Pywo pe ti areꞌe ehepe saꞌawyꞌi wuaria Tupana ehay moherep haria iꞌatu kahato iꞌewyte iraniaꞌin ywania kaipywiaria Tupana mohey haria ti teꞌerehaꞌat teran kahato koran wuat eiꞌakasa hap koꞌi kape maꞌato yt aikotã kuap i teꞌeraꞌakasa. Iꞌewyte teꞌeruwanetup teran kahato koran wuat eimikuap koꞌi koꞌi kape wen maꞌato yt teꞌeruwanetup kuap i.
1 Peteru 1:10 - Sateré-Mawé10 Saꞌawyꞌi sese aheꞌyian miaria Tupana ehay moherep haria henoi kahato aikotã aru Tupana topyhuꞌat hegyiꞌat kahato wuatꞌi ywania piat hap ete iꞌatuehay. Aikotã aikotã aru tutunug hap ete iꞌatuꞌe Iesui etiat. Taꞌatumoherep kahato aikotã Tupana ahehakyeraꞌat hap. Taꞌatukuap teran sese saꞌawyꞌi maꞌato iꞌypyryp hap ewy taꞌatukuap. Maꞌato taꞌatumikuap oktan taꞌatumoherep Tupana Paꞌãu kaipyi ahepe Iesui uut hap etiat katupono miwan myi saꞌawyꞌi wuaria imoherep Tupana yn mikuap koꞌi sehay are. အခန်းကိုကြည့်ပါ။ |
1 Peteru 1:10
24 ပူးပေါင်းရင်းမြစ်များ
Tutuꞌu hawyi poꞌog Iesui toꞌe temiitꞌin me -Saꞌawyꞌi areineꞌen eipyꞌasetpiat turan ahenoi kahato ehepe aikotã aru topyhuꞌat uhete hap. Mesup eꞌat pe ahenoi teran ahaꞌaseꞌi Muisei miwan kaipyi Tupana ehay enoi haria miwan kaipyi yne uhetiat e. Iꞌewyte morekuat Tawi wepy hap miwan kaipyi uhetiat yne atimoherep teran yne uhetiat e. Koitywy topyhuꞌat raꞌyn yne iꞌatumienoi yian miat uhetiat hap ewy e.
Tawa Pereia totiaria taꞌatuꞌatupuẽti poꞌog yt iꞌakag heg i rakaria tawa Tesaronika piaria kai. Miꞌiria ti Tupana ehay wakuat ikyꞌesat kahato. Miꞌiria ti teꞌeruwemuꞌe kahato wuatꞌi eꞌat pe saꞌawyꞌi wuat mienoi ete. Tupana etiat taꞌatukuap teran koitypuo pywo pe koitypuo yt Pauruꞌin henoi hap taꞌatukuap teran.
Miꞌi hawyi Pauru tiꞌatuwesat -Waku kahato worohoꞌomuꞌe uimimohey oktan e. Waku eweiꞌatukay kay aiꞌywania hawyi worohoꞌomuꞌe Aimiekatup ete e. Miꞌi hawyi -Pyno waku iꞌatuꞌe toꞌope hawyi tuwat. Miꞌi hawyi mekewat eꞌat putꞌok e hawyi tõꞌẽ tõꞌẽ kahato Pauru ywania sem iꞌyat sese kape. Miꞌi hawyi hune pyi te wãtymꞌi kape Pauru yn ihay aat toꞌywania pe. Toiꞌatumuꞌe kahato aikotã topyhuꞌat Tupana Aiporekuat no hap ete. Toikyꞌesat itotiaria -Pywo ti rat uruimohey Iesui Tupana Mipoꞌoro sese ahehakyeraꞌat hanuat iꞌatuꞌe hap. Miꞌi pote Muisei miwan myi iꞌewyte Tupana ehay moherep haria yianmiaria ehay pyi tohenoi yne Aipotypot Iesui etiat.
Taꞌi Tupana ehay moherep haria saꞌawyꞌi wuaria yne henoi henoi kahato Hemiit Wakuat uut hamuat hap maꞌato miꞌiria ete wyti ahaꞌaseꞌiꞌin tiꞌatumikyryꞌi kahato hawyi taꞌatuꞌatuꞌuka saꞌag neꞌi e. Taꞌi ahaꞌaseꞌiꞌin ewywuaria eweikupteꞌen katupono gaꞌatpo Tupana tipoꞌoro Temiit Wakuat Aiporekuat nuat sese aikotã toꞌe hap ewy wen maꞌato Miꞌi Miit Wakuat eweimaꞌat saꞌag neꞌi hawyi ti eweiꞌauka saꞌag neꞌi ariaꞌyp posak tote e Etewãu toꞌauka teran haria pe.
Taꞌi saꞌawyꞌi wuaria Aseꞌi Apeu Nuꞌe Aparãu Inoki hary Sara ti Tupana mohey potꞌi kahato haria. Taꞌatumohey kahato taꞌatukuꞌuro hap kape. Yt heremo i te -Atunug aru e Tupana piat hap turan pykai taꞌatumohey te. Taꞌatukuꞌuro hap turan teꞌeraꞌakasa hap ewy taꞌatuwanetup hawe Tupana tunug aru e hap. Yt tutunug i te toꞌe hap ewywuat pykai taꞌatumohey kahato taꞌatupyꞌa pe. Taꞌi uruto yt mesuwarotiaria imohey haria ewy hin i iꞌatuꞌe. Wẽtup ywania ewywuaria aito iꞌatuꞌe. Ihamanaꞌi rakaria ewywuaria uruto mesuwe iꞌatuꞌe. Wẽtup yi kat haria ewywuaria uruto iꞌatuꞌe.
-Pyno iꞌatu kahato uimohey haria aru ehaipepiaria e Tupana tomohey yianmiaria pe. Pyno mesup watopyhuꞌat miꞌiria mimuꞌeria katupono miꞌiria ewywuat watomohey. Pyno watomohey yne hawyi wẽtup piit ewy watopyhuꞌat hawyi -Waku raꞌyn e aru Tupana. Toran naꞌyn. Atunug yne raꞌyn uiꞌe hap ewywuat pote mesup waku raꞌyn miitꞌin sem naꞌyn waikiru koꞌi ewywuat yi kyt koꞌi ewywuat uimohey haria sok iꞌatu kahato hap ewywuat tukupteꞌen uimiehakyeraꞌat koꞌi wuatꞌi ywania hap ewywuat mesup uimohey haria tukupteꞌen mesup e aru. Miꞌi pote atunug naꞌyn yne uiꞌe hap ewywuat e aru Tupana hawyi waku maꞌato yt uwe i aito Iesui mohey haria pote yt tutunug yne i te toꞌe hap ewywuat e.
Kat eꞌat pe aru Aipotypot Iesui tuut e hap kape teꞌeruwanetup kahato taꞌatukat kahato. Taꞌi saꞌawyꞌi wuaria Tupana ehay moherep haria iꞌatuehay kahato Aikaꞌiwat Paꞌãu mimoherep koꞌi ete. Taꞌi taꞌatumoherep yian mete aikotã aru Aipotypot ikuꞌuro hoꞌopot hap rakirẽ hamuat koꞌi taꞌatuwan kahato miwan me. Iꞌewyte taꞌatuwan kahato Tupana Paꞌãu kaipyi aikotã me Aipotypot wuatꞌi miitꞌin potypot no topyhuꞌat hamuat koꞌi taꞌatuwan are.
Uiwyriaꞌin meiũran ti aru Tupana tipoꞌoro Aiporekuat nuat. Tuwemoherep mesuwat yi tote i raꞌyn wuatꞌi ehamo. Miꞌi pote waku aiwanetup hap Ahehakyeraꞌat hat kape yn watuwanetup. Yt naku i aiwanetup hap kowoꞌi kowoꞌi neꞌi. Waku wahekatup kahato Aipotypot huut hap kape iwemoherep hap kape katupono mekewat eꞌat pe tuut irane Ahehakyeraꞌat hat. Miꞌi hawyi iwese kahato ahete hegyiꞌat kahato ahepe tomohey haria aito pote. Miꞌi pote waku aikotã watopag aiweꞌok kytyt hap aipiit ete ahesokpe moheg hamo miꞌi hap ewy waku watimoheg kahato aiwanetup hap Iesui kape yn hap ewy are ehepe uiwyriaꞌin. Uito ti Peteru are.
ကြော်ငြာတွေ