1 Tesaronika 1:10 - Sateré-Mawé10 Koitywy taꞌatuhekatup taꞌyn Aikaꞌiwat Iesui Tupana Saꞌyru iꞌewyte Tupana mihep guꞌuro pywiat mohey haria wo raꞌyn tukupteꞌen iꞌatuꞌe ahepe. Taꞌi saꞌawyꞌi wyti ipyꞌahak kahato Tupana aiminug saꞌag ete. Saꞌawyꞌi wyti aiꞌapiheg hap yn topyhuꞌat ahepe yt kat i Tupana wywo aiwoꞌowese nug hanuat pote saꞌawyꞌi. Maꞌato Ahehakyeraꞌat hat putꞌok e aiꞌapiheg hap u hamuat hawyi Tupana aihep taꞌyn aiꞌapiheg hap kaipyi. Miꞌi hawyi iraniaꞌin yt kat iꞌatuꞌe kuap i raꞌyn ahete katupono -Waku eipe e yn naꞌyn ahepe. Miꞌi hap areꞌe ehepe Iesui mohey haria tawa Tesaronika piaria. Maꞌato yt uito yn i katupono torannia mesuwat yi tote waku iꞌatuꞌe ehepe. Yt kat areꞌe kuap i raꞌyn miitꞌin me eimohey kahato hap etiat uruewyry tipytpe katupono taꞌatukuap yne raꞌyn ehepiat imohey waku kahato hap. Miꞌi tupono urutuwehum kahato ehepiat imohey hap ete uruto Pauruꞌin. အခန်းကိုကြည့်ပါ။ |
1 Tesaronika 1:10
46 ပူးပေါင်းရင်းမြစ်များ
Miꞌi turan Iuwãu tehaꞌat turan tõꞌẽ typyꞌi kahato woꞌomuꞌe haria akag koꞌi Wariseuria hawyi Satuseuria Iuwãu piat taꞌatusetꞌok hamo wen maꞌato mio tã e neꞌi Iuwãu iꞌatuepe -Pyno yt aikotã kuap i te worohoꞌosetꞌok eipe e katupono eipe yt naku i nug haria neꞌi te. Eipe ti moĩ koꞌi ewywuat rẽ haiwot rakaria te neꞌi e. Miꞌi pykai kan hamoĩ eweĩꞌẽ meikowo eiwesetꞌok hamo. Tupana piat eiꞌapiheg hap pupi eweikenꞌẽ haype apo eweiꞌõꞌẽ e iꞌatuepe.
Mio ti toineꞌen Iesui atipy pe e. Mio itote tohekatup topoꞌoro i meiko wuat hap eꞌat e. Mio tã iꞌatuꞌe Tupana ehay moherep haria saꞌawyꞌi wuaria -Tuut wyti aru wẽtup eꞌat pe aikotã Tupana tunug mesuwat yi saꞌawyꞌi wuat hap ewy tutunug i irane e miwan me e. Miꞌi hap eꞌat wyti aru Tupana tunug mesuwat mytyyp ikahu ipakup takat saꞌawyꞌi wuat ikahu hap ewy iꞌatuꞌe yianme Iesui toineꞌen Wuatꞌi Porekuat nuat hap kape iꞌatumuꞌetu e Peteru.
Taꞌi Iesui tawa Nasare piat mimoehãite wyti ipy pakup takat e. Taꞌi Iesui ehay upi wyti uruimoehãite mekewat ipy kĩꞌã rakat gaꞌatpo e. Saꞌawyꞌi Tupana tipoꞌoro Temiit ahowawi Aipotypot nuat wen maꞌato Imipoꞌoro Wakuat eweiꞌauka raꞌyn ariaꞌyp posak saꞌag ete. Yt naku i kahato ewetunug maꞌato ikuꞌuro hawyi Tupana tomoieineꞌen pakup i guꞌuro pyi e. Pywo ti rat toineꞌen i Iesui katupono mesup taꞌyn toimoehãite meiũwat miit e. Ewehaꞌat ro pyno imimoehãite kape katupono hewyry raꞌyn ehehamo e.
Miꞌi ti Uhaꞌyru sese e Tupana uhepe. Uiꞌewy hesaika rakat e. Uipaꞌãu wakuat oktan ne hesaika rakat e. Koitywy atimoherep taꞌyn uiꞌe hap e Tupana. Koitywy atimoherep taꞌyn nimuat uiꞌe hap e Tupana. Koitywy Miꞌi moherep hap niatpo kahato raꞌyn aikotã atiõtem guꞌuro pyi Uhaꞌyru e Tupana uhepe haꞌawyte uikay kay tehay sytpok hamuat hap tote are.
Taꞌi Tupana tum aru tomohey haria pe tomotypot haria pe tomikyꞌesat nug hanuaria pe wuatꞌi eꞌat piat iꞌatuieineꞌen hap sese tomepytꞌin saꞌup e. Miꞌiria yt iꞌatupohep hin i Tupana motypot hap ete. Taꞌatuminug wakuap koꞌi wo taꞌatumotypot aat kaꞌap. Yt karãpe i iꞌatukuꞌuro miꞌiria ete e. Katupono tomotypot saꞌup Tupana tum miꞌiria pe wuatꞌi eꞌat piat iꞌatuieineꞌen waku hap.
Taꞌi watomohey kahato Tupana tiꞌapiheg Tosaꞌyru Iesui aiminug saꞌag upiatno e hap watomohey. Watimohey Tupana timoieineꞌen naꞌyn Tosaꞌyru hap toꞌe hap ewy. Miꞌi pote watomohey kahato wy Tupana aimoieineꞌen i hamuat waku hap ete toꞌe hap ewy watomohey. Koitywy watomohey kahato Tupana ainug tomohey hap kaipywiat wakuaria wo aikotã Tupana -Atunug aru e hap ewy watomohey. Aparãu ewywuaria watoineꞌen imohey hap saipepiaria aito. Aparãu mepytꞌin koꞌi aito. Miꞌi hap eꞌat pe Tupana toꞌe Aparãu me iꞌewyte ahepe -Waku pe ereineꞌen uhepe uimohey hat en mote e ahepe.
Tupana mimoewaku koꞌi kahato aito pote yt uwe i toꞌe kuap ahepe -Tupana miꞌapiheg koꞌi wo aru eweikupteꞌen yt iꞌatuꞌe kuap i. Yt miꞌi tã hin i aru e Tupana ahepiat. Tupana Mipoꞌoro Wuatꞌi Miitꞌin Porekuat nuat ikuꞌuro wuatꞌi miitꞌin apiheg hap koꞌi u hamo. Ikuꞌuro hawyi tuwẽtem guꞌuro pyi miitꞌin moieineꞌen wuatꞌi eꞌat piat hamo. Mio raꞌyn toineꞌen atipy pe apyk pe Tupana po ran kai imohey haria imimohãpyk haria moherep hamuat. Taꞌi watomohey hawyi imimohãpyk haria wo watukupteꞌen Tupana wanetup hawe. -Waku kahato uimohey haria koꞌi e yn ahepe Tupana ahetiatno iraniaꞌin me ahewanikaptia pe.
Taꞌi Tupana tikuap kahato aipyꞌa piat iꞌaparap hap koꞌi. Miꞌi kaipyi ariaꞌyp posak kape Tupana tipoꞌoro Tosaꞌyru aiꞌapiheg hap u hamo. Tosaꞌyru suu wo toihep tokuasa hap pya raꞌyn aikai. -Uwe ariaꞌyp ete tomosatꞌe pe ikuꞌuro miꞌi uikuasa topyhuꞌat e Tupana saꞌawyꞌi miitꞌin me. Pyno koitywy Tupana pyꞌahok hap yt kat i ahete aikawiatnuat ikuꞌuro raꞌyn ariaꞌyp ete pote. Miꞌi hawyi ikai toineꞌen naꞌyn iwese hap.
Miꞌi hawyi wuatꞌi puo Tupana mohey haria akag wo topyhuꞌat raꞌyn Haꞌyru. Tomohey haria akag akag wo toineꞌen. Miꞌi hawyi yne aito imohey haria ipiit ewy watopyhuꞌat maꞌato Iesui aiꞌakag wo topyhuꞌat aikotã aiꞌakag me watuwewanetup hap ewy aipiit tutunug miꞌi hap ewy watunug iꞌe hap ewy. Tomohey hanuaria Saꞌawyꞌi nug hat ti Iesui. Ahesaika hap Haꞌyru kaipyi yn tuut aimoesaika hamuat. Ahehãite hap iꞌewyte Haꞌyru tunug wy. Ikuꞌuro sese aikawiatno hawyi Tupana tomoieineꞌen i raꞌyn guꞌuro pyi. Yt uwe hin i te tuwẽtem guꞌuro pyi turan tuwẽtem guꞌuro pyi katupono Tupana tikyꞌesat Tosaꞌyru yian mete wuat miitꞌin wẽtem hap. Miꞌi saꞌawyꞌi wyti putꞌok e guꞌuro hakpo guꞌuro hap.
Yt ewehenoi teiꞌo iraniaꞌin wẽtup ywania pe iꞌatuꞌe uruepe. Katupono miꞌiria yt tikyꞌesat hin i iraniaꞌin ehakyeraꞌat hap katupono -Howapy yne raꞌyn iꞌatupiit iꞌatuminug saꞌag koꞌi wo. Yt kat i raꞌyn heiam howapy poityꞌi pote e Tupana. Toran naꞌyn putꞌok e raꞌyn koitywy iꞌatuꞌapiheg hap e Tupana Iuteuria pe topyꞌahak popuo.
Pyno Timoteu woronapin kahato haty wo Tupana ehamo Aipotypot Iesui ehamo -Etimohey kahato o Tupana ehay ereꞌe o epotmuꞌeria pe. Yt ewẽpohep hin i neiꞌo miꞌi hap ete. Yt epohepap pykai i yt epohep teiꞌo iꞌatumuꞌe hap ete. Katupono tuut irane Aikaꞌiwat uwe waku uwe yt naku i rakaria hap enoi hamo ihãite rakaria kape iꞌewyte map haria kape.
Maꞌato watikat aihũ suu upi neꞌi Tupana kapiat muap pote yt putꞌok watoꞌe i atipy kape yt naku i ahei hamo katupono -Uhaꞌyru suu yn putꞌok e eikoho hamo e Tupana. Maꞌato -Yt atikyꞌesat i epuꞌap watoꞌe Tupana pe hawyi yt naku i ti Esaꞌyru suu watoꞌe hap ewy watoꞌe Tupana pe. Miꞌi hawyi yt kat i ahehakyeraꞌat hap mio tã watoꞌe neꞌi pote. Miꞌi hawyi yt kat i topyhuꞌat muap Tupana kape watikat pykai.
Miꞌi hawyi yt karamuo i ikuꞌuro i raꞌyn Uhaꞌyru katupono wẽtup mo yn miitꞌin ikuꞌuro e. Miꞌi pote Miꞌi Miit Uhaꞌyru wẽtup mo yn ikuꞌuro hawyi mesup huut hap yn naꞌyn toineꞌen aru emiekatup e. Saꞌawyꞌi tokuꞌuro hamo tuut miitꞌin kape e. Maꞌato meiũran aru yt tokuꞌuro hamo i tuut tohekatup haria kape. Katupono Uhaꞌyru yt typuat ikuꞌuro rakat i e. Uhaꞌyru tuut wyti aru tomiehakyeraꞌat koꞌi moherep hamo e Tupana ahepe Tosaꞌyru Iesui ete.
Miꞌi pote mesup yt niatpo hin i watomohey Tupana aipyꞌa pe kat pote uruehamo Aikaꞌiwat toihep guꞌuro pyi. Miꞌi hawyi Tupana toꞌe itote wuatꞌi ehamo -Miitꞌin Ehakyeraꞌat hanuat Miꞌi Miit e. Miꞌi pote koitywy Iesui yn watomohey ahehakyeraꞌat hamo. Waku watoꞌe tope -Uruimohey En yn Iesui uruehakyeraꞌat hanuat waku watoꞌe Iesui pe are.
Saꞌawyꞌi Aipotypot Iesui ikuꞌuro hawyi Tupana timoieineꞌen guꞌuro pyi. Saꞌawyꞌi yt watomohey hin i aikuꞌuro hawywiat aheineꞌen i hamuat hap. Maꞌato mesup koitywy watomohey kahato kat pote Aiꞌywot Tupana tihep taꞌyn Aikaꞌiwat ikuꞌuro hap kaipyi. Miꞌi pote koitywy -Waku kahato En Tupana. Poꞌog wakuat torannia kai urutoꞌe kat pote egyiꞌat kahato uruepe. Urukyꞌe kahato En. Poꞌog poꞌog torannia miitꞌin kai urukyꞌe hat En katupono etihep taꞌyn urukaꞌiwat hyp hawyi urutoꞌe.
Aikaꞌiwat Aipotypot Iesui saꞌawyꞌi hoꞌopot kahato miitꞌin iꞌatumikyryꞌi kahato tuwete. Yt kat i tutunug saꞌag pykai taꞌatuꞌahyk taꞌatuꞌauka maꞌato yt kat i toꞌe saꞌag iꞌatuepe. Yt toiꞌatupoepyk hin i miꞌi tã taꞌatunug pykai kat pote toimoherep teran ahepe aikotã waku watunug aiꞌapiheg haria pe hap. Toikyꞌesat kahato watunug tominug hap oktan toikyꞌesat. Miꞌi hap kape aikay kay aikotã topiat hoꞌopot hap ewy hamuat hap kape.
Saꞌawyꞌi Aipotypot Aiporekuat Iesui miitꞌin mikyryꞌi hamo topyhuꞌat mesuwarote aikotã aikotã taꞌatunug saꞌag tuwete waku rakat pykai taꞌatuꞌauka. Maꞌato yt kat i saꞌag tutunug pykai tohoꞌopot kahato. Maꞌato aiminug saꞌag upi tohoꞌopot. Iesui hãpyk kahato rakat maꞌato ikuꞌuro yt hãpyk i rakaria mohãpyk hamo. Ikuꞌuro muap nug hamo Toꞌywot Tupana kapiat muap nug hamuat. Koitywy toineꞌen muap Tupana kapiat Iesui hoꞌopot hap kaipyi. Yt hãpyk i sese rakat toimohãpyk kuap taꞌyn. Pyno ipiit ikuꞌuro ariaꞌyp posak ete maꞌato miꞌi hawyi Tupana Paꞌãu timoieineꞌen Aikaꞌiwat.
Miꞌi hawyi ti waku -Eriot ro Mehin Eriot ro Mimi watoꞌe yn naꞌyn. Miꞌi pote ti watehaꞌat kahato raꞌyn Tupana putꞌok e hap eꞌat kape. Yt pya i raꞌyn watoꞌe yn naꞌyn. Taꞌi wukꞌe ti aru waikiru koꞌi. Miꞌi hawyi ti aru tuweityk yne raꞌyn watoꞌe. Watikuap taꞌyn mio tã e hap. Taꞌi meiũran ti aru yne raꞌyn iheg nakat iꞌewyte yt iheg i rakat i ti aru wukꞌe raꞌyn hakup pote ihywop yne. Maꞌato ti aito watikuap taꞌyn.
Miꞌi pote ti hãpyk yn watikyꞌesat watoineꞌen Tupana wywuat hap. Iraniaꞌin wywuat aiwoꞌowese hap yn waku watikat. Tupana wywuat aiwoꞌowese hap yn watikyꞌesat. Pyno uiwyriaꞌin waku watoineꞌen iwywo mekewat eꞌat pe. Waku yt kat i iꞌaparap hap aiwanetup hawe. Waku yt kat i yt nakuap i aikai Tupana wanetup hawe. Waku yt kat i hin i raꞌyn aiminug saꞌag aikawiat koꞌi.
Uiwyriaꞌin Iesui mohey haria meiẽ ewehehaꞌat ro Aikaꞌiwat Iesui tuut raꞌyn teiam ywyhig me. Taꞌi yne yne teꞌeraꞌakasa. Iꞌewyte ipiit suk haria iꞌauka haria teꞌeraꞌakasa kahato howawi. Ewehehaꞌat ro teꞌeruwak kahato wuatꞌi ywania yt imohey i haria teꞌerokenꞌẽ haype kak iꞌatuꞌe. Maꞌato aito imohey haria wahekatup kahato. Waku eriot Mehin waku eriot Mimi watoꞌe. Iꞌewyte aitoria 7 tawa piat Tupana motypot yat piaria pe yi Asia totiaria pe Iesui tuwemoherep wy.
ကြော်ငြာတွေ