1 Kuriniu 3:2 - Sateré-Mawé

² Saꞌawyꞌi eipe hirokat hit ewy eweikupteꞌen mi hy yn u haria ewy aikotã hirokat yt tuꞌu kuap i te ipuꞌi kãꞌã hap ewy eweikupteꞌen Tupana ehay yt ewetunug yne kuap i te pote. Miꞌi hawyi worohoꞌomuꞌe potꞌi teran Tupana mikuap eikyꞌe hap oktan. Maꞌato ahenoi hawyi yt eweikuap kuap i. Maꞌato iꞌewyte koitywy yt eweikuap i uiꞌe hap koꞌi eimuꞌe hap.

1 Kuriniu 3:2 ပူးပေါင်းရင်းမြစ်များ

Iuwãu 16:12

Poꞌog wyti ahenoi teran ehepe mesuwat etiat wen maꞌato ti eiwanetup hap yt putꞌok e i ikuap hamo e.

1 Peteru 2:2

Kat pote Tupana sakiꞌytꞌin Tupana saꞌyruꞌin sok aito miꞌi pote waku watikyꞌesat kahato Tupana ehay aikotã aimepyt hit tikyꞌesat kahato mihy hap ewy. Pyno watuꞌu kahato Tupana ehay hawyi ahehãite aikap aipiit hesaika aimotag hap topyhuꞌat aikotã aimepyt pakup mihy ete itag hap ewy.