞌeg wo o ahiag mupi kurum iwasuria makuptiaria i are. Aikotã suraraꞌin ewy eweikupteꞌen. Eiweꞌeg wo kahato o ahiag mupi kat pote ehewanikap sese toineꞌen ahiag kurum iwasu koꞌi makuptiaria. Pyno eweikupteꞌen aikotã moryꞌa epo pe hap ewy. Kat pote ahiag awyato marakꞌa hap ewy toineꞌen kowoꞌi kowoꞌi hewyry rakat ewy hesyꞌat rakat ewy. Toikat kahato Tupana hũria ipakuptia u hamo are.

Iesui Aru E Hap 16:15

Miꞌi hawyi Arahaꞌat turan wẽtup ok toꞌe -Eiweꞌeg wo o miitꞌin yne yi totiaria e. Eiwatetup o katupono seroꞌok e hat ewy ariot e. Yt uwe i ti ikuap karamuo uhuut hap e. Miꞌi pote eweikupteꞌen sokpe piaria ewy waku uipuẽti hamo e. Yt pote aru eiwemoti kahato yt ehesokpe rakaria ewywuaria eweipyhuꞌat uhuut turan ariot pote e.

Iesui Aru E Hap 3:2

Eweꞌeg wo o kat pote kurin uimohey hap eipyꞌa pe topyhuꞌat e. Miꞌi pote ikuꞌuro rakat ewy uimohey ehepiat hap e. Waku eweiwyro o ehepiat uimohey hit hap. Maꞌato yt pote ikuꞌuro aru eipyꞌa pe uimohey hap katupono atipuẽti eipotpap hap Tupana kapiat yt pywo pe i. Eiminug wakuat uimotypot hamuat yt uimowepiit hin i uimohey ehepiat hap yt iwato i pote e. Pyno kurin kat uimohey hap ekawiat etimotag no e.