1 Kuriniu 5:7 - Sateré-Mawé

⁷ Miꞌi ti yt kat i imoperup hap iꞌapuk hap nem nakat. Miꞌi yt ipyyp takat i mekewat iꞌatueman. Miꞌi hap ewy koitywy aiwat aheman yt kat i ipyyp hit hap imonem kuap hat.

1 Kuriniu 5:7 ပူးပေါင်းရင်းမြစ်များ

Mateu 13:33

Miꞌi hawyi Iesui henoi poꞌog sehay iãꞌãkap wo miitꞌin kape aikotã Tupana topyhuꞌat morekuatno hap etiat. Miꞌi ti aikotã man apopyt haryporia tat hawyi tohãꞌãg myẽꞌym iãꞌãg hap eꞌy tiriku ãkuꞌi hawyi toipykoi kahato hawyi toiꞌapokik kahato hap ewy.

Maku 14:12

Miꞌi hawyi mekewat man teneg u hap eꞌat putꞌok e hawyi mekewat iꞌatuhũ Kuteiru mepyt auka hap eꞌat putꞌok e raꞌyn hawyi hemiitꞌin apo iꞌatuꞌe Iesui pe -Aikopeĩ etikyꞌesat koitywy urutunug aheman teneg u hap eꞌat mesuwat ewãtym Mehin iꞌatuꞌe Iesui pe.

Iuwãu 1:29

Eꞌihatꞌok pe Iuwãu taꞌakasa Iesui uut tewowiat hap kape. Miꞌi hawyi toꞌe temiitꞌin me -Eiwehaꞌat ro e. Meipe tuut raꞌyn Tupana mipoꞌoro ihũ ewywuat putꞌok e yne miitꞌin minug saꞌag hap moweityk hamuat e.

Iuwãu 1:36

Miꞌi turan taꞌakasa i raꞌyn Iesui ikosap turan hawyi toꞌe topotmuꞌeria typy ok pe -Eiwehaꞌat ro e meke ti raꞌyn tokosap Tupana Hũ e.

Iuwãu 19:14

Atposake raꞌyn turan ienuk koro hap eꞌat owakai te morekuat Piratu toꞌe haty wo -Meiũ raꞌyn Eiporekuat koro wuat e Piratu Iesui ywania akag koꞌi pe.

Humanu 3:25

Eikyꞌe haype yt kat i eiminug wakuap pykai worohoꞌokyꞌe hawyi eheineꞌen hap wuatꞌi eꞌat piat hap atum neꞌen neꞌi ehepe Uhaꞌyru Iesui suu mikyiꞌat upi e. Eipotypot Iesui tikyiꞌat raꞌyn eheineꞌen hap yt ikahuro rakat i pote waku eweitat uimiium e Tupana wuatꞌi miitꞌin me. Yt kat saꞌup i rakat atum miitꞌin me Uhaꞌyru Paꞌãu e Tupana mesup.

1 Kuriniu 10:17

Iꞌatu kahato aito Iesui mohey haria maꞌato miꞌi pykai wẽtup piit ewy watoineꞌen e. Miꞌi hap ewy wẽtup a yn watipik pik man hawyi watenuk. Miꞌi hawyi wẽtup a yn man watuꞌu Iesui puꞌi pikꞌe hap moherep hap.

1 Kuriniu 5:13

Miꞌi hat waku watinapin kahato aikotã saꞌawyꞌi Tupana toꞌe miwan me -Eweihep to eipyꞌasetpiat yt naku i nug hat uimohey toꞌe pykai e Tupana temiitꞌin me. Maꞌato iraniaꞌin mesuwarotiat yt Iesui mohey i haria yt kat hamo i miꞌiria watiꞌatuꞌapiheg katupono Tupana yn miꞌiria apiheg kuap hat. Maꞌato ti waku Iesui mohey haria yt naku i nug haria watiꞌatunapin hãpyk yn watiꞌatuꞌapiheg miꞌiria hap ewy waku e Tupana ahepe.

Ewesu 4:22

Pyno waku watoiat aiwẽ piat saꞌag nug hap ete aheko yt naku i nug hap saꞌag saꞌawyꞌi wuat. Waku yne watipugha aiminug saꞌag koꞌi saꞌawyꞌi wuat aiminug koꞌi are kat pote saꞌawyꞌi aiwanetup saꞌag hap yn watunug neran. Yne aimikyꞌesat saꞌag koi aimaꞌat hap ewywuat topyhuꞌat. Maꞌato yt watoiat i aiminug saꞌag saꞌawyꞌi wuat miꞌi pote aheko ewy topyhuꞌat ahete. Miꞌi hawyi aiwemaꞌat hap yn topyhuꞌat iheg me aiwanetup hap hawyi heso heso rakaria wo watopyhuꞌat wemaꞌat haria ewywuat wo watoineꞌen.

Iesui Aru E Hap 5:12

Miꞌi hawyi yne atipy piaria teꞌeruwepy Tupana hũ Kuteiru kape haty wo -Waku kahato En Waku kahato En Miitꞌin Miꞌauka iꞌatuꞌe teꞌeruwepy puo atipy piaria -Ewaku hap putꞌok e miitꞌin airo hamo sio waku yt e hamo iꞌatuꞌe teꞌeruwepy puo. Ewaku hap putꞌok e Wuatꞌi Miitꞌin Porekuat Nuat pote iꞌatuꞌe. Waku wuatꞌi ekat topyhuꞌat epo pe. Taꞌi ewaku hap putꞌok e kahato katupono wuatꞌi weꞌeg hap kuap hat En iꞌewyte wuatꞌi hesaika hap ekai toineꞌen iꞌatuꞌe. Pyno hãpyk kahato En mote waku Wuatꞌi Mimowato wo ereineꞌen iꞌatuꞌe. Waku yne ehay emotypot hap topyhuꞌat teꞌeruwepy haty wo atipy piaria sem mekewat Tupana Mipoꞌoro Aihũ Kuteiru Miitꞌin Miꞌauka Iesui kape. Uito Iuwãu araꞌakasa yne uimuꞌetu.