1 Peteru 2:22 - Sateré-Mawé

²² Pywo pe ti rat Aikaꞌiwat yt kat saꞌag hin i tutunug pykai taꞌatuꞌauka. Yt wẽtup sehay saꞌag tutunug towẽ pywiat pykai i taꞌatuꞌahyk ahyk Aikaꞌiwat are.

1 Peteru 2:22 ပူးပေါင်းရင်းမြစ်များ

Mateu 27:19

Miꞌi hawyi Piratu taꞌapyk teꞌamyap tote aikope morekuaria toꞌe hap miitꞌin wakuat sio yt hap kuap hap tote. Miꞌi turan iharyꞌi tuwehay poꞌoro teꞌaito kape -Yt etunug saꞌag neiꞌo mekewat Iesui wakuat ete toꞌe hap. Ahatyꞌu kahato uimuꞌetu wuat miꞌi hap e. Pyno uheꞌaito epohep to merep Miꞌi Miit ete e.

Mateu 27:4

Taꞌi atiꞌaparap kahato ti uito. Atum Uikaꞌiwat ehepe yt kat upiat hin i iꞌaparap hat atiweneru e. Miꞌi hawyi taꞌatuwesat Iuta -Pyno koitywy yt urutuwanetup teran hin i raꞌyn ti eminug kape iꞌatuꞌe. Eminug saꞌag ni epe topyhuꞌat uhyt iꞌatuꞌe.

Iruka 23:41

Taꞌi aiminug saꞌag upi aiꞌauka aiꞌapiheg hamuat wen maꞌato Iesui yt kat i hin i saꞌag tutunug pykai toineꞌen toꞌapiheg hawe ikuꞌuro hamuat e.

Iruka 23:47

Miꞌi hawyi wẽtup ok suraraꞌin akag taꞌakasa yne hawyi tuwehum kahato Tupana pe -Pywo pe ti Meiũ Miit Iesui waku kahato rakat are e.

Iuwãu 1:47

Maꞌato putꞌok e irane turan Iesui ti taꞌakasa raꞌyn Natanaeu kape hawyi toꞌe -Meiẽ meipe ti raꞌyn tuut aiꞌywania Isareu ywania sese hãpyk kahato rakat e.

Iuwãu 8:46

Uiminug yt nakuat i kue yt wẽtup i eweipuẽti paĩ e. Worohoꞌomuꞌe kahato raꞌyn ti sehay pywuat no maꞌato ti uimienoi yt eweimohey hin i e.

2 Kuriniu 5:21

Aikaꞌiwat Iesui yt karãpe i inug saꞌag watoꞌe. -Taꞌi Uhaꞌyru waku sakpo e Tupana. Maꞌato miꞌi pykai Tupana tiꞌapiheg aiminug saꞌag upi. Aiminug saꞌag yne iꞌokpe tote toineꞌen kahato iꞌauka hap. Miꞌi hawyi Iesui topyhuꞌat yt naku i nug hat ewy aiminug saꞌag topiit tote hawyi. Yt towat tominug saꞌag hap upi Tupana tiꞌapiheg Iesui maꞌato aiwat aiminug saꞌag upi tohoꞌopot kahato. Miꞌi watomohey hawyi Tupana ainug wakuat sese rakaria Tosaꞌyru suu aikoho hawyi. Tosaꞌyru ewaku hap totopag ahepe. Waku pe watoineꞌen Tupana wanetup hawe watoꞌe wuatꞌi ywania pe aikope aikope aipoꞌoro hap upi Tosaꞌyru haipepiatno.

Epereu 4:15

Katupono Ahepaꞌi Tupana wywuat ihay aikawiatno hat yt mesuwarotiaria yt ewy hin i. Karãpe ahete ahatek hap putꞌok e hap haty hap topyhuꞌat hawyi toikuap kahato katupono Miꞌi Paꞌi hatyꞌu kahato satek hap saꞌawyꞌi tuwete. Iꞌewyte yt ahesaika i hap toikuap kahato katupono saꞌawyꞌi mesuwe aiꞌewy tohãꞌãg tosero hap mesuwat yi tote. Saꞌawyꞌi hãꞌãg ahiag kaipywiat hap toikuap kahato yt naku i nug hamuat hap katupono ahiag hãꞌãg kahato Iesui yne yt naku i nug hamuat katupono Iesui aipiit puꞌi ewywuat kawiat sese Ahepaꞌi Koro hawyi yne toiãꞌãg ahiag miat hap toikuap maꞌato yt taꞌat i tomaꞌat hap upi. Taꞌi Aikaꞌiwat no kahato ti Ahepaꞌi toineꞌen. Karãpe yt naku i hap ahete pote aikawiatno hamo topyhuꞌat aipowyro kahato ahiag sopo hamo.

Epereu 9:28

Miꞌi hawyi yt karamuo i ikuꞌuro i raꞌyn Uhaꞌyru katupono wẽtup mo yn miitꞌin ikuꞌuro e. Miꞌi pote Miꞌi Miit Uhaꞌyru wẽtup mo yn ikuꞌuro hawyi mesup huut hap yn naꞌyn toineꞌen aru emiekatup e. Saꞌawyꞌi tokuꞌuro hamo tuut miitꞌin kape e. Maꞌato meiũran aru yt tokuꞌuro hamo i tuut tohekatup haria kape. Katupono Uhaꞌyru yt typuat ikuꞌuro rakat i e. Uhaꞌyru tuut wyti aru tomiehakyeraꞌat koꞌi moherep hamo e Tupana ahepe Tosaꞌyru Iesui ete.

1 Iuwãu 2:1

Pyno uhaꞌyruꞌin koꞌi uhakiꞌytꞌin koꞌi yt atikyꞌesat i ti eweiꞌaparap Tupana pe iꞌewyte miitꞌin me. Miꞌi hap etiatno ti mesup atiwan ehewowi. Maꞌato watiꞌaparap Tupana pe miitꞌin me pote waku wahenoi ahepiat iꞌaparap hap. Miꞌi hawyi Aikaꞌiwat timoherep Toꞌywot pe aimohãpyk hamuat toꞌe.

1 Iuwãu 3:5

Katupono Aikaꞌiwat yt karãpe i iꞌaparap Tupana pe. Maꞌato Aikaꞌiwat tuut hamuat yne yt nakuat i hep hamo. Miꞌi hap eweikuap taꞌyn.

Iesui Aru E Hap 14:5

Tupana mimoewaku koꞌi kahato miꞌiria katupono wakuaria kahato miꞌiria. Yt karãpe i teꞌeropyhuꞌat Tupana maꞌat haria wo iꞌewyte yt karãpe i heso rakaria wo teꞌeropyhuꞌat.