Koitywy ehepe iraniaꞌin ywania pe atimoherep teran Tupana ehay ehepe yt uwe mikuap i te hap. Miꞌi eweikuap hawyi yt eweiꞌe kuap i -Uruto poꞌog weꞌeg haria ywania Iuteuria kawiat e hap. Koitywy Iuteuria yt timohey kahato i Tupana Mipoꞌoro Aiporekuat nuat Iesui iꞌatupyꞌa heg kahato rakaria pote maꞌato meiũran aru paa iꞌatuꞌe hawyi taꞌatukyꞌesat kahato imohey hap. Koitywy yt taꞌatukyꞌesat i pote -Pyno atiꞌatuehakyeraꞌat iraniaꞌin ywania taꞌatumohey kahato Uimipoꞌoro Iesui Iꞌatuporekuat nuat pote e Tupana. Meiũran aru yt uwe i eipe Tupana Mipoꞌoro Aiporekuat nuat mohey haria hawyi yt uwe i poꞌog ikyꞌesat hawyi mekewat eꞌat pe ti uimiꞌairoria Iuteuria iꞌatupap i raꞌyn imohey hap ete miꞌi hap eꞌat pe yt niatpo hin i tuwehytꞌok Uhaꞌyru mohey hawe e. Katupono miꞌiria tukupteꞌen Uriweiria yp haga sese koꞌi ewy e Tupana ahepe.
1 Kuriniu 8:2 - Sateré-Mawé2 Miꞌi tupono karãpe -Uito poꞌog atikuap e hat putꞌok e ahete hawyi yt aiweꞌeg i hap topyhuꞌat katupono mesuwat yi totiat yt uwe i topyhuꞌat ikuap yne hat. Miꞌi tupono waku watopyhuꞌat -Atikuap teran e haria wo -Uimuꞌe ro e haria wo. အခန်းကိုကြည့်ပါ။ |
1 Kuriniu 8:2
9 ပူးပေါင်းရင်းမြစ်များ
Koitywy Tupana watikuap iꞌypyryp we pyi hap ewy Tupana etiat ipatꞌok hap koꞌi yn. Maꞌato meiũran watoineꞌen i hap tote raꞌyn aiwoꞌoewa pe raꞌyn watoꞌoehaꞌat. Miꞌi hap eꞌat pe watikuap sese raꞌyn yt watikuap i te hap koꞌi. Maꞌato mesuwarotiat watikuap Tupana aikotã aipaꞌãu wataꞌakasa yꞌy pe yt heremo i kahato hap ewy neꞌi. Maꞌato meiũran aru Tupana piat aikuap hap oktan watikuap Tupana.
Yt naku i watuwemaꞌat neꞌi Tupana yat -Uito poꞌog iraniaꞌin kai e hap mo. Miꞌi tã neꞌi watunug mote miitꞌin iraniaꞌin yt kat kuap i haria ewy neꞌi watuwanetup. Waku watipun -Uito poꞌog e hap pya aikai. Paa watoꞌe pote Tupana toꞌe ahepe -Eiweꞌeg kahato rakaria eipe e ahepe miitꞌin mikyryꞌi hamuat watoineꞌen pykai.