1 Tesaronika 5:18 - Sateré-Mawé

¹⁸ Iꞌewyte yne eꞌat pe -Waku kahato En Tupana watoꞌe sio hoꞌopot pote sio ahehãite pote. Miꞌi tã yne eꞌat pe waku watunug katupono miꞌi tã hap Tupana tikyꞌesat Iesui mohey haria tunug hap.

1 Tesaronika 5:18 ပူးပေါင်းရင်းမြစ်များ

Ewesu 5:20

Karãpe putꞌok e ahete sio waku sio yt hap waku watoꞌe Tupana pe -Waku kahato En Tupana. Arehum kahato ewowi Emipoꞌoro ete emiium ete katupono Esaꞌyru Iesui mohey hat uito waku watoꞌe.

Wiripu 4:6

Pyno yt eiwanetup koꞌi koꞌi i ran o. Poꞌog waku wahẽtup Tupana kape aipowyro hamuat hap. Waku watoꞌe Tupana pe -Etum o uruepe uruwat yt kat i rakat. Uruikuap kahato raꞌyn egyiꞌat hap Tupana waku uruhẽtup. Miꞌi pote urutuwehum kahato ewowi urupyꞌa pyi Tupana waku watoꞌe Tupana pe.

Korosi 3:17

Toikyꞌesat yne aiminug koꞌi Tosaꞌyru Aipotypot Iesui motypot hap. Toikyꞌesat yne ahehay Tosaꞌyru Iesui set motypot hap. Toikyꞌesat kahato ahehay towawiat hap aiwepiit hap wywo. Toikyꞌesat ahehay towawi Tosaꞌyru set upi hap. Toikyꞌesat watoꞌe -Uruporekuat nuat urumowepiit kahato. En waku kahato Esaꞌyru waku kahato emiium e hap ewywuat aiꞌe hap Tupana tikyꞌesat.

1 Tesaronika 4:3

Pyno koitywy uruhenoi teran ehepe kat som Tupana tikyꞌesat watunug hap. Yt toikyꞌesat i ti wuatꞌi haryporiaꞌin wywuat hap iꞌewyte wuatꞌi ihainiaꞌin wywuat yt aiweꞌeg i hap ti yt toikyꞌesat i. Waku iweꞌeg kahato rakaria wo toikyꞌesat aheineꞌen hap.

Epereu 13:15

Atipy kaipywiat yn wahekatup ahetawa sese uut hap watoꞌe. Uiwyriaꞌin waku kahato watomotypot Tupana. Waku aiwẽ pyi ahẽku pe Tupana kapiat yn aiwehum hap -Eset Tupana poꞌog ikahu torannia kai waku watoꞌe. Yt watuwehum teran i pykai waku watuwehum ahehay wo Tupana pe -Waku kahato Ahehakyeraꞌat Hat Aikaꞌiwat waku watoꞌe aat kaꞌap howawi aikotã aimiium iwato kahato hap ewy Tupana mowepiit kahato hap topyhuꞌat.

1 Peteru 2:15

Mesuwat rotiaria yt iweꞌeg i rakaria i ihay saꞌag nakaria aimohit reran taꞌatuehay wuat rakaria maꞌato watiꞌatunug wakuat kahato yne miitꞌin kape hawyi yt iꞌatuehay saꞌag kuap i poꞌog ahete. Miꞌi hap ewy Tupana tikyꞌesat kahato.

1 Peteru 4:2

Maꞌato yt naku i watoineꞌen mesuwarote aikuꞌuro hap kape yt naku i nug hanuaria wo aikotã saꞌawyꞌi yt watomohey i te Iesui turan wuat ewy are. Yt naku i aipiit mikyꞌesat saꞌag watunug. Maꞌato watunug mote yt kat hamo i watoineꞌen. Waku watoineꞌen mesuwarote Tupana mikyꞌesat nug hamo Tupana mowepiit hamo are.

1 Iuwãu 2:17

Maꞌato mesuwarote pywiat kaipyi yn aimuꞌe saꞌag koꞌi miitꞌin mikyꞌesat koꞌi ti aru tuweityk yne. Maꞌato uwe uwe Tupana mikyꞌesat ewywuat nug haria ti aru teꞌeropyhuꞌat wuatꞌi eꞌat pe.