1 Kuriniu 2:10 - Sateré-Mawé

¹⁰ Miꞌi pote koitywy watikuap taꞌyn mekewat ikahu rakat Tupana miium. Maꞌato aito yn watikuap. Taꞌi Ipaꞌãu ti ahepe imoherep taꞌyn. Katupono Tupana Paꞌãu me heremo yne minug koꞌi heremo yne raꞌyn. Iꞌewyte migꞌi wuat yt uwe mikuap i koꞌi toikuap. Iꞌewyte toikuap yne kat hamuat kat hamuat Tupana Paꞌãu minug koꞌi. Miꞌi pote aimuꞌe torannia ete tepiat ikuap hap oktan.

1 Kuriniu 2:10 ပူးပေါင်းရင်းမြစ်များ

Mateu 13:11

Miꞌi hawyi Iesui tiꞌatuwesat -Pyno waku eiperia aikotã Tupana toineꞌen morekuatnuat hap etiat migꞌi wuat koꞌi waku eweikuap wen maꞌato iraniaꞌin me yt heremo i e.

Mateu 16:17

Miꞌi hawyi Iesui tiwesat -Pywo kahato e hawyi toꞌe -Simau Iuwãu saꞌyru e en wyti iwepiit sese rakat kat pote pywo en yt mesuwat rotiaria i yt mimuꞌe hin i maꞌato ti tuut emuꞌe hap uiꞌywot atipy piat kaipyi.

Iruka 10:21

Miꞌi hawyi Tupana Paꞌãu timowepiit raꞌyn Iesui hawyi toꞌe toꞌywot pe -Papai waku kahato ti En e. Atipy piat Morekuat nuat iꞌewyte mesuwarotiat Morekuat nuat. Waku kahato en Papai katupono yt etimoherep i emikuap koꞌi -Uruto poꞌog uruweꞌeg iraniaꞌin kai e haria pe. Miꞌiria pe migꞌi wo toineꞌen emienoi koꞌi. Maꞌato hirokaria ewywuaria pe etimoherep taꞌyn emienoi koꞌi emikyꞌesat ewy e Iesui toꞌywot pe.

Iruka 2:26

Pyno saꞌawyꞌi Tupana Paꞌãu henoi ti raꞌyn tope -Ekuꞌuro hap owakai te ti aru eraꞌakasa raꞌyn Uimipoꞌoro e. Miꞌi hap ewy taꞌakasa raꞌyn tokaꞌiwat Tupana mipoꞌoro.

Iuwãu 14:26

Maꞌato meiũran ti aru uhaipe kai Maꞌãu Wakuat Tupana tipoꞌoro uhetiat einapin hanuat Miꞌi ti aru putꞌok e ehete hawyi yne eimiwaure uimienoi ehepiat koꞌi ete eimowatetup eiwanetup hãpyk hamo hat topyhuꞌat ehepuo e.

Iuwãu 16:13

Meiũran ti aru tuut Tupana Paꞌãu ehewowi pywuat sese sehay yne moherep hamo. Miꞌi ti aru henoi yne yne pywuat sese etiat ehepe e. Tuwehay pyi yt ihay i. Uiꞌe hap yn ihay aru e. Tupana Paꞌãu timoherep aru ehepe kat aru kat aru toineꞌen hap toiꞌatumoherep ehepe Topaꞌãu pywuat sese wo e.

1 Kuriniu 14:30

Karãpe Tupana ihay aiwẽ pyi tomimuꞌeria pe miꞌi hawyi waku wẽtup ok ipoĩꞌam Tupana Paꞌãu e hap moherep hamo. Waku mehin watoꞌe. Miꞌi hawyi watimonik porapꞌi wẽtup ok ihay turan.

1 Kuriniu 2:11

Aipotypot ti miit aipiit ewywuat sese e. Miꞌi hawyi Miꞌi Miit wanetup hap watikuap toineꞌen aipiit pe Iesui Paꞌãu pote. Miꞌi pote watuwekuap Iesui paꞌãu sese toineꞌen aipiit pe. Miꞌi hap ewy Tupana wywo Tupana toineꞌen Ipaꞌãu. Miꞌi ti ikuap yne tuwetiat.

Karasia 1:12

Taꞌi yt miitꞌin miium uhepiat i ti yt miitꞌin mienoi uhepiat i iꞌewyte yt miitꞌin mimoherep uhepiat i maꞌato mekewat Aipotypot Iesui mimoherep uhepiat ahenoi are. Yt atikuap hin turan i Iesui tomoherep tehay wakuap sese uhepe towẽ pyi sese uimuꞌe are.

Ewesu 3:3

Katupono mesuwe koitywy Tupana timoherep kahato uhepe saꞌawyꞌi wuat yt uwe mikuap i sehay toimoherep uhepe aikotã wẽtup ywania ipakup imohey haria tutunug hap. Taꞌi ipakup takaria tutunug mesup wuatꞌi ywania kawiat. Aikotã toꞌywania pakup tutunug mesup hap toimoherep mesuwe uipyhyp hawe uhepe. Waku kahato Tupana yt uwe i ipyhyp kuap are.

Ewesu 3:5

Saꞌawyꞌi wuaria yt uwe i ikuap mesuwat sehay migꞌi wuat Tupana -Atunug aru e hap. Tupana yn ikuap. Iꞌewyte ihay moherep haria saꞌawyꞌi wuaria yt ikuap i maꞌato mesup Tupana Paꞌãu timoherep taꞌyn uruepe tehay moherep haria pe uruto Iesui potpoꞌororia 12 ok takaria pe toimoherep tehay migꞌi wuat Topaꞌãu wo.

1 Timoteu 4:1

Pyno koitywy Tupana Paꞌãu toꞌe kahato ahepe -Meiũran ikahuro hamo ti aru wẽtup ok wẽtup ok waureꞌe imohey tepiat hap ete. Miꞌi hawyi ti aru maꞌãu saꞌag miat taꞌatumaꞌat hap upi i raꞌyn teꞌeropyhuꞌat. Iꞌewyte ahiag koꞌi ehay enoi hap upi i raꞌyn teꞌeropyhuꞌat e Tupana ahepe.

1 Peteru 1:12

Aikotã iꞌatumuꞌetu wuat ewy Tupana Paꞌãu timoherep iꞌatuepe aikotã aru Aipotypot tokuꞌuro hap eꞌyian mete toineꞌen hap koꞌi aikotã tuwẽtem guꞌuro pyi hap taꞌatukuap kahato Tupana Paꞌãu kaipyi. Miꞌi hawyi putꞌok e mekewat eꞌat pe hawyi uruepe topotmuꞌeria sese pe tuwemoherep taꞌyn Aipotypot. Miꞌi hawyi uruimoherep taꞌyn ehepe iꞌatuꞌe hap ewywuat saꞌawyꞌi wuat Tupana ehay moherep haria e hap ewywuat. Urutaꞌakasa yne iꞌatuꞌe hap ewywuat Aikaꞌiwat moherep hap. Urutaꞌakasa yne miꞌi hawyi mesup uruimoherep yne Iesui etiat ehepe uruꞌakasa hap koꞌi. Uruimoherep kahato uruehay wywo Iesui etiat Tupana Paꞌãu urupiit piat uruwanetup hap koꞌi. Uruimoherep mesuwat sehay wakuat Iesui etiat kat pote urutaꞌakasa raꞌyn Tupana Mipoꞌoro atipy kaipywiat. Koitywy uruikuap Tupana miehakyeraꞌat koꞌi wuat aito hap. Mekewat atipy piaria teꞌeruwanetup kahato kat pote saꞌawyꞌi yt uruimohey hin i maꞌato mesup uruimohey raꞌyn. Saꞌawyꞌi yt Tupana kape hin i uruwanetup hap. Koitywy Tupana kape yn naꞌyn uruwanetup hap. Miꞌi hap ete atipy piaria teꞌeruwanetup kahato. Taꞌatukuap teran haype maꞌato yt taꞌatukuap i kat pote mesup Tupana miehakyeraꞌat koꞌi wuat raꞌyn mesup uruto are.

1 Iuwãu 2:20

Maꞌato aito ti yt miꞌi tã haria hin i raꞌyn katupono ti Tupana Paꞌãu topyhuꞌat kahato raꞌyn ahete. Ahowapy kahato raꞌyn Iesui tum ahepe Topaꞌãu hawyi.

1 Iuwãu 2:27

Aipotypot Iesui Paꞌãu aimuꞌe hap sese topyhuꞌat katupono toineꞌen Ipaꞌãu aikai pote miꞌi yn aimuꞌe. Miꞌi hawyi yt uwe i aimuꞌe pykai toineꞌen. Miꞌi ti aimuꞌe aat kaꞌap. Yne eꞌat pywo rakat etiat aimuꞌe kahato Ipaꞌãu. Yt kat i saꞌag ete aimuꞌe. -Pyno uipap eupi watoꞌe. Uimuꞌe ro watoꞌe Ipaꞌãu me. Miꞌi tã watunug mote aiwoꞌowese hap yn topyhuꞌat Aikaꞌiwat Iesui wywo.

Iesui Aru E Hap 1:1

Uito Eiꞌakag Iesui e. Uiꞌywot Tupana tikyꞌesat kahato atimoherep ehepe yne aikotã yt pya hin i raꞌyn hap e. Miꞌi koꞌi toikyꞌesat uheropat haria ikuap e. Atipoꞌoro uhehay atipy piat uhehay moherep hat wẽ pyi e. Ahenoi yne uheropat hat uipotmuꞌe uimikyꞌe kahato Iuwãu me.

Iesui Aru E Hap 2:24

Maꞌato tukupteꞌen eipyꞌasatpe haryporia yt iweꞌeg i rakat ehay upiat yt tuwat i rakaria uimohey haria. Miꞌiria ihainia iweꞌeg kahato rakaria -Yt naku i kahato ahewaire e. Miꞌiria pe Worohoꞌokyꞌe kahato e Tupana katupono yt eweiwat i mekewat Iesapeu wẽ pywiat poꞌog ahiag ehay saꞌag wuatꞌi kawiat rakat upi areꞌe e Tupana tawa Tiatira piaria piat pe. Saꞌawyꞌi Iesapeu toꞌe -Toꞌiro worohoꞌomuꞌe yt eimikuap i te ete e. Miꞌi ahenoi teran ehepe maꞌato wẽtup sehay piat pe. Toꞌiro ahewaire waire migꞌi wo ahiag ehay pyi e. Maꞌato yt iꞌatuꞌe iraniaꞌin. Miꞌiria pe yt worohoꞌonapin teran i katupono -Yt eweiꞌe raꞌyn mana Iesapeu mienoi hap kape.