1 Peteru 4:15 - Sateré-Mawé

¹⁵ Pyno waku watopyhuꞌat miitꞌin mesuwarotiaria mikyryꞌi hamo. Waku watopyhuꞌat miitꞌin misatyꞌi satyꞌi koꞌi wo Iesui mohey haria aito pote. Maꞌato yt naku i kahato wahoꞌopot mesuwarotiat seroꞌok e haria aito pote yt naku i nug haria pote miitꞌin maꞌat haria aito pote miitꞌin ekat poreraꞌat haria aito pote miitꞌin potpap pyhyp haria aito pote ahehay saꞌag iraniaꞌin etiat aito pote. Miꞌi hap upi aipyhyp ahatyꞌi hatyꞌi pote yt nakuaria i wo watopyhuꞌat. Maꞌato wahoꞌopot Iesui potpap nug pote waku.

1 Peteru 4:15 ပူးပေါင်းရင်းမြစ်များ

Mateu 5:11

Iꞌewyte karãpe ehepe teꞌerehay mikyryꞌi kat iꞌatuꞌe kat iꞌatuꞌe ehepe karãpe eweiwat uhepiat pote. Miꞌi tã pote ti aru uimipoityro wo eweikupteꞌen.

1 Tesaronika 4:11

Uiwyriaꞌin worohoꞌonapin pywuat sehay wo. Woꞌoeremopusu haria wo yt naku i aito watukupteꞌen. Waku teꞌen aipotpap kaipyi aimiꞌu ahekareꞌen aikotã urutoꞌe saꞌawyꞌi hap ewy waku watoiat yne aiperup hap koꞌi urutoꞌe.

2 Tesaronika 3:11

Maꞌato tukupteꞌen Iesui mohey haria eipyꞌasetpiaria yt ipotpap takaria i yt woꞌopowyro teran i haria. Pyno miꞌi haria pe waku waĩ watoꞌe. Iꞌewyte woꞌoeremopusu hap ete yn iꞌatupotpap taꞌatuewyry hap upi taꞌatunug. Miꞌiria pe waku waĩ watoꞌe.

1 Timoteu 5:13

Miꞌi hawyi iraniaꞌin tuwemohapap kahato aiperup hap ete satꞌi satꞌi getap koꞌi upi neꞌi. Miꞌi hap kaipyi tuwemohapap woꞌokuasa kuasa i hap ete. Aiwuꞌuka hap neꞌi enoi enoi hap ete. Woꞌomaꞌatꞌi maꞌatꞌi hap ete yn ihay. Wemoti hap sehay saꞌag yt watikuap teran i rakat taꞌatuhuꞌat.

2 Timoteu 2:9

Miꞌi mienoi upi ti ahoꞌopot te. Uipoꞌi poꞌi raꞌyn haity wo woꞌoꞌauka hat ewy. Uito uipyhik kuap maꞌato Tupana ehay ti yt uwe i ipyhik kuap yt uwe i iꞌakit kuap.

1 Peteru 3:14

Uiwyriaꞌin karãpe mesuwarotiaria yt iꞌatuwese i kahato ahete waku nug haria aito pote waku watuwemowepiit mesuwarote. Yt naku i watokenꞌẽ iꞌatupupi. Yt naku i aiwanetup hap kowoꞌi kowoꞌi miꞌiria pupi.

1 Peteru 3:17

Pyno Tupana tikyꞌesat tuereto hoꞌopot ahepiat hap waku nug haria aito pote. Miꞌi hawyi mesuwarotiaria ahaty hatyꞌi haria wo tukupteꞌen. Karãpe hoꞌopot hap toineꞌen waku nug haria aito pote miꞌi pote waku watuwehum Tupana kape. Maꞌato karãpe aito Iesui mohey hat pykai watunug saꞌag mote mesuwarotiaria ahaty hatyꞌi hawyi haty sese hap topyhuꞌat kat pote yt watuwehum kuap i Tupana kape.