1 Kuriniu 5:8 - Sateré-Mawé

⁸ Pyno toꞌiro Iesui enuk hap kape yt kat i ipyyp takat man aimiꞌu wywo hap ewy e. Pyno ti aimopyyp hap ewywuat toineꞌen mekewat mani puk ewywuat mekewat aiwoꞌomaꞌatꞌi maꞌatꞌi hap ewywuat toineꞌen. Iꞌewyte man teneg ewywuat toineꞌen mekewat aiwoꞌokyꞌe hap ewywuat. Miꞌi yn waku saꞌawyꞌi aimiꞌu wo watuwẽtem yi Esitu pyi turan yt kat i mani puk watioto kuap pote. Miꞌi man Tupana ehay pywo rakat yt kat i aheso hap wywo hap ewy. Miꞌi man ewywuat waku aimiꞌu wo katupono mekewat man puk aiwoꞌomopit pit hap ewywuat aiwoꞌotuꞌuka hap ewywuat watoꞌe saꞌawyꞌi. Waku poꞌog Tupana ehay sese wahenoi miitꞌin me yt kat i miitꞌin ehay heso hap wywo.

1 Kuriniu 5:8 ပူးပေါင်းရင်းမြစ်များ

Mateu 16:12

Mio tã e hawyi hemiitꞌin tikuap taꞌyn yt mekewat man sese apopyt yt ete i ihay hap maꞌato taꞌatukuap taꞌyn mekewat aikotã Wariseuria iꞌewyte Satuseuria tukupteꞌen hap etiat tohenoi hap.

Mateu 16:6

Miꞌi hawyi Iesui toꞌe temiitꞌin me -Pyno waku eiweꞌeg wo eweikupteꞌen mekewat aikotã man apopyt ewywuaria Wariseuria iꞌewyte Satuseuria pupi e.

Maku 8:15

Miꞌi hawyi Iesui tiꞌatunapin -Eiweꞌeg wo o nagnia ehay enoi haria mani puk hap ewywuaria pupi e. Iꞌewyte morekuat Eroti mani puk hap ewywuat pupi e.

Iruka 12:1

Miꞌi hawyi miitꞌin sem kahato teꞌeruwaꞌatunug Iesui ewowi pote toꞌopykit pykit neꞌi iꞌatu kahato hemig neran haria. Miꞌi hawyi Iesui toꞌe temiitꞌin me -Eiweꞌeg wo o Tupana ehay ran enoi haria pupi e. Miꞌiria typy sehay enoi haria e. Sehay ikahu kahato rakatno taꞌatuhenoi wen maꞌato iꞌatuminug koꞌi yt naku i kahato e. Typy hẽku rakaria ewywuaria miꞌiria. Taꞌi mani puk koꞌi ewywuat neꞌi miꞌi haria are e. Mani kurin kat ipyyp takat watopag mani pakup we hawyi toimoꞌokpuk neꞌi ipakup takat e. Pyno miꞌiria ti iꞌatuminug saꞌag koꞌi timowato neꞌi aru yt naku i nug ehepiat hamo e.

Iuwãu 1:47

Maꞌato putꞌok e irane turan Iesui ti taꞌakasa raꞌyn Natanaeu kape hawyi toꞌe -Meiẽ meipe ti raꞌyn tuut aiꞌywania Isareu ywania sese hãpyk kahato rakat e.

1 Kuriniu 3:3

Katupono eweikupteꞌen mesuwarotiat wanetup haria ewy yn. Eiwuꞌuka wuꞌuka eiwoꞌope sehay hit no. Miꞌi hawyi ehaꞌywyi eweikupteꞌen eiwoꞌope aikotã mesuwarotiaria yt Iesui mohey i haria eko ewy eweikupteꞌen.

1 Kuriniu 5:1

Koitywy ti wuatꞌi miitꞌin eikuap yt eiweꞌeg i hap ete meiũpiaria. Taꞌi taꞌatuhenoi henoi kahato ti aikotã aheineꞌen haryporia wywuat ihainiaꞌin wywuat hap koꞌi. Yt Iesui mohey haria ewy hin i eweikupteꞌen hap taꞌatukuap taꞌyn. Maꞌato eipe poꞌog saꞌag yt nakaria i mekewat yt Iesui mohey i haria kai. Katupono uruikuap eipyꞌasetpiat wẽtup ok toꞌywot eharyꞌi pakup toty pakup wywo toket hap.

1 Kuriniu 5:6

Pyno yt eiwekyryꞌi teiꞌo mekewat miit minug saꞌag ete. Yt naku i kahato watuwehum miꞌi tã nug hat ete katupono mekewat miit topyhuꞌat mani puk ewywuat eipyꞌaset pe maꞌato eipe eweipyhuꞌat ipyre ewy. Miꞌi pote aikotã watopag ipyre mani puk pe hawyi toimorem yne mani puk hap ewy miꞌi hap ewy waku eweihep o mekewat miit saꞌag eipyꞌasetpyi hawyi ti aru eweipyhuꞌat miit wakuaria ewywuat. Yt naku i hap yt mig hin i haria eipe. Pyno saꞌawyꞌi wuaria Iuteuria tuwenoꞌẽ taꞌatuewanikaptia yi Esituꞌin po kaipywiat turan iꞌatumiꞌu man iteneg nakat yn iꞌatumiꞌu yt kat i nem nakat ewy.

2 Kuriniu 1:12

Yt karãpe i uruiꞌatumaꞌat eipe tawa Kurintiu piaria. Poꞌog hãpyk torannia kai hap ewy urutukupteꞌen eipyꞌasetpe. Tupana motypot hap yn urutunug itote. Yt uruweꞌeg hap kaipyi i urupotpap ehehamo maꞌato Tupana urumoweꞌeg hap kaipyi uruimotypot Tupana miitꞌin pyꞌasetpe. Yt uruhepap hap kaipyi i maꞌato Tupana tum uruepe tegyiꞌat hap tomisepap nug kuap hamo hawyi hesaika hap wywo uruimoherep wakuat itote saꞌawyꞌi. Miꞌi pote uruminug ete Tupana urupowyro hap kaipyi uruimotypot Tupana itote saꞌawyꞌi. Miꞌi hawyi miitꞌin teꞌeruwehum kahato Tupana kape. Yt uruewawi i maꞌato Tupana kape yn teꞌeruwehum uruminug wakuat upi. Miꞌi hawyi Tupana kape teꞌeruwehum hawyi urumowepiit kahato kat pote uruminug kaipyi Tupana motypot hamo urutukupteꞌen mote.

2 Kuriniu 2:17

Tukupteꞌen Tupana ehay moherep haria maꞌato yt pywo pe i rakaria. Yt Tupana kyꞌe hap wywuat sese haria i aimuꞌe maꞌato ahekat kyewi neꞌi -Mio tã e Tupana iꞌatuꞌe maꞌato yt miꞌi tã e hin i pykai taꞌatuꞌywyk neꞌi. Maꞌato ahehay mio tã watoꞌe -Tupana tipoꞌoro raꞌyn Tosaꞌyru ahehakyeraꞌat hamo watoꞌe. Miꞌi pote waku watunug Iesui Aiporekuat no watoꞌe aipyꞌa pyi watoꞌe. Urukaꞌiwat mowepiit hamo yn uruiꞌatumuꞌe miitꞌin koꞌi.

2 Kuriniu 8:8

Pyno -Ewetum no yt areꞌe i haty wo ehepe. Yt ewetum i pote yt naku i yt areꞌe kuap i ehepe. Eipyꞌa pyi ewetum ihakyꞌeꞌi rakaria tawa Ierusarẽi miaria piat hap iꞌewyte iꞌatukyꞌe kahato wywo hap uruikyꞌesat. Miꞌi hawyi Tupana tikuap ehegyiꞌat hap tokyꞌe kahato hap. Waku watimoherep imohey haria yi Masetunia ewy ehegyiꞌat hap.

Ewesu 6:24

Tupana ereineꞌen hegyiꞌat kahato rakatno emohey haria pe katupono Esaꞌyru urukaꞌiwat Koro Iesui kyꞌe kahato haria miꞌiria are. Etiꞌatukyꞌe teꞌen neꞌi miꞌiria katupono Emipoꞌoro uruporekuat kyꞌe wuatꞌi eꞌat piat haria miꞌiria areꞌe aat kaꞌap Tupana pe mesuwe woꞌopyhik hawe. Worohoꞌokyꞌe eipe are.

1 Peteru 4:2

Maꞌato yt naku i watoineꞌen mesuwarote aikuꞌuro hap kape yt naku i nug hanuaria wo aikotã saꞌawyꞌi yt watomohey i te Iesui turan wuat ewy are. Yt naku i aipiit mikyꞌesat saꞌag watunug. Maꞌato watunug mote yt kat hamo i watoineꞌen. Waku watoineꞌen mesuwarote Tupana mikyꞌesat nug hamo Tupana mowepiit hamo are.