1 Kuriniu 16:13 - Sateré-Mawé

¹³ Iesui ekuekatu kape o mehit eweiꞌe poꞌog poꞌog wuatꞌi eꞌat pe. Yt naku i waure wo watoineꞌen aimimohey Iesui kai miitꞌin mimoweukaꞌi watopyhuꞌat hawyi. Maꞌato yt naku i aikohyeput Tupana wanikap pupiat. Waku suraraꞌin hesaika kahato rakaria ewywuat watoineꞌen Tupana potpap nug hap ete.

1 Kuriniu 16:13 ပူးပေါင်းရင်းမြစ်များ

Mateu 25:13

Pyno miꞌi hap ewy o eiweꞌeg wo eweikupteꞌen uhuut hap ekatup haype. Katupono yt eweikuap i Eheykeꞌet uut hamuat kat eꞌat pe sio kat eꞌora pe putꞌok e.

Mateu 26:41

Eweꞌeg wo o. Ehẽtup o Tupana kape emoesaika kahato o eiãꞌãg hap pupi Taꞌi atikuap ti etikyꞌesat kahato Tupana mikyꞌesat nug hap maꞌato ti yt putꞌok e i esaika hap inug hamo e

Iruka 21:36

Pyno ewehẽtup to Tupana piat eimoesaika hap eiꞌapykok hamuat mekewat hoꞌopot hap eꞌat putꞌok e ehete pote are e. Waku miat iweꞌeg rakat ewy eweikupteꞌen are e. Waku ewehẽtup o Tupana pe -Yt atoiat teran i uhepiat emohey hap waku eweiꞌe tope are. Miꞌi hawyi putꞌok eweiꞌe wyti aru mekewat ehoꞌopat hap eꞌat hawyi waku -Uipowyro ro mesuwat eꞌat sakpo areto hamuat eweiꞌe ro Tupana pe are e Iesui Miꞌi itote.

1 Kuriniu 14:20

Pyno waku watoineꞌen hirokaria ewy aikotã hirokaria yt taꞌatukuap hin i saꞌag nug hap. Miꞌi hap ewy waku watopyhuꞌat uheinytꞌin uheꞌywytꞌin. Maꞌato yt naku i watuwanetup hirokat ewy katupono yt teꞌeruwanetup kuap kahato i te wakuat sehay enoi hap kape hap ewy neꞌi.

1 Kuriniu 15:58

Urumikyꞌeria uhekatuwyria yt eweitoiat teiꞌo ehepiat Iesui mohey hap. Waku eweikupteꞌen motꞌi o iwywo e yne eꞌat pe. Poꞌog Tupana mikyꞌesat ewy ewetunug no katupono watikuap taꞌyn ahaꞌup iwato tutum aru aipotpap iwato hap oktan. Watikuap taꞌyn aiminug Tupana mikyꞌesat ewywuat hap wuatꞌi eꞌat piat topyhuꞌat.

2 Kuriniu 1:24

Kat pote Eikaꞌiwat sese yt uruto i. Miꞌi hawyi areꞌe uiwanetup hawe -Pyno yt kat hamo i areto are. Kat pote poꞌog waku eweikupteꞌen Eikaꞌiwat sese po pe hawyi yt areto i eiꞌapiheg hamo are.

Karasia 5:1

Koitywy Aikaꞌiwat Iesui tum naꞌyn ahepe tesaika hap wakuap koꞌi nug yne hamuat. Miꞌi tupono yt kat hamo i raꞌyn wataꞌaipok Iuteuria eko koꞌi ewywuat nug yne ahehakyeraꞌat hap kyewi. Yt kat hamo i poꞌog watuwepotpap haꞌup nug howoity rakat kyiꞌat hamo hap ewy neꞌi paĩ. Ahesaika hap yt putꞌok e hin i waku nug hamo Iesui ewywuat hamo. Maꞌato Iesui Paꞌãu esaika hap aipiit pe pote yn waku nug hap koꞌi tuwẽtem aipytꞌat hap kaipyi.

Ewesu 3:16

Wuatꞌi wuatꞌi mimotypot En are. Yt uwe i poꞌog ekai are. Miꞌi pote ahẽtup ekawiatno etum no emohey haria pe tawa Ewesu piaria pe Epaꞌãu wakuat iꞌatumoesaika hamuat hap ahẽtup epe. Atikyꞌesat kahato iꞌatuwanetup hap hesaika rakat ewy emohey hap ete.

Ewesu 6:10

Pyno Uito Pauru. Waku raꞌyn uimiwan. Ahenoi hit hawyi toran naꞌyn are. Pywo uiwyriaꞌin Aikaꞌiwat Iesui aimoesaika kahato hat toineꞌen. Miꞌi pote -Urumoesaika ro emohey hap ete waku watoꞌe Iesui pe. Waku watopyhuꞌat wẽtup miit ewy aiwanetup hawe Mehin waku watoꞌe Iesui pe. Uinug o hesaika kahato rakat waku nug hap ete waku watoꞌe Aipotypot pe.

Wiripu 1:27

Karãpe watimoherep sehay wakuat Aipotypot etiat miitꞌin me miꞌi turan waku aiweꞌeg wo o aikotã aikotã watoineꞌen iꞌatupyꞌasetpiat turan. Waku iweꞌeg kahato rakaria ewy watoineꞌen. Yt naku i watiꞌatumuꞌe miitꞌin yt naku i nug haria aito pote. Aimimuꞌeria yt tikyꞌesat i ahehay Iesui etiat taꞌatupuẽti yt naku i nug haria aito pote. Yt teke i iꞌatuewaure kaꞌa pe wakuat Iesui etiat aheineꞌen hap yt ikahu i pote are. Atikyꞌesat kahato wakuaria wo o eweikupteꞌen sio areineꞌen eipyꞌasetpe sio yt. Waku eweikupteꞌen wakuat nug haria wo o itote yt uiwywuat pykai i. Miꞌi hawyi yt areineꞌen i eipyꞌasetpe pykai sehay wakuat atikuap aru iraniaꞌin wẽ pyi ehetiat eiminug koꞌi piat hap wyti aru hap atikuap. -Taꞌi yt taꞌatuꞌatoiat hin i te Iesui mohey hap iꞌatuꞌe aru uhepe. Toꞌoꞌewyꞌewy wẽtup miit piit ewy iꞌatupotpap e hap aru atikuap wy ehetiat. Taꞌi suraraꞌin ewy tuꞌuka kahato saꞌag ete e hap aru atikuap wy. Iꞌewyte taꞌatukyꞌesat yne miitꞌin Iesui ehay wakuat mohey haria iꞌatuꞌe aru uhepe meiũpe yt heremo i areineꞌen eipyꞌasetpe pykai are.

Wiripu 4:1

Mehinꞌin manaꞌin aikuꞌuro hap kape waku watomohey o are. Uimikyꞌeria kahato eipe. Worohoꞌokyꞌe eipe. Uhehatꞌat kahato ekyewi. Uimowepiit haria eipe. Arehum kahato ehewowi. Uheinytꞌin uheꞌywytꞌin yt uimoti te hin i. Atikuap aikotã eweikupteꞌen wẽtup miit ewy Aikaꞌiwat wywo.

Wiripu 4:13

Maꞌato yt uiwekaipyi i tuut uhesaika hap maꞌato Aipotypot Iesui kaipyi atipuẽti. Miꞌi ti kat e hap kat e hap etiat -Uimoesaika hap wuatꞌi etiat kuap hap ete uimowatetup are Tupana pe. Iꞌewyte waku kahato eipe miꞌi e hap ti ereꞌe Tupana pe.

Korosi 1:23

Pyno aiwy raꞌyn Tupana. Yt nakuap i watoiat raꞌyn hawyi waku aikyꞌe hat sese watomohey wuatꞌi eꞌat pe. Saꞌawyꞌi watikuap mekewat Iesui etiat sehay wakuat ehay hawyi watomohey raꞌyn Iesui. Miꞌi hawyi watoineꞌen aru wuatꞌi eꞌat pe e hap ewy watomohey. Miitꞌin teꞌeruwekyryꞌi ahetiat pykai imohey hap yt watoiat hin i. Iheg me kahato watoineꞌen imohey hap ete. Saꞌawyꞌi watomohey kahato. Pyno koitywy yt naku i raꞌyn imohey hap watoiat sehay waku kahato Iesui etiat. Miꞌi atikuap saꞌawyꞌi hawyi uheropat kahato aat kaꞌap wuatꞌi miitꞌin kape miꞌi moherep hamo aikope aikope miitꞌin tukupteꞌen hap upi yne ywania pe ahytpok miꞌi ehay wakuat mesuwat yi wato hap oktan. Miꞌi hamo yn uinug uito Pauru.

Korosi 4:12

Aiwy Epawai toineꞌen mesuwe. Miꞌi iꞌewyte waku e hap toipoꞌoro ehewowi. Aipotypot Iesui eropat kahato hat Epawai eipyꞌasetpywiat miꞌi. Miꞌi pote tohẽtup aat kaꞌap topyꞌa pyi Tupana kape yne hesaika hap wywo -Etipowyro aiwyriaꞌin tawa Korosi piaria emikyꞌesat oktan nug hanuaria teꞌeropyhuꞌat. Etiꞌatumotag miꞌiria Esaꞌyru oktan e. Etiꞌatumoesaika yt karãpe i eꞌatoiat hamuat e. Atikyꞌesat itotiaria pywo iꞌatuꞌe yne hap ehay etiat hap e Epawai aat kaꞌap meiũpepyi Tupana kape epowyro hamuat.

Korosi 4:2

Karapeĩ wahẽtup Tupana kape aimikyꞌesat waku wahẽtup -Tuut wyti aru aiꞌe hap wywo. Yt tutum i te hawyi waku wahẽtup i. Miꞌi hawyi aiwesat sio waku e wahẽtup hap kape sio yt e waku -Arehum ewowi Tupana waku watoꞌe.

1 Tesaronika 3:8

Pyno Iheg me kahato o eweikupteꞌen imohey hap ete. Miꞌi tupono waku pe eweikupteꞌen maꞌato yt pote yt uimowepiit hin i.

1 Tesaronika 5:6

Taꞌi aito Iesui uut hap kape watehaꞌat kahato. Yt naku i get haria ewy neꞌi watoineꞌen huut hap owakai iraniaꞌin ewy.

2 Tesaronika 2:15

Miꞌi tupono uruwyriaꞌin waku kahato ti motꞌi mekewat sehay pywuat eweimohey mekewat uruwẽ pywiat sehay urumiwan urumienoi koꞌi.

1 Timoteu 6:12

Karãpe wateput yn hawyi meiũran watuwepokuap kahato miꞌi hap ete. Miꞌi hawyi putꞌok watoꞌe iraniaꞌin eꞌyian mete. Miꞌi hap ewy waku watoineꞌen Tupana mohey hap ete. Meiũran putꞌok watoꞌe Tupana ete wuatꞌi eꞌat piat aheineꞌen iwywuat hap tote. Miꞌi hamuat kape haꞌawytepyi te aikay kay karãpe -Woromohey En Iesui ere tope haty wo wuatꞌi Iesui mohey haria ehamo turan.

2 Timoteu 2:1

Timoteu Aipotypot Iesui hegyiꞌat kahato tesaika hap ium ahepiat hamo. Miꞌi hap kaipyi ereineꞌen hemiit hesaika kahato rakatno hap wẽtup piit ieineꞌen hap ewy raꞌyn ereineꞌen iwywo.

2 Timoteu 4:5

Maꞌato en Timoteu eweꞌeg wo o mio tã iꞌatuꞌe hap kai. Yt eremoehamanaꞌi teiꞌo maꞌato Tupana ehay pywuat sese po pe ereineꞌen o. Epiat hoꞌopot pykai yt ewẽpohep teiꞌo. Maꞌato en worokyꞌesat wuatꞌi puat Tupana ehay wakuat sytpok hamo. Etimoehãite yne o epotpap Tupana miium epiat uhaꞌyru.

2 Timoteu 4:7

Surara wakuat ewy uipotpap uiꞌakag Iesui mikyꞌesat ete. Seput hap etiat poꞌog ihyha rakat ewy areineꞌen. Iraniaꞌin taꞌatukuꞌuro hap pupi teꞌerokenꞌẽ kahato i maꞌato uito yt miꞌi hat i. Iraniaꞌin aipok haria neꞌi maꞌato uito putꞌok are aheput hap ete. Miꞌi hap ewy areineꞌen imohey hap mywo.

1 Peteru 4:7

Pywo ti rat yne mesuwarotiat mesuwat yi iꞌewyte ahekareꞌen aiꞌyat koꞌi aiko hawyi waikiru waty aat gaꞌapy yne mesuwarotiat ikahuro hamuat koꞌi eꞌat yt pya hin i. Pywo ti rat tuut irane uiwyriaꞌin yne mesuwat ikahuro hap eꞌat. Yt pya hin i are. Miꞌi pote waku weꞌeg haria wo watukupteꞌen mesuwarote. Waku wahẽtup aat kaꞌap Tupana kape mesuwarotiaria ehakyeraꞌat hamo. Waku wahekatup Iesui uut hap.

1 Peteru 5:8

Pyno eiweꞌeg wo o ahiag mupi kurum iwasuria makuptiaria i are. Aikotã suraraꞌin ewy eweikupteꞌen. Eiweꞌeg wo kahato o ahiag mupi kat pote ehewanikap sese toineꞌen ahiag kurum iwasu koꞌi makuptiaria. Pyno eweikupteꞌen aikotã moryꞌa epo pe hap ewy. Kat pote ahiag awyato marakꞌa hap ewy toineꞌen kowoꞌi kowoꞌi hewyry rakat ewy hesyꞌat rakat ewy. Toikat kahato Tupana hũria ipakuptia u hamo are.

Iesui Aru E Hap 16:15

Miꞌi hawyi Arahaꞌat turan wẽtup ok toꞌe -Eiweꞌeg wo o miitꞌin yne yi totiaria e. Eiwatetup o katupono seroꞌok e hat ewy ariot e. Yt uwe i ti ikuap karamuo uhuut hap e. Miꞌi pote eweikupteꞌen sokpe piaria ewy waku uipuẽti hamo e. Yt pote aru eiwemoti kahato yt ehesokpe rakaria ewywuaria eweipyhuꞌat uhuut turan ariot pote e.