1 Kuriniu 8:6 - Sateré-Mawé

⁶ Maꞌato Tupana sese toineꞌen wẽtup yn Miꞌi watoꞌe. Tupana ti Ainug hat Aiꞌywot watoꞌe. Miꞌi ti wuatꞌi nug hat watoꞌe. Miꞌi yn Aimoieineꞌen hat wẽtup yn Aipotypot watoꞌe. Aikaꞌiwat ti Iesui e hap het rakat watoꞌe. Tupana tunug yne topo wo aimoieineꞌen hap watoꞌe.

1 Kuriniu 8:6 ပူးပေါင်းရင်းမြစ်များ

Mateu 11:27

Pyno Uiꞌywot tum yn raꞌyn uhepe torannia kat koꞌi kat koꞌi. Miꞌi turan yt uwe i kuap uwe Haꞌyru maꞌato Iꞌywot yn ikuap. Iꞌewyte yt uwe i kuap Iꞌywot hap Haꞌyru yn ikuap. Maꞌato uimiꞌairoria pe yn atimoherep kuap uwe Uiꞌywot e.

Mateu 28:18

Miꞌi hawyi Iesui tuut iꞌatuewowi hawyi iꞌatupyꞌasetpe toineꞌen heremo kahato. Miꞌi hawyi toꞌe itotiaria pe -Koitywy Tupana tum yne raꞌyn tesaika hap uhepe e. Miꞌi hawyi Wuatꞌi Miitꞌin Porekuat koro wo areineꞌen atipy pe iꞌewyte mesuwat yi tote e.

Iuwãu 1:10

Mekewat miit nimo pyi toineꞌen. Kat kat koꞌi mesuwat rotiat inug hat toineꞌen. Maꞌato mesuwat rotiaria yt ikuap i uwe.

Iuwãu 1:3

Saꞌawyꞌi yne inug hap eꞌat turan Tupana mesuwat mytyyp nug hat toineꞌen. Taꞌi miꞌi turan toineꞌen Sehay e hap het rakat wẽtup Aikaꞌiwat set. Tupana yt kat i tutunug mesuwat rotiat Aikaꞌiwat yt uwe i itote pote. Mekewat Aikaꞌiwat Sehay wẽtup set toineꞌen itote yne nug hap eꞌat turan. Miꞌi wywo yne nug hat Tupana toineꞌen. Pywo Aikaꞌiwat yt uwe i mekewat eꞌat pe pote yt kat i toineꞌen kat kat koꞌi iminug hap.

Iuwãu 10:30

Uiꞌywot Uito ti wẽtup ok yn e Iesui.

Iuwãu 13:13

Pyno urumuꞌe hat uruporekuat no En eweiꞌe ti uhepe e. Taꞌi Miꞌi ti Uito are. Uito ti Eipotypot Uito ti eimuꞌe hat e.

Iuwãu 14:20

Karãpe Tupana Paꞌãu wo ipytꞌat eipiit hawyi ti aru eweikuap taꞌyn Uiꞌywot uheiam neꞌi toineꞌen hap e. Iꞌewyte Uito eheiam wo areineꞌen hap hawyi eiperia uheiam wo neꞌi eweikupteꞌen hap e.

Iuwãu 17:3

Miꞌi hawyi miitꞌin teꞌeropyhuꞌat En Tupana pywuat rakat kuap haria wo hawyi iꞌewyte Uito emipoꞌoro kuap haria wo hawyi wuatꞌi eꞌat piat gupteꞌen haria wo teꞌeropyhuꞌat e.

Iuwãu 20:17

Miꞌi hawyi Iesui toꞌe -Epohep o uipy ete pyi mana katupono waku saꞌawyꞌi araꞌaipok Uiꞌywot kape e. Miꞌi hawyi maꞌato mohenoi ro uhehay e mio wyti koitywy araꞌam irane raꞌyn Uiꞌywot kape e. Miꞌi pote mohenoi ro uhehay Uipotmuꞌeria pe -Koitywy araꞌam irane raꞌyn Uiꞌywot uheTupana kape. Iꞌewyte eiꞌywot eheTupana kape ereꞌe ro uiꞌe hap uheꞌywytꞌin me mana e.

Iesui Potmuꞌeria 17:28

Taꞌi Tupana sese kaipyi ti aheiam ahewyry hap aheineꞌen hap e. Aikotã saꞌawyꞌi wuat eimuꞌe haria pypyꞌe hap nug haria teꞌeroꞌe hap ewy -Tupana mepytꞌin aito e hap ewy.

Iesui Potmuꞌeria 2:36

Uhytꞌiꞌin Manaꞌin pywo pe ti aiꞌywania tiꞌauka raꞌyn Tupana Mipoꞌoro ariaꞌyp posak ete e. Maꞌato eimiꞌauka Tupana tipoꞌoro Aiporekuat no. Miꞌi hap toimoherep ahepe mesup katupono toihep Miꞌi Miit hyp hawyi e. Miꞌi Miit ti Tupana Miꞌairo te Wuatꞌi Porekuat nuat e Peteru toꞌywania pe.

Iesui Potmuꞌeria 5:31

Miitꞌin Potypot no Tupana tikyꞌesat kahato urukaꞌiwat Iesui e. Mio tã e Tupana saꞌawyꞌi -Miꞌi Miit ti Uipo sese kawiat ieineꞌen hat e. Miꞌi Miit ti wuatꞌi miitꞌin ehakyeraꞌat hanuat e Tupana saꞌawyꞌi miwan me e Peteru. Taꞌi Iesui ti henoi ahepe mekewat muap aiminug yt naku i hap kaipywiat aihep hamuat e. Miꞌi Miit yn ni muap Tupana kapiat hat e. Miꞌi Miit yn ni aiꞌywania Isareu ywania wanetup saꞌag hap mohãpyk kuap hat e. Toikyꞌesat yne aiꞌywania tomiehakyeraꞌat koꞌi wuat hap e.

Humanu 11:36

Katupono aikope aikope toineꞌen kat koꞌi kat koꞌi sio heremo sio yt Tupana tunug yne miꞌi yt kat kawiat i tutunug. Tuwekaipyi tutunug yne yne. Iꞌewyte yne mesuwat yi tote toineꞌen katupono Tupana imoieineꞌen pote. Tesaika hap kaipyi tutunug yne tomotypot hamuat yne yne iminug koꞌi. Miꞌi pote -Urutuwehum kahato ewowi Tupana urutoꞌe. Waku kahato En waku kahato En urutoꞌe epe Tupana.

1 Kuriniu 1:2

Pyno kuekatu uruipoꞌoro ehewowi. Miꞌi hawyi waku kahato worohoꞌonapin katupono Tupana miꞌairoria temiitꞌin sese wuat saꞌawyꞌi te wuaria eipe. Taꞌi Tupana watno eiperia wakuaria wo Tupana wywo eweipyhuꞌat -Iesui Aipotypot Aikaꞌiwat sese eweiꞌe pote. Yt eipe yn i maꞌato wuatꞌi miitꞌin mesuwarotiaria mio tã e haria Tupana watnuaria wakuaria Tupana wywo teꞌeropyhuꞌat.

1 Kuriniu 12:3

Karãpe watoꞌe Iesui pe -En ni Uipotypot Uikaꞌiwat watoꞌe pote Tupana Paꞌãu mimuꞌe watopyhuꞌat. Maꞌato watoꞌe -Iesui ti yt naku i watoꞌe pote yt kat i Tupana Paꞌãu aikai.

1 Kuriniu 6:13

Iꞌewyte iraniaꞌin eipyꞌasetpe -Uimiꞌu kat hap yn atunug neran aat kaꞌap yne eꞌat katupono miꞌu yn aimowepiit kuap hap e hat. Maꞌato eiweꞌeg wo o miꞌu mesuwarotiat wywo yn eiꞌok hap. Miꞌu waku kahato wen maꞌato miꞌu yn watikat pote aimaꞌat hap toineꞌen katupono Tupana eropat hap yt watikat hin i. Meiũran aru Tupana timoma yne ahesyꞌat hap hawyi yt kan hamo i aimiꞌu kat hap. Yt eweikuap i kat hamo Tupana tunug aipiit apo. Taꞌi toikyꞌesat aito teropat hamo iꞌewyte toikyꞌesat aito tokyꞌe haria. Toikyꞌesat aipiit towatnuat e. Yt toikyꞌesat i aipiit watum yt iweꞌeg i rakaria pe iꞌewyte yt toikyꞌesat watum aipiit miꞌu kat hap yn kape. Uiwyriaꞌin waku watuwehum kahato Tupana kape aimiꞌu ete maꞌato yt naku i watunug miꞌu ahetupana wo. Iesui Aikaꞌiwat aipoi kuap kahato. Waku iwywo watikat aimiꞌu. Yne Tupana tum teran ahepe aimowepiit hamuat.

1 Kuriniu 8:4

Miꞌi tupono ahenoi pakup i raꞌyn aikotã tupana iãꞌãkap motypot haria miꞌu etiat. Pyno koitywy watikuap taꞌyn mesuwarotiat mo wuat minug koꞌi tupana koꞌi yt Tupana sese hin i hap tukupteꞌen maꞌato ariaꞌyp nu yi kawiat yn tukupteꞌen. Miꞌi tupono ti koitywy watikuap taꞌyn tupanaria miitꞌin mo wuat minug koꞌi yt kat hamo i tupana wo tukupteꞌen katupono yt kat i ieineꞌen hap ipuo hap watikuap. Maꞌato wẽtup ok yn Tupana Sese toineꞌen. Miꞌi ti atipy piat wuatꞌi eꞌat piat ieineꞌen hat. Pyno iraniaꞌin tupana mesuwarotiat yi kawiat nu kawiat hap koꞌi yt Tupana hin i.

Ewesu 1:3

Taꞌi Aikaꞌiwat Iesui iꞌewyte Toꞌywot Tupana aiꞌatupoityro poityro kahato raꞌyn. -Waku kahato En watoꞌe Tupana pe iꞌewyte Aikaꞌiwat Iesui pe watoꞌe -Waku kahato En Tupana watoꞌe aito Iesui mohey haria. Taꞌi atipy kaipyi putꞌok e ahete aipoityro kahato hap. Ahehakyeraꞌat hap tutum naꞌyn ahepe. Wuatꞌi eꞌat piat aimoieineꞌen Tupana kapiat hap tutum ahepe towatnuaria aito pote are.

Ewesu 3:14

Miꞌi tã ahẽtup mesuwe aat kaꞌap -Uruꞌywot atipy piat arepỹꞌãtutuk ewowi mesuwe katupono wuatꞌi ywania ehakyeraꞌat kuap hat En are.

Korosi 1:6

Koitywy mesuwat Iesui etiat ainapin hap aimoehapyhotꞌok kahato wuatꞌi miitꞌin me mesuwat yi totiaria pe. Tuwesytpok kahato ihay wakuat aikowo aikowo tuwat Tupana ehay wuatꞌi puo. Miꞌi hawyi miꞌiria wy waku pe raꞌyn tukupteꞌen. Tupana mipoityro wo raꞌyn tukupteꞌen. Miꞌi hap ewy raꞌyn eweikupteꞌen eweikuap taꞌyn sehay hawyi. Eipe ti eweikuap taꞌyn Tupana tum ehepiat wuatꞌi eꞌat piat eheineꞌen hamuat hap. Eweikuap taꞌyn yt kat saꞌup i tegyiꞌat hap tutum neran hap eweikuap taꞌyn.

1 Peteru 1:21

Miꞌi pote mesup yt niatpo hin i watomohey Tupana aipyꞌa pe kat pote uruehamo Aikaꞌiwat toihep guꞌuro pyi. Miꞌi hawyi Tupana toꞌe itote wuatꞌi ehamo -Miitꞌin Ehakyeraꞌat hanuat Miꞌi Miit e. Miꞌi pote koitywy Iesui yn watomohey ahehakyeraꞌat hamo. Waku watoꞌe tope -Uruimohey En yn Iesui uruehakyeraꞌat hanuat waku watoꞌe Iesui pe are.

Iesui Aru E Hap 1:18

Iuwãu e erahaꞌat ro uhowowi e. Haꞌawyte areineꞌen eipyꞌasetpe. Miꞌi hawyi uikuꞌuro sese koitywy areineꞌen i raꞌyn wuatꞌi eꞌat piat hamo e. Miꞌi pote uiꞌe hap uhehay upi yn miitꞌin tuwẽtem kuap guꞌuro pyi e. Iꞌewyte uhehay upi yn miitꞌin tuwat taꞌatuꞌapiheg aria wuat eꞌat piat hamuat kape e uhepe.