1 Kuriniu 7:32 - Sateré-Mawé

³² Iesui mohey haria yt heꞌaito rakaria i yt iwary rakaria i teꞌeruwanetup aat kaꞌap taꞌatukaꞌiwat Iesui potpap nug hap kape taꞌatukaꞌiwat mowepiit hap kape yn. Waku miꞌiria ewy watoineꞌen poꞌog poꞌog mesuwe.

1 Kuriniu 7:32 ပူးပေါင်းရင်းမြစ်များ

Mateu 13:22

Maꞌato iraniaꞌin wyti tukupteꞌen teꞌerepomohepapꞌi mesuwat rotiat taꞌatuekat puẽti hamuat ete yn. Miꞌi haria ti aikotã mikoi iãꞌỹi yt haat i rakaria ewy wuaria tukupteꞌen.

Maku 4:19

Maꞌato meiũran hawyi teꞌeruwanetup taꞌatupotpap iwato hap kape taꞌatuekareꞌen iwato hap kape. Taꞌatumikyꞌesat wuatꞌi hap kape yn teꞌeruwanetup hawyi Tupana ehay wehik hamuat topyhuꞌat hu koꞌi ewy.

Iuwãu 10:13

Pyno haꞌup kyewiat neꞌi tokaꞌiwat hũria apykok hat ipoityꞌi hawyi tohokꞌiwat neꞌi tokaꞌiwat hũria. Miꞌi hawyi Awahuru koꞌi tiꞌatuuka kahato raꞌyn taꞌatusytpok taꞌyn maꞌato haꞌup kyꞌesat hat potiat ipotpap takat pote yt ikyꞌe sese neꞌi tokaꞌiwat hũria miꞌi pote teput neꞌi are e.

1 Kuriniu 7:33

Maꞌato iwary rakat tuwemowepiit hap kape yn tuwanetup toꞌyat tomiꞌu tesokpe hap kape yn tuwanetup hawyi.

Wiripu 4:6

Pyno yt eiwanetup koꞌi koꞌi i ran o. Poꞌog waku wahẽtup Tupana kape aipowyro hamuat hap. Waku watoꞌe Tupana pe -Etum o uruepe uruwat yt kat i rakat. Uruikuap kahato raꞌyn egyiꞌat hap Tupana waku uruhẽtup. Miꞌi pote urutuwehum kahato ewowi urupyꞌa pyi Tupana waku watoꞌe Tupana pe.

1 Timoteu 5:5

Maꞌato tukupteꞌen hiwu sese koꞌi yt uwe i mipowyro koꞌi Tupana mohey haria taꞌatuhẽtup kahato Tupana kape ihatꞌok puo wãtym mo -Uruieineꞌen hap miꞌu sokpe etum o uruepe iꞌatuꞌe.