1 Kuriniu 3:22 - Sateré-Mawé

²² Yt naku i watuwemotypot -Uito poꞌog nakat e hap aiwanetup hawe. Yt naku i watuwehum miitꞌin minug teꞌeruwekaipywiat ete katupono torannia aiwat aiminug wuat koꞌi Tupana piat aipowyro hap. Uito Pauru maꞌato areineꞌen eimuꞌe eiwatnuat hamo raꞌyn. Iꞌewyte aimuꞌe hat Peteru aiwatnuat rẽ wy aimuꞌe hat Apauru aiwatnuat aimuꞌe hap tutum. Katupono yne yne Tupana minug aipowyro hamuat toineꞌen. Tutum aipowyro aikuꞌuro turanuat aipowyro hamo. Koran mukiꞌite wuatꞌi eꞌat pe aipowyro. Taꞌi iꞌewyte mesup iꞌewyte mukiꞌite eꞌihatꞌok pe turan toineꞌen kahato aipowyro hatno. Miꞌi pote hekat rakaria sese ewywuat watoineꞌen aito. Aito iꞌewyte aikuꞌuro wen iꞌewyte mesup iꞌewyte mukiꞌite iꞌewyte eꞌihatꞌok hap ewy.

1 Kuriniu 3:22 ပူးပေါင်းရင်းမြစ်များ

Iuwãu 1:42

Miꞌi hawyi Ãtere tioto toykeꞌet Iesui kape hawyi Iesui toꞌe iykeꞌet pe -En ni Simau Iuwãu saꞌyru e maꞌato eset pakup atum epe mehin e. Koitywy ti aru Nu e raꞌyn eset e Iesui. Maꞌato topusu puo Iuteuria ywania pusu puo Sewa eset e maꞌato Kereku pusu puo Peteru eset e.

1 Kuriniu 1:12

-Pyno itotiaria wẽtup wẽtup wanetup hap wywuaria iꞌatuꞌe. Yt toꞌoꞌewy hin i iꞌatuwanetup hap koꞌi. Miꞌi pote wuꞌuka hap yn itote iꞌatuꞌe uhepe ehetiat. Pyno atikuap taꞌyn eipyꞌasetpe tukupteꞌen -Uito ti aimuꞌe hat Pauru upi e haria maꞌato iraniaꞌin -Uito aimuꞌe hat Apauru upiaria e haria. Miꞌi hawyi iraniaꞌin -Uito aimuꞌe hat Peteru upi e haria tukupteꞌen. Maꞌato iraniaꞌin -Uito aimuꞌe hat Iesui upiaria e haria iꞌatuꞌe taꞌatuhenoi uhepe õꞌẽ haria. Miꞌi tã hap kaipyi ti eiwuꞌuka hap topyhuꞌat.

2 Kuriniu 4:5

Yt watuwemotypot i ahehay wo miitꞌin miat wahenoi turan. -Eheropat haria uruto watoꞌe katupono Iesui emiit uruto pote watoꞌe. Miꞌi hawyi Iesui yn Aiꞌakag watoꞌe. Miꞌi yn Tupana tipoꞌoro Aiporekuat no. Miꞌi yn aimimotypot sese watoꞌe. -Eheropat haria yn waku watoꞌe wahenoi Iesui etiat turan.

Wiripu 1:21

Pyno ahenoi ehepe kat hamo areineꞌen mesuwat yi tote. Aipotypot Iesui motypot hamo yn areineꞌen uito. Miꞌi eropat hamo yn areineꞌen. Uikuꞌuro hawyi poꞌog atikuap Iesui mesuwarotiat kai. Miꞌi tupono waku poꞌog areineꞌen uikuꞌuro hawyi.