1 Tesaronika 3:11 - Sateré-Mawé

¹¹ -Uruꞌywot uruhẽtup urukaꞌiwat Iesui set upi etum o uruepe muap mekewat Tesaronika kapiat uruwat hamo urutoꞌe Tupana pe.

1 Tesaronika 3:11 ပူးပေါင်းရင်းမြစ်များ

Mateu 6:14

Karãpe eipe waure wo eweikupteꞌen eimaꞌat iraniaꞌin piat hap koꞌi kai iꞌewyte ti aru aiꞌywot atipy piat waure wo ehepiat tomaꞌat hap kai toineꞌen.

Mateu 6:18

Miꞌi pote yn iraniaꞌin yt ikuap eiwemosyꞌat hap maꞌato waku eiꞌywot atipy piat yn ikuap migꞌi wuat eiwemosyꞌat hap katupono miꞌi yt iraniaꞌin yt ewywuat i pote tutum ehepe emiẽtup koꞌi wuatꞌi ehamo e Iesui.

Mateu 6:26

Pyno apo aipiit apo poꞌog waku ehesokpe koꞌi kai. Eiwehaꞌat ro weitaria ewowi. Miꞌiria ti yt karãpe i koi iꞌatuꞌe. Miꞌi pote yt taꞌatupirik kuap taꞌatumiꞌu taꞌatuko kaipyi. Yt kat i iꞌatuꞌyat iꞌatumiꞌu eiam maꞌato Tupana miꞌatupoi tukupteꞌen. Pywo pe ti uiwyriaꞌin eiperia ti poꞌog Tupana wanetup hawe weitaria kai. Miꞌi tupono ti ehewowi poꞌog aiꞌywot atipy piat tuwanetup weitaria ewowiat hap kai.

Mateu 6:32

Katupono iraniaꞌin yt Tupana mohey i haria ti miꞌi koꞌi kape yn teꞌeruwanetup. Pyno yt naku i miꞌiria ewywuaria eweikupteꞌen katupono ti Aiꞌywot atipy piat tikuap kahato yne kat koꞌi kat koꞌi eipo pe yt kat i eimikyꞌesat koꞌi. Eikawiatno hat eipowyro hatno toineꞌen e.

Mateu 6:4

Yt naku i ewyriaꞌin sese pykai ikuap. Pywo waku ewetum migꞌi wo emiium koꞌi. Maꞌato waku Tupana yn ikuap eminug koꞌi katupono ti aru tupana hum ehepe hãipe piat koꞌi katupono ekaꞌiwat aiꞌywot atipy piat taꞌakasa yne eiminug koꞌi. Miꞌi pote tuwehum ehewowi hap yn eweipuẽti.

Mateu 6:6

Pyno karãpe ehehay teran Tupana wywo pote waku ereke eꞌokaꞌapype aikope miitꞌin yt ehamo i migꞌi wo hawyi ereꞌapyhik miꞌi hawyi eiꞌywot yn ikuap ehehay migꞌi wuat eipyꞌa pywiat pote Tupana tuwehum kahato ehewowi hawyi tutum ehepe eimiẽtup koꞌi.

Maku 1:3

Atipoꞌoro wyti aru miitꞌin me epuꞌap ywytip hamuat. Mio tã e wyti aru epiat pe uhaꞌyru e. Ewehywytip Tupana saꞌyru muap upi e. Miꞌi hawyi ewetoiat ro eiminug saꞌag koꞌi eiwanetup saꞌag hap koꞌi hawyi toineꞌen muap Tupana kapiat eimimohey wuat e aru e Isaia 40.3 miwan me hap ewy.

Iruka 12:30

Taꞌi yt Tupana mohey haria i mekewat koꞌi koꞌi kape yn teꞌeruwanetup aat kaꞌap teꞌerokenꞌẽ hap wywo. Maꞌato Tupana tikuap kahato kat koꞌi kat koꞌi waku eheineꞌen hamuat hap etiat e.

Iruka 12:32

Miꞌi hawyi Iesui toꞌe tomohey haria pe -Uihũria koꞌi ewywuat no eipe are e. Yt typyꞌi kahato i eipe maꞌato yt eweikenꞌẽ teiꞌo katupono Tupana einug neran morekuaria wo karãpe Tupana topyhuꞌat Wuatꞌi Miitꞌin Morekuat nuat hap eꞌat pe e.

Iuwãu 20:17

Miꞌi hawyi Iesui toꞌe -Epohep o uipy ete pyi mana katupono waku saꞌawyꞌi araꞌaipok Uiꞌywot kape e. Miꞌi hawyi maꞌato mohenoi ro uhehay e mio wyti koitywy araꞌam irane raꞌyn Uiꞌywot kape e. Miꞌi pote mohenoi ro uhehay Uipotmuꞌeria pe -Koitywy araꞌam irane raꞌyn Uiꞌywot uheTupana kape. Iꞌewyte eiꞌywot eheTupana kape ereꞌe ro uiꞌe hap uheꞌywytꞌin me mana e.

Humanu 1:3

Koitywy atunug naꞌyn uiꞌe hap ewy. Miꞌi ti atipoꞌoro raꞌyn Uhaꞌyru Iesui eiporekuat nuat e. Miꞌi ti morekuat Tawi saipepiat sese e katupono Tawi emiariru emiariru sese Miꞌi e Tupana uhepe.

2 Kuriniu 6:18

Eiꞌywot sese wo areineꞌen e. Miꞌi hawyi eipe uhaꞌyruꞌin uhakiꞌytꞌin wo e Tupana ahepe Esutu 4.22 pe.

Karasia 1:4

Iesui tikyꞌesat kahato ti miitꞌin ehakyeraꞌat hap. Toikyꞌesat kahato iꞌatuminug saꞌag kaipywiat teꞌeraꞌaipok hap. Miꞌi hamo tuweium ariaꞌyp posak ete Toꞌywot mikyꞌesat ewy. Miꞌi hamo Tupana tum Tosaꞌyru aiꞌapiheg hap u hamo aiminug saꞌag koꞌi hep hamo.

Korosi 1:2

Miꞌi pote kuekatu e hap atipoꞌoro ehewowi. Iꞌewyte aiwy Timoteu tuwehay poꞌoro ehewowi urumiwan me. Uruhẽtup ehewowi -Uruꞌywot Tupana etum no woꞌokyꞌe hap woꞌowese hap tawa Korosi piaria pe urutoꞌe. Ereineꞌen o itote hegyiꞌat kahato Esaꞌyru mohey haria piat hatno urutoꞌe.

1 Tesaronika 3:13

Eiwoꞌokyꞌe kahato pote Tupana eimoesaika wakuat nug hamo aikotã toꞌowywuat hamo. Miꞌi pote ti aru karãpe Tupana tuut Tosaꞌyru wywo teropat haria wywuat turan ehewaku kahato hap toipuẽti eikai katupono miitꞌin kyꞌe kahato haria eipe pote. Miꞌi hap uruikuap taꞌyn uruto Pauruꞌin.

1 Tesaronika 4:16

Pyno Aikaꞌiwat sese ti aru taꞌapyk atipy kaipyi miꞌi hawyi atipy piaria esurara akag ti aru ihay pirik kahato. Miꞌi turan ti aru hu huꞌe akuara wato pyi mekewat huut hap enoi hamo. Miꞌi turan ti aru mekewat Iesui mohey haria ikuꞌuro rakaria Tupana tiꞌatuporenoꞌẽ yne yne aiꞌam hap eꞌyian mete.

1 Tesaronika 5:23

-Tupana etiꞌatupowyro o uruwyriaꞌin itotiaria. Etiꞌatumoperupꞌi wakuap nug hamo are. Uruikyꞌesat tawa Tesaronika piaria emohey haria wuatꞌi kupteꞌen hap. Etiꞌatumopakupꞌi iꞌatuwanetup pakup i hamo are. Miꞌi hawyi yt kat i iꞌatuwanetup saꞌag hap kapiat hap uruikyꞌesat uruꞌywot urutoꞌe. Uruikyꞌesat miꞌiria ewatno yn hap urutoꞌe. Miꞌi tã etunug mote ti aru karãpe Esaꞌyru emipoꞌoro uut turan yt kat i iꞌatuminug saꞌag huut turan etipuẽti aru urutoꞌe yn Tupana pe.

2 Tesaronika 2:16

Uruhẽtup kahato Aipotypot Aikaꞌiwat Iesui pe iꞌewyte Aiꞌywot hegyiꞌat rakat kape -Etiꞌatumoesaika ro emohey haria tawa Tesaronika piaria yt kat pupiat i iꞌatuwuwu hamo urutoꞌe. Etiꞌatumoesaika ro miꞌiria wakuap nug hamo iꞌewyte wakuap enoi hamo.

2 Tesaronika 3:16

Aiwoꞌomowese hap nug hat sese ti Aipotypot. Miꞌi pe uruhẽtup kahato -Etum o aiwyriaꞌin tawa Tesaronika piaria pe toꞌowese wuatꞌi eꞌat piat hamuat hap urutoꞌe. Karãpe iꞌatusatek turan etum o iꞌatumowepiit hap iꞌewyte iꞌatuehãite hap. Ereineꞌen wuatꞌi eꞌat pe iꞌatupyꞌasetpe urutoꞌe uruhẽtup Tupana pe ehupi uruwyriaꞌin.

2 Tesaronika 3:5

-Urukaꞌiwat urutoꞌe etiꞌatumoherep tawa Tesaronika piaria pe aikotã aikotã etiꞌatukyꞌe kahato hap uruikyꞌesat. Taꞌatukuap taꞌatupyꞌa pe epiat taꞌatukyꞌe hap aikotã Esaꞌyru urukaꞌiwat iperupꞌi kahato tepiat hoꞌopot hap koꞌi ete. Motꞌi kahato hap ewy etiꞌatumoesaika iꞌatuwanetup hawe iꞌatupiit pe urutoꞌe.

1 Iuwãu 3:1

Katupono ti iwato kahato Aiꞌywot piat aikyꞌe hap. Toimoherep kahato ti aikyꞌe hap tomepytꞌin wuat raꞌyn ainug hawyi. Taꞌi tegyiꞌat hap toimoherep kahato aikyꞌe hap. Pyno yt taꞌatukuap i Tupana pote iꞌewyte yt taꞌatukuap i aito Tupana mepytꞌin koꞌi hap.

Iesui Aru E Hap 21:3

Miꞌi hawyi wẽtup ok tuwẽpowat atipy kaipywiat Tupana ieineꞌen hap kaipyi miitꞌin pyꞌasetpiat raꞌyn ieineꞌen hat. Waku pe i raꞌyn toineꞌen mesup yi tote e. Miitꞌin topyhuꞌat Tupana ywania wo i raꞌyn e. Wuatꞌi miitꞌin topyhuꞌat hemiitꞌin no e. -AheTupana sese En iꞌatuꞌe i raꞌyn koitywy tope e. -Eipe uimepytꞌin e Tupana iꞌatuepe e.