1 Kuriniu 15:51 - Sateré-Mawé

⁵¹ Pyno atomoherep teran mio wuat uimiwan etiat Tupana ehay ehepe.

1 Kuriniu 15:51 ပူးပေါင်းရင်းမြစ်များ

1 Kuriniu 13:2

Watikuap kahato Tupana ehay moherep miitꞌin miat hamo maꞌato miꞌi pykai yt watikyꞌe i aimimuꞌeria pote miꞌi hawyi yt kat hamo i ahehay se hap topyhuꞌat. Miꞌi hawyi watikuap yne torannia mikuap oktan maꞌato yt miitꞌin kyꞌe hat i aito pote yt kan hamo i aimikuap koꞌi. Maꞌato imohey hap iwato aikai pote aikotã watoꞌe yityꞌok kape -Moto ro mesuwepyi watoꞌe hawyi toto hap ewy. Miꞌi tã watomohey pote maꞌato yt kat i aikai miitꞌin kyꞌe hap pote yt kat hamo i imohey hap iwato aikawiat.

1 Kuriniu 15:18

Iꞌewyte yne aiwyriaꞌin ikuꞌuro rakaria wo tukupteꞌen ne nimuaria Iesui mohey haria. Yt kat i aheineꞌen i hap aikuꞌuro hawyi pote yne aitoria hoꞌowasat rakaria watukupteꞌen wuatꞌi eꞌat pe iꞌewyte aiwyriaꞌin ikuꞌuro rakaria iꞌatuwoꞌosyp hawe te tukupteꞌen ne. Miꞌiria yt karãpe i tuwẽtem woꞌosyp hap popyi yt kat i aheineꞌen i hap wote.

1 Kuriniu 15:20

Pywo ti rat Aikaꞌiwat yt nem rakatno no hin i toineꞌen. Mio yt ikuꞌuro i koran katupono Tupana timoieineꞌen pakup i raꞌyn Aikaꞌiwat. Toihep Tosaꞌyru guꞌuro pyi aimuꞌe hamo -Aikotã atihep Uhaꞌyru miꞌi hap ewy worohoꞌohep eipe guꞌuro pyi e hamo toihep Tosaꞌyru.

1 Kuriniu 15:6

Miꞌi hawyi meiũran Iesui tuwemoherep i raꞌyn miitꞌin sem kape temiitꞌin 500 ok takaria kape saꞌawyꞌi hewyry iwywuat rakaria kape. Miꞌiria teꞌeraꞌakasa kahato taꞌatukuap ihay. Koitywy ti miꞌiria tukupteꞌen ne aimuꞌe haria wẽtup ok wẽtup ok maꞌato ikuꞌuro raꞌyn iraniaꞌin.

1 Kuriniu 2:7

Maꞌato uito atiꞌatumuꞌe Iesui mohey haria Tupana weꞌeg hamo yn. Yt miitꞌin mikuap kaipyi hin i atiꞌatumuꞌe maꞌato mekewat weꞌeg hap Tupana kaipywiat yn wo atiꞌatumuꞌe torannia miꞌiria. Maꞌato iraniaꞌin yt kuap i hap ewy mesuwat sehay uimimoherep kat pote uhehay sehay yianmiat ewywuat aikotã saꞌawyꞌi Tupana aiꞌairo mesuwat yi nug hap eꞌyian mete hap ewy.

1 Kuriniu 4:1

Uiwyriaꞌin uruto ti Tupana potpoꞌororia pote waku ti eiwanetup urumienoi kape -Miꞌiria wyti Aipotypot eropat haria sese waku eweiꞌe. Miꞌiria wyti yt aimikuap i Tupana etiat moherep haria waku eweiꞌe uruepiat pe.

2 Kuriniu 5:2

Maꞌato mesuwe aipiit hero kahato haty kahato aipiit ete. -Tupana watoꞌe wahoꞌopot kahato aipiit ete haty kahato watoꞌe. Areto teran ewowi atipy kape watoꞌe. Atikyꞌesat uipiit pakup watoꞌe Tupana pe mesuwe yi tote hoꞌopot popuo. Aipiit mesuwe aikotã sokpe potꞌi ewy. Maꞌato aipiit pakup atipy piat aikotã ahesokpe pakup ewy. Miꞌi hawyi watikyꞌesat kahato aikotã ahesokpe pakup ewy.

2 Kuriniu 5:4

Aipiit mesuwarotiat kak e kyn kyn e neꞌi aipiit ikuꞌuro rakat toineꞌen pote. Aipiit mesuwarotiat tikyꞌesat kahato ipakup we toineꞌen hap. Taꞌi yne aito aipiit mesuwarotiat ikuꞌuro hap watikuap taꞌyn. Yt watikyꞌesat i pykai ikuꞌuro. Miꞌi pote wahẽtup Tupana -Atikyꞌesat kahato uipiit pakup we toineꞌen wuatꞌi eꞌat piat rakat watoꞌe. -Etunug no uipiit pakup ewat ewy watoꞌe Iesui pe. -Uipainug no watoꞌe. Aikotã uhesokpe pakup uikuꞌuro hawyi etopag uipiit epiit ikahu hap ewy watoꞌe.

Ewesu 1:9

Saꞌawyꞌi emikyꞌesat ewy ereꞌe ewepe -Atum aru Uhaꞌyru pe wuatꞌi ywania ere. Atum neꞌen neꞌi aru Uhaꞌyru wuatꞌi miitꞌin me Iꞌatuporekuat no. Uimowepiit hap ewy atum aru ereꞌe saꞌawyꞌi ewepe ewanetup hawe yt kat i miitꞌin te turan. Tupana uruikuap teran kat pote urukyꞌe kahato hap. Miꞌi tã yt uruikuap hin i te wen maꞌato urukyꞌe hap miꞌi uruikuap taꞌyn. Waku kahato En urutoꞌe epe Tupana.

Ewesu 3:3

Katupono mesuwe koitywy Tupana timoherep kahato uhepe saꞌawyꞌi wuat yt uwe mikuap i sehay toimoherep uhepe aikotã wẽtup ywania ipakup imohey haria tutunug hap. Taꞌi ipakup takaria tutunug mesup wuatꞌi ywania kawiat. Aikotã toꞌywania pakup tutunug mesup hap toimoherep mesuwe uipyhyp hawe uhepe. Waku kahato Tupana yt uwe i ipyhyp kuap are.

Ewesu 5:32

Pyno mio tã toꞌe Tupana miwan me -Karãpe ihainia iharyꞌi toꞌokyiꞌat hap hawyi topyhuꞌat wẽtup piit kawiat yn naꞌyn topyhuꞌat typy ok miit pykai e. Niatpo hap tohenoi mesuwe maꞌato watomohey Iesui hawyi aito yne watopyhuꞌat Iesui eharyꞌi ewywuat. Miꞌi iãꞌãkap tohenoi ihay saꞌawyꞌi wuat pe.

Wiripu 3:21

Tuut hawyi aipiit mesuwarotiat tutunug towat topiit ewy. Miꞌi hawyi yne aipiit Iesui ewy topyhuꞌat wuatꞌi eꞌat pe. Aipiit iwat piit ewy ikahu kahato. Miꞌi tã aru ainug tesaika hap wywo. Hesaika kahato Iesui miꞌi nug hamo katupono mekewat eꞌat pe topyhuꞌat yne yne Porekuat no poꞌog hesaika torannia kai. Miꞌi tesaika hap wywo aimopakup aipiit. Pakup tutunug towat ewy are.