1 Peteru 4:19 - Sateré-Mawé

¹⁹ Pyno areꞌe ehepe -Miitꞌin mikyryꞌi hamo o eweikupteꞌen Iesui mohey haria eipe pote waku eweikupteꞌen no Iesui mohey haria wo are. Waku ewetunug no Tupana mikyꞌesat ewywuat. Waku eweiꞌe Tupana kape -Tupana atum uipiit uiwanetup hap uipyꞌa piat uheineꞌen hap yne atum epe. Uikuꞌuro pote uikuꞌuro maꞌato yt atoiat hin i waku nug hap. Iꞌewyte yt atoiat hin i emohey hap uinug hat En mote Tupana watoꞌe waku. Miꞌi pote atikuap yt uiꞌatoiat hin i hap. Miꞌi pote epo pe atum uipiit uipaꞌãu uiwanetup hap uinug hat waku watoꞌe miitꞌin mikyryꞌi hatno watoineꞌen turan Iesui mohey haria aito pote.

1 Peteru 4:19 ပူးပေါင်းရင်းမြစ်များ

Iruka 23:46

Miꞌi hawyi ariaꞌyp posak pyi Iesui toꞌe tehay pirik wo Tupana pe -Papai e epo pe raꞌyn atoiat Uipaꞌãu e. Mio tã toꞌe ipyhu tek taꞌyn hawyi ikuꞌuro raꞌyn.

Iesui Potmuꞌeria 7:59

Miꞌi hawyi mak makꞌe iꞌatuꞌe nu wo Etewãu auka hamo. Miꞌi turan Etewãu ihay haty wo -Uikaꞌiwat Iesui epo pe raꞌyn atum uipaꞌãu e.

Humanu 2:7

Taꞌi Tupana tum aru tomohey haria pe tomotypot haria pe tomikyꞌesat nug hanuaria pe wuatꞌi eꞌat piat iꞌatuieineꞌen hap sese tomepytꞌin saꞌup e. Miꞌiria yt iꞌatupohep hin i Tupana motypot hap ete. Taꞌatuminug wakuap koꞌi wo taꞌatumotypot aat kaꞌap. Yt karãpe i iꞌatukuꞌuro miꞌiria ete e. Katupono tomotypot saꞌup Tupana tum miꞌiria pe wuatꞌi eꞌat piat iꞌatuieineꞌen waku hap.

2 Timoteu 1:12

Miꞌi hap upi ti ahoꞌopot aikotã aikotã hap koꞌi. Miitꞌin iꞌatumikyryꞌi kahato uhete maꞌato yt aremoti hin i Tupana ehay ete katupono atikuap kahato uiwy uimimohey Iesui. Miꞌi hap toikuap iꞌewyte uito atikuap are. Yne uimiium tepiat toiꞌatunug iheg me itote tuut hamuat kape.

1 Peteru 2:15

Mesuwat rotiaria yt iweꞌeg i rakaria i ihay saꞌag nakaria aimohit reran taꞌatuehay wuat rakaria maꞌato watiꞌatunug wakuat kahato yne miitꞌin kape hawyi yt iꞌatuehay saꞌag kuap i poꞌog ahete. Miꞌi hap ewy Tupana tikyꞌesat kahato.

1 Peteru 3:17

Pyno Tupana tikyꞌesat tuereto hoꞌopot ahepiat hap waku nug haria aito pote. Miꞌi hawyi mesuwarotiaria ahaty hatyꞌi haria wo tukupteꞌen. Karãpe hoꞌopot hap toineꞌen waku nug haria aito pote miꞌi pote waku watuwehum Tupana kape. Maꞌato karãpe aito Iesui mohey hat pykai watunug saꞌag mote mesuwarotiaria ahaty hatyꞌi hawyi haty sese hap topyhuꞌat kat pote yt watuwehum kuap i Tupana kape.

1 Peteru 3:20

Iꞌatu kahato miit itote yt naku i nug haria. Miꞌi haria kape toto. Aikope tukupteꞌen Nuꞌe mimuꞌeria. Saꞌawyꞌi Nuꞌe tiꞌatumuꞌe miꞌiria. Tutunug mekewat yara wato koro turan toiꞌatumuꞌe maꞌato yt taꞌatumohey i. Tupana tiꞌatukyꞌesat kahato miꞌiria tuwewawiat hap. Toiꞌatuekyi kahato Nuꞌe ehay wo maꞌato yt taꞌatumohey i. Miꞌiria kape Iesui toto tokuꞌuro hawyi aikope tukupteꞌen ikuꞌuro rakaria hap kape. Miꞌi hawyi toimoherep iꞌatuepe mekewat sehay wakuat. Katupono saꞌawyꞌi mesuwat yi tote Nuꞌeꞌin yn Tupana miehakyeraꞌat koꞌi topyhuꞌat. Mekewat yara wato pe tukupteꞌen 8 ok yn Nuꞌeꞌin koꞌi. Miꞌi hawyi iꞌaman iwato tiꞌatuꞌuka yne mesuwarotiaria maꞌato mekewat Nuꞌe minug yara wato tiꞌatuehakyeraꞌat 8 ok takaria katupono mekewat yara wato pe tukupteꞌen Nuꞌeꞌin mekewat yꞌy wato yowa tote.