1 Kuriniu 5:13 - Sateré-Mawé

¹³ Miꞌi hat waku watinapin kahato aikotã saꞌawyꞌi Tupana toꞌe miwan me -Eweihep to eipyꞌasetpiat yt naku i nug hat uimohey toꞌe pykai e Tupana temiitꞌin me. Maꞌato iraniaꞌin mesuwarotiat yt Iesui mohey i haria yt kat hamo i miꞌiria watiꞌatuꞌapiheg katupono Tupana yn miꞌiria apiheg kuap hat. Maꞌato ti waku Iesui mohey haria yt naku i nug haria watiꞌatunapin hãpyk yn watiꞌatuꞌapiheg miꞌiria hap ewy waku e Tupana ahepe.

1 Kuriniu 5:13 ပူးပေါင်းရင်းမြစ်များ

Mateu 18:17

Maꞌato mekewat miit iꞌaparap hat yt tuwanetup teran i ehehay kape miꞌi pote waku ehenoi torannia Iesui mohey haria pe. Maꞌato miꞌi pykai yt tuwanetup teran i Iesui mohey haria ehay kape miꞌi hat wyti toineꞌen aikotã wẽtup ok yt hetupana rakat i ewy. Iꞌewyte aikotã wẽtup ok saꞌup sat iraniaꞌin ywania kaipywiat hat ewy.

Iesui Potmuꞌeria 17:31

Mio ti Tupana wat miitꞌin airo hat toineꞌen naꞌyn hãpyk kahato. Miꞌi ti aru meiũran miitꞌin airo Tupana watno sio yt e hat. Hãpyk kahato ti aru tohenoi Tupana pe e. Miꞌi tã hamuat wyti watikuap taꞌyn katupono guꞌuro pywiat Tupana mihep taꞌyn miꞌi e Pauru Atena piaria pe.

Humanu 2:16

Uito ti Pauru Tupana ehay wakuat sese Iesui etiat moherep hat. Mio tã areꞌe wuatꞌi ywania pe -Uhytꞌiꞌin manaꞌin Tupana tipoꞌoro raꞌyn ahowawi Ahehakyeraꞌat hat are. Toipoꞌoro raꞌyn Tosaꞌyru Iesui Aiporekuat nuat. Eweimohey ro Iesui eipyꞌa pe eiwanetup hawe. Ewetunug no Iesui Eiporekuat no. Tupana tikuap kahato eiwanetup hap eipyꞌa piat. Putꞌok e aru uwe waku uwe yt e hap eꞌat. Miꞌi e hap eꞌat pe Iesui tiꞌatumoherep Toꞌywot Tupana pe uwe temiitꞌin sese uwe yt hap are. Toikuap kahato wuatꞌi miitꞌin wanetup hawiat koꞌi migꞌi wuat. Toikuap sese sio wẽtup ok tomohey hat sese toineꞌen sio yt hap toikuap sakpo are. Miꞌi pote Iesui ehay pyi aru Tupana ahehakyeraꞌat wuatꞌi eꞌat pe sio aiꞌapiheg wuatꞌi eꞌat pe. Uito Pauru miꞌi tã areꞌe wuatꞌi ywania pe.

1 Kuriniu 5:1

Koitywy ti wuatꞌi miitꞌin eikuap yt eiweꞌeg i hap ete meiũpiaria. Taꞌi taꞌatuhenoi henoi kahato ti aikotã aheineꞌen haryporia wywuat ihainiaꞌin wywuat hap koꞌi. Yt Iesui mohey haria ewy hin i eweikupteꞌen hap taꞌatukuap taꞌyn. Maꞌato eipe poꞌog saꞌag yt nakaria i mekewat yt Iesui mohey i haria kai. Katupono uruikuap eipyꞌasetpiat wẽtup ok toꞌywot eharyꞌi pakup toty pakup wywo toket hap.

1 Kuriniu 5:2

Miꞌi hap ete ti yt tuwemoti hin i te maꞌato poꞌog ni uruto uruewaku toꞌe neꞌi saꞌag. Miꞌi hawyi eipe yt paa eweiꞌe hin i maꞌato -Waku miꞌi tã watunug eweiꞌe saꞌag. Uiwyriaꞌin waku waire waire nug haria eweiꞌatuꞌywyk eiweꞌatunug hap kaipyi.

1 Kuriniu 5:5

Maꞌato -Yt atoiat i uiwaire hap toꞌe pote waku watoꞌe Iesui pe -Pyno waku miꞌi miit piit ahiag miꞌauka wo topyhuꞌat maꞌato waku miꞌi miit paꞌãu topyhuꞌat epo pe Iesui wuatꞌi eꞌat pe aikope Tupana toineꞌen morekuat no hap tote waku watoꞌe.

1 Kuriniu 5:7

Miꞌi ti yt kat i imoperup hap iꞌapuk hap nem nakat. Miꞌi yt ipyyp takat i mekewat iꞌatueman. Miꞌi hap ewy koitywy aiwat aheman yt kat i ipyyp hit hap imonem kuap hat.

Epereu 13:4

Uiwyriaꞌin Iesui mohey haria -Waku heꞌaito kahato rakatno ereineꞌen e. Waku iharyꞌi kahato rakatno ereineꞌen e. Waku eharyꞌi wywo yn ewaire e. Waku eꞌaito wywo yn ewaire e. Miꞌi etunug pote arehum ewowi e Tupana maꞌato iraniaꞌin wywuat eiwoꞌopytyk pote -Yt naku i en areꞌe e. Woroꞌapiheg aru e Tupana yt iweꞌeg i haria pe. Iꞌewyte wewiat weweneru wuatꞌi piat haria atiꞌatuꞌapiheg yne yne e ahepe. Iꞌewyte wewiat weweneru haria kyiꞌat haria atiꞌatuꞌapiheg e. Hewaire rakaria uimiꞌapiheg wuaria e Tupana. Eꞌaito wywo eharyꞌi wywo kahato hap uimowepiit hap e Tupana.

2 Peteru 2:9

Taꞌi Tupana ahehakyeraꞌat kuap kahato ahãꞌãg hap kaipyi inug hap kaipyi imohey haria aito pote. Yne mekewat yt tomikyꞌesat ewywuat i hap koꞌi kaipyi aihep kuap. Iꞌewyte toikuap yt nakuaria i apiheg hap. Pyno ti yt nakuaria i apiheg hamuat Tupana po pe toineꞌen. Taꞌi yt pya hin i mekewat eꞌat Tupana piat -Yt naku i kahato eipe e hamuat hap eꞌat are.