1 Kuriniu 5:3 - Sateré-Mawé

³ Uipiit yt toineꞌen itote eipyꞌasetpe wen maꞌato areineꞌen eipyꞌasetpe uiwanetup hawe hap ewy miꞌi pote worohoꞌonapin aikotã areineꞌen eipyꞌasetpiat turanuat hap ewy. Taꞌi yt naku i kahato etunug ety hit eharyꞌi saꞌag wo mimi uhyt waku watoꞌe itote.

1 Kuriniu 5:3 ပူးပေါင်းရင်းမြစ်များ

1 Kuriniu 5:12

Iꞌewyte Iesui mohey hat maꞌato miitꞌin mohit tehay wuat hat toineꞌen ne iꞌewyte seroꞌok e hat iꞌewyte Iesui mohey hat maꞌato mahy kape toineꞌen imopẽꞌã rakat.

2 Kuriniu 10:1

Uito ti eimuꞌe hat sese saꞌawyꞌi wuat. Haꞌawyte Tupana uipoꞌoro ehewowi. Miꞌi turan worohoꞌonapin perupꞌi puo aikotã Aikaꞌiwat Iesui ainapin hap ewy aikyꞌe hap wywo. Saꞌawyꞌi ihakyꞌeꞌi hakyꞌeꞌi rakatno uito areineꞌen eipyꞌasetpe turan poꞌog yi kape. Maꞌato koitywy areineꞌen pya eikai. Miꞌi pote worohoꞌonapin uimiwan me haty wo uiwemotypot wywo.

2 Kuriniu 10:11

Eiweꞌeg wo o uwe uwe eipyꞌasetpiat toꞌe mio tã e urumohit haria. Urutoꞌe kuap ehowa pe aikotã urumiwan me hap ewy. Eiwatetup miꞌi hap kape katupono uruiꞌapiheg kuap.

2 Kuriniu 13:2

Saꞌawyꞌi akasa haria henoi uhepe iminug saꞌag koꞌi areineꞌen eipyꞌasetpe turan. Miꞌi hawyi araꞌaipok hawyi taꞌatuhenoi i raꞌyn uhepe. Miꞌi hawyi taꞌatuhenoi uhepe typua raꞌyn. Meiũran aru araꞌaipok i raꞌyn ehewowi miꞌi hawyi taꞌatuhenoi uhepe myẽꞌym mo raꞌyn iminug saꞌag taꞌatuhenoi toꞌoꞌewyꞌewy miꞌi hawyi atimohey raꞌyn. Miꞌi hawyi worohoꞌoꞌapiheg naꞌyn. Saꞌawyꞌi eiweꞌeg wo o are. Miꞌi hawyi araꞌaipok hawyi areꞌe i -Eweiꞌatoiat ro eiminug saꞌag koꞌi koitywy. Worohoꞌoꞌapiheg aru yt eweitoiat i pote are ehepe. Koitywy myẽꞌym mo raꞌyn worohoꞌoꞌewaĩ. Yt areineꞌen i eipyꞌasetpe wen maꞌato eiweꞌeg wo o worohoꞌoꞌapiheg aru. Yt uipohep hin i eiꞌapiheg hap ete haty eweiꞌe pykai.

Korosi 2:5

Uimowepiit kahato haria eipe. Waku kahato eweikupteꞌen Aipotypot Iesui mohey haria sese raꞌyn ewy. Waku wẽtup surara yꞌam miat hat ewy eweikupteꞌen -Yt atoiat i imohey hap eweiꞌe eiwoꞌope. Eiwanetup hap yt eweiꞌywyk hin i. -Uruto Iesui mohey haria waku eweiꞌe. Miꞌi hap araꞌakasa yne mesuwe uiwanetup hawe. Yt areineꞌen i eipyꞌasetpe wen maꞌato uimuꞌetu wuat ewy atikuap. Uimowepiit kahato haria eipe uiwanetup hawe uipyꞌa pe are.

1 Tesaronika 2:17

Uiwyriaꞌin ehepiat hoꞌopot turan yt uwe hin i uruto eiwywo eipowyro hamo. Urupiit yt uwe i maꞌato uruwanetup hap toineꞌen ehewowi yn are. Taꞌi uruehatꞌat kahato ekyewi kat pote saꞌawyꞌi uruꞌaipok wo urutuwat ehewowi. Miꞌi hawyi poꞌog urupap ehewowi -Toꞌiro wataꞌaipok i ro ahekatuwyria Tesaronika piaria ewowi urutoꞌe urupap haype.