1 Kuriniu 5:6 - Sateré-Mawé

⁶ Pyno yt eiwekyryꞌi teiꞌo mekewat miit minug saꞌag ete. Yt naku i kahato watuwehum miꞌi tã nug hat ete katupono mekewat miit topyhuꞌat mani puk ewywuat eipyꞌaset pe maꞌato eipe eweipyhuꞌat ipyre ewy. Miꞌi pote aikotã watopag ipyre mani puk pe hawyi toimorem yne mani puk hap ewy miꞌi hap ewy waku eweihep o mekewat miit saꞌag eipyꞌasetpyi hawyi ti aru eweipyhuꞌat miit wakuaria ewywuat. Yt naku i hap yt mig hin i haria eipe. Pyno saꞌawyꞌi wuaria Iuteuria tuwenoꞌẽ taꞌatuewanikaptia yi Esituꞌin po kaipywiat turan iꞌatumiꞌu man iteneg nakat yn iꞌatumiꞌu yt kat i nem nakat ewy.

1 Kuriniu 5:6 ပူးပေါင်းရင်းမြစ်များ

Mateu 13:33

Miꞌi hawyi Iesui henoi poꞌog sehay iãꞌãkap wo miitꞌin kape aikotã Tupana topyhuꞌat morekuatno hap etiat. Miꞌi ti aikotã man apopyt haryporia tat hawyi tohãꞌãg myẽꞌym iãꞌãg hap eꞌy tiriku ãkuꞌi hawyi toipykoi kahato hawyi toiꞌapokik kahato hap ewy.

Iruka 13:21

-Pyno uhytꞌiꞌin aikotã haryporia topag mani puk ipyre puo hawyi toꞌapokik taꞌyn. Miꞌi hawyi meiũran tuwemowato kahato raꞌyn. Miꞌi hap ewy Tupana miitꞌin porekuat topyhuꞌat irane e.

Humanu 6:16

Waku koitywy watikuap taꞌyn uwe po pe watoineꞌen. Aimikyꞌesat saꞌag aikaꞌiwat no watunug mote yt naku i nug hap aikaꞌiwat no topyhuꞌat. Maꞌato yt aipohep kuap i aiminug saꞌag ete pote saꞌag aikaꞌiwat no topyhuꞌat. Aiminug saꞌag yt watoiat kuap i hawyi meiũran aiꞌauka hatno topyhuꞌat. Maꞌato Tupana esaika hap mywo ainapin topiat hap watunug pote meiũran aru -Waku kahato eipe e Tupana ahepe wuatꞌi ehamo.

1 Kuriniu 15:33

-Aipap wuatꞌi eꞌat aikuꞌuro hawyi iꞌatuꞌe iraniaꞌin eimuꞌe haria. Yt naku i iꞌatuꞌe ehepe eimuꞌe haria eimaꞌat sehay wo katupono taꞌatukyꞌesat yt naku i nug haria eiperia eiãꞌãg teran haype miꞌiria. Taꞌatukyꞌesat eipe iꞌatuꞌewywuaria hap. Eiweꞌeg wo o miꞌiria pupi. Iꞌatuehay upi eweipyhuꞌat hawyi iꞌatumimaꞌat koꞌi eweikupteꞌen aru.

1 Kuriniu 3:21

-Aito hekat rakaria ewy katupono Aiꞌywot Tupana sakpoꞌe hekat rakat pote. Yt kat i ahekat mesuwe pykai hekat rakaria watoineꞌen wuatꞌi eꞌat pe.

1 Kuriniu 5:2

Miꞌi hap ete ti yt tuwemoti hin i te maꞌato poꞌog ni uruto uruewaku toꞌe neꞌi saꞌag. Miꞌi hawyi eipe yt paa eweiꞌe hin i maꞌato -Waku miꞌi tã watunug eweiꞌe saꞌag. Uiwyriaꞌin waku waire waire nug haria eweiꞌatuꞌywyk eiweꞌatunug hap kaipyi.

Karasia 5:9

Pyno aimiꞌu toꞌoran me toineꞌen nem nakat ipyyp kurin kat. Miꞌi hawyi aimiꞌu wakuat nem naꞌyn topyhuꞌat toimonem tuwewawi. Miꞌi hap ewy kahato toineꞌen aipyꞌasetpe wẽtup aimimohey yt pywuat i rakat. Meiũran aimimohey wakuat monem hat wywo watopyhuꞌat are.

2 Timoteu 2:17

Uhyt Imeneu uhyt Wiretu miꞌiria tuꞌuka kahato sehay wo aiwoꞌomuꞌe turan. Yt ikahu hin i iwuꞌuka hap. Haty kahato aiwoꞌokyꞌe hap ete. Topyhuꞌat aikotã ahepihi haty kahato hap ewy. Sehay wuat iwuꞌuka hap miitꞌin woꞌoꞌatoiat hap ewy. Yt kan hamo i watuꞌuka sehay wo.

Tiaku 4:16

Yt naku i kahato watuwemowato kahato ahehay wo -Atunug kuap yne aiꞌe hap ete uiwyriaꞌin. Yt naku i watoꞌe -Uito poꞌog yne miitꞌin kai aiꞌe hap ete. Yt naku i aito watopyhuꞌat aiwehay pyi. Yt naku i -Uito poꞌog ekai e hatno watopyhuꞌat.