1 Peteru 5:6 - Sateré-Mawé

⁶ Pyno uiwyriaꞌin ipakup takaria waku eweiꞌe Tupana kape -En ni poꞌog poꞌog uikai. Uimuꞌe ro. Aremohit epyꞌasetpe Tupana. Paa are areineꞌen epo pe Tupana. Iꞌewyte areineꞌen neran yt uwe i uimotypot mesuwarote. Atikuap taꞌyn uito kurum te ipakup takat rẽ waku eweiꞌe Tupana pe. Mio tã eweiꞌe pote meiũran Tupana mimotypot no eweipyhuꞌat mesuwat yi tote. Iꞌewyte miitꞌin akag wo miitꞌin apykok hatno eweipyhuꞌat. Kurum hin piꞌã hin Tupana mikyꞌe koꞌi kahato wo eipe are.

1 Peteru 5:6 ပူးပေါင်းရင်းမြစ်များ

Mateu 23:12

Maꞌato uwe -Uito poꞌog eikai e hat ti aru Tupana mimohit wo topyhuꞌat. Maꞌato uwe wẽtup ok tuwemohit hat ti aru iwato rakatno topyhuꞌat Tupana mimowato wo.

Iruka 1:52

Toipuruk yne aru morekuaria hesaika rakaria iꞌatueiam myi miꞌi hawyi iꞌatueiam me aru tohytmoĩ miit perupꞌi kahato koꞌi raꞌyn toiꞌatumowato.

Iruka 14:11

Katupono uwe iwemowato rakaria iwemohit haria wo tukupteꞌen. Maꞌato uwe wemohit haria miitꞌin mimotypot haria wo teꞌeropyhuꞌat e.

Iruka 18:14

Pywo pe areꞌe ehepe mekewat paa e hat tominug saꞌag koꞌi ete yn taꞌaipok toꞌyat kape waku pe Tupana wanetup hawe katupono Tupana tiwaure yne iminug saꞌag koꞌi pote maꞌato mekewat -Uito poꞌog iraniaꞌin kai e hat yt toipuẽti hin i waku e hap Tupana wanetup hawe. Pywo miitꞌin mekewat paa e hat ewywuaria Tupana mimowato haria wo topyhuꞌat. Maꞌato mekewaria uito poꞌog iraniaꞌin kai e haria Tupana mimohit haria wo teꞌeropyhuꞌat e Iesui wuatꞌi miitꞌin me.

Humanu 5:6

Saꞌawyꞌi sese mekewat eꞌat wuat Tupana toꞌe -Atipoꞌoro aru En Uhaꞌyru miitꞌin Porekuat nuat e. Uhaꞌyru e koitywy mesuwat eꞌat atiꞌairo eto hamuat yi kape katupono hoꞌowasat kahato miitꞌin tukupteꞌen itote pote iꞌatuminug saꞌag eꞌat yn mote e Tupana tosaꞌyru pe. Mio tã e pote Aipotypot Iesui toto. Miꞌi hawyi aiminug saꞌag kaipywiat aiꞌapiheg hap tutuꞌu yne aheiam mo.

1 Kuriniu 10:22

Maꞌato watuꞌu ahiagnia ekuiꞌa pyi iꞌewyte Aikaꞌiwat ekuiꞌa pyi hawyi waku aiweꞌeg wo katupono Aikaꞌiwat tikyꞌesat aito towatnuat hap yn. Ihayꞌywyi miꞌi tã watunug pote. Waku aiweꞌeg wo kahato katupono Aikaꞌiwat poꞌog hesaika aikai. Waku watokenꞌẽ Aikaꞌiwat aiꞌapiheg hap pupi uiwyriaꞌin Tupana saꞌyruꞌin sakiꞌytꞌin aito pote.

1 Timoteu 2:6

Putꞌok e raꞌyn ahehakyeraꞌat hap eꞌat hawyi Aikaꞌiwat ikuꞌuro raꞌyn aikawiatno hamo tuweium naꞌyn ahepe. Miꞌi kape wataꞌakasa raꞌyn hawyi watikuap kahato wuatꞌi ywania Tupana tiꞌatukyꞌesat kahato tomiehakyeraꞌat no hap watikuap taꞌyn.

Titu 1:3

Heꞌat putꞌok e raꞌyn hawyi Tupana timoherep taꞌyn uhepe tehay -Atum aru wuatꞌi eꞌat piat eheineꞌen hap Uhaꞌyru mohey haria pe e Tupana ahepe. -Koitywy woropoꞌoro en Pauru uhaꞌyru etiat sehay moherep hamo katupono woromohey en inug hamo e uhepe. Miꞌi tupono ti atimoherep Haꞌyru wuatꞌi ywania pe Tupana e hap ewywuat. Ahehakyeraꞌat Tupana piat hap Iesui mikyiꞌat moherep hat areineꞌen mesup uito. Uito ti Pauru.

Tiaku 4:10

-Ehamo Tupana aremoti kahato uipyꞌa pe paa e hap wywo watoꞌe. Pywo pe pote Tupana mimotypot sese koꞌi watopyhuꞌat wuatꞌi eꞌat pe wuatꞌi ehamo.

Tiaku 4:7

Tupana tikyꞌesat aiꞌe hap -Tupana atikyꞌesat emiit sese wo waku watoꞌe aiperupꞌi popuo e. Uiꞌywot uimoesaika kahato uiminug saꞌag koꞌi akit hamo waku watoꞌe. Tupana etiꞌakit o ahiag uiꞌokpe totiat watoꞌe waku. Uimoesaika epaꞌãu wo ahiag sopo hamo ehay wo -Motoro uiꞌyatypepyi ahiag me e hamo waku wahẽtup Tupana pe. Miꞌi hawyi waku watoꞌe -Tupana etisopo ro ahiag uhãꞌãg hat mesuwe waku watoꞌe. Miꞌi hawyi ahiag topopy raꞌyn meremo aiꞌyatypepyi Tupana pupi.

Tiaku 5:10

Uiwyriaꞌin yt naku i ti watiwaure aipyꞌa pe saꞌawyꞌi wuat Tupana ehay moherep haria piat hoꞌopot hap koꞌi. Taꞌi nimo te ti taꞌatuhoꞌopot potꞌi kahato miitꞌin mikyryꞌi taꞌatuetiat imohey hap wywuat hap. Taꞌi yt iꞌatuwẽpohep hin i ti Tupana e hap moherep hap ete miitꞌin tiꞌatusatyꞌi satyꞌi pykai. Miꞌi tupono waku watunug miꞌiria ewy.