1 Kuriniu 5:9 - Sateré-Mawé

⁹ Saꞌawyꞌi atipoꞌoro uimiwan me einapin hamuat -Yt naku i watunug aiwy ok sese wo Iesui mohey hat yt iweꞌeg i sese rakat wuatꞌi ihainia wywuat ieineꞌen hat wuatꞌi haryporia wywo.

1 Kuriniu 5:9 ပူးပေါင်းရင်းမြစ်များ

1 Kuriniu 5:10

Tukupteꞌen aipyꞌasetpe mesuwat yi tote maꞌato iꞌatu kahato aiwyriaꞌin yt Iesui mohey i haria yt naku i nug haria. Miꞌiria tukupteꞌen yne eꞌat aikope aikope watoineꞌen hap tote ahewyry hap tote. Miꞌiria minug ewywuat yt naku i watunug katupono miꞌiria wuatꞌi haryporiaꞌin ihainiaꞌin wywo ieineꞌen haria. Ahekareꞌen sereꞌok takaria tukupteꞌen miꞌiria. Ahekat kyewi yn aimaꞌat maꞌat neꞌi miꞌiria wuatꞌi eꞌat pe. Miꞌiria wuatꞌi tupanaria mo wuat minug motypot haria. Yt naku i watunug miꞌiria ewywuat maꞌato waku watiꞌatuekyi miꞌiria Iesui mohey hap kape. Yt naku i watunug miꞌiria ahewanikaptia wo maꞌato poꞌog waku watiwesat miꞌiria waku hap ewy. Maꞌato karãpe Iesui mohey hat watoineꞌen hawyi yt naku i watunug ne aikotã miꞌiria minug yt naku i hap koꞌi ewywuat. Maꞌato miꞌiria ewywuat watoineꞌen yt naku i nug haria te waku -Iesui mohey haria miꞌapiheg wo watopyhuꞌat. Yt naku i watunug ne yt naku i nug hap saꞌawyꞌi wuat ewy Iesui mohey haria aito hawyi.

1 Kuriniu 5:2

Miꞌi hap ete ti yt tuwemoti hin i te maꞌato poꞌog ni uruto uruewaku toꞌe neꞌi saꞌag. Miꞌi hawyi eipe yt paa eweiꞌe hin i maꞌato -Waku miꞌi tã watunug eweiꞌe saꞌag. Uiwyriaꞌin waku waire waire nug haria eweiꞌatuꞌywyk eiweꞌatunug hap kaipyi.

1 Kuriniu 5:7

Miꞌi ti yt kat i imoperup hap iꞌapuk hap nem nakat. Miꞌi yt ipyyp takat i mekewat iꞌatueman. Miꞌi hap ewy koitywy aiwat aheman yt kat i ipyyp hit hap imonem kuap hat.

2 Kuriniu 6:14

Yt naku i watuwat yt naku i nug haria wyꞌinug hamo. Aikotã iꞌypyryp wywo hẽtyhot hap wywo yt toꞌosat i hap ewy. Miꞌi hap ewy yt naku i watoineꞌen yt naku i nug haria wywo wẽtup miit ewy iꞌatuminug saꞌag ete. Aikotã uꞌi maniꞌay karay wywo toꞌopype miꞌi hap ewy yt naku i watopyhuꞌat tupanaria motypot haria wywo iꞌatuetupanaria motypot hamo. Aito Iesui mohey haria pote wẽtup miit ewy watoineꞌen wakuat nug hap ete. Miꞌi pote Tupana mimowaku hanuaria yt toꞌosat kuap sese i yt naku i nug haria wywo yt toꞌoꞌewy hin i pote.

2 Kuriniu 6:17

Mio tã e saꞌawyꞌi Tupana tomohey haria pe -Eweiꞌatoiat ro tupanaria e. Yt eweikupteꞌen neiꞌo iꞌatuwywo e. Eweikupteꞌen pya iꞌatukai ro e. Yt eweiwat reiꞌo iraniaꞌin wywo iꞌatumotypot hamo e. Yt ewetemig neiꞌo miꞌiria katupono yt naku i kahato miꞌiria e Tupana. Uimikyꞌesat ewetunug mote uimepytꞌin wo eweikupteꞌen e. Iꞌewyte eiwehytꞌok uiꞌyat pe e Tupana ahepe Isaia 52.11 pe.

Ewesu 5:11

Yt naku i nug haria hepap kahato saꞌag nug hap ete wãtym nuran aikotã aikotã hap yt naku i nug hap ete yt kat i Tupana motypot hap iꞌatuminug ete pote. Aikotã yt naku i nug haria iꞌypyryp we taꞌatunug saꞌag miꞌi hap ewy yt naku i nug haria. Waku waĩ watoꞌe iꞌatuepe -Yt Tupana mikyꞌesat ewy hin i ewetunug watoꞌe iꞌatuepe. Yt naku i watuwat iꞌatuminug hap upi. Yt naku i watopyhuꞌat miꞌiria ewy are.

2 Tesaronika 3:14

Iꞌewyte toineꞌen mote wẽtup ok eipyꞌasetpe -Yt atikyꞌesat i Pauruꞌin piat uinapin hap e hat waku yt eiwehik teiꞌo miꞌi tã hat ete. Miꞌi tã watunug hawyi mono teꞌeruwemoti raꞌyn hawyi tuwat urumienoi kape i raꞌyn toꞌe haype.

2 Tesaronika 3:6

Uruwyriaꞌin tukupteꞌen aipyꞌasetpe iperup kahato rakaria -Uito ti Iesui mohey hat e haria pykai. Miꞌiria ti yt ipotpap teran i rakaria wo gupteꞌen haria. Miꞌiria ti tukupteꞌen eipyꞌasetpe -Yt atunug neran Pauru mienoi e haria. Miꞌi haria o yt ewetunug neiꞌo eiwy wo.