1 Kuriniu 15:50 - Sateré-Mawé

⁵⁰ Pyno eiweꞌeg wo o uhekatuwyria katupono aipiit mesuwarotiat yt teke kuap i atipy pe katupono aipiit ipuꞌi kawiat huu kawiat ikuꞌuro iꞌokpuk takat toineꞌen. Aikope Morekuat no Tupana toineꞌen hap tote yt uwe i ikuꞌuro rakaria wo toineꞌen itote.

1 Kuriniu 15:50 ပူးပေါင်းရင်းမြစ်များ

Mateu 16:17

Miꞌi hawyi Iesui tiwesat -Pywo kahato e hawyi toꞌe -Simau Iuwãu saꞌyru e en wyti iwepiit sese rakat kat pote pywo en yt mesuwat rotiaria i yt mimuꞌe hin i maꞌato ti tuut emuꞌe hap uiꞌywot atipy piat kaipyi.

Mateu 25:34

Miꞌi hawyi ti aru itote uipo sese kawiaria pe Morekuat koro toꞌe ipo ran koꞌi kape -Eweĩꞌẽ ro meikowo Uiꞌywot miꞌatukyꞌe koꞌi e. Atum neran ti Tupana etama ehepe e. Katupono yi nug hawyi te ti mekewat atum teran kahato ehepe are e.

Humanu 2:7

Taꞌi Tupana tum aru tomohey haria pe tomotypot haria pe tomikyꞌesat nug hanuaria pe wuatꞌi eꞌat piat iꞌatuieineꞌen hap sese tomepytꞌin saꞌup e. Miꞌiria yt iꞌatupohep hin i Tupana motypot hap ete. Taꞌatuminug wakuap koꞌi wo taꞌatumotypot aat kaꞌap. Yt karãpe i iꞌatukuꞌuro miꞌiria ete e. Katupono tomotypot saꞌup Tupana tum miꞌiria pe wuatꞌi eꞌat piat iꞌatuieineꞌen waku hap.

1 Kuriniu 1:12

-Pyno itotiaria wẽtup wẽtup wanetup hap wywuaria iꞌatuꞌe. Yt toꞌoꞌewy hin i iꞌatuwanetup hap koꞌi. Miꞌi pote wuꞌuka hap yn itote iꞌatuꞌe uhepe ehetiat. Pyno atikuap taꞌyn eipyꞌasetpe tukupteꞌen -Uito ti aimuꞌe hat Pauru upi e haria maꞌato iraniaꞌin -Uito aimuꞌe hat Apauru upiaria e haria. Miꞌi hawyi iraniaꞌin -Uito aimuꞌe hat Peteru upi e haria tukupteꞌen. Maꞌato iraniaꞌin -Uito aimuꞌe hat Iesui upiaria e haria iꞌatuꞌe taꞌatuhenoi uhepe õꞌẽ haria. Miꞌi tã hap kaipyi ti eiwuꞌuka hap topyhuꞌat.

1 Kuriniu 15:42

Miꞌi hap ewy ti guꞌuro pywiat aheineꞌen pakup i hap. Aipiit wyti aikotã hãꞌỹi ewy. Taꞌatusyp miꞌi hawyi ti tuweityk taꞌyn aimikoi awati iãꞌỹi ewy maꞌato hẽtyt hap tuwẽtem hawyi yt saꞌawyꞌi wuat hãꞌỹi ewy i. Miꞌi hap ewy aipiit wẽtup taꞌatusyp hawyi aipiit aimikoi ikahu kahato tuwẽtem guꞌuro pyi. Tupana tum ne wuatꞌi eꞌat piat ieineꞌen hap aipiit pakup we e.

1 Kuriniu 15:44

Aisyp hap eꞌat pe turan aipiit ipuꞌi yn toineꞌen maꞌato Tupana aimoieineꞌen i hap eꞌat pe hawyi aipiit pakup toineꞌen Ipaꞌãu minug. Miꞌi ewywuat topyhuꞌat toineꞌen aipiit ipuꞌi ikag kawiat maꞌato toineꞌen iꞌewyte mekewat piit atipy piaria ewywuat yt aiwat ewy i Tupana Paꞌãu minug.

1 Kuriniu 6:10

Seroꞌok e haria yt uwe i itote. Yt hegyiꞌat i rakaria yt uwe i. Iꞌewyte yt uwe i aru woꞌeromopusu hat miitꞌin mohit hat itote. Yt uwe i -Uiatno yn mo e hat iꞌewyte imopẽꞌã rakat.

1 Kuriniu 6:13

Iꞌewyte iraniaꞌin eipyꞌasetpe -Uimiꞌu kat hap yn atunug neran aat kaꞌap yne eꞌat katupono miꞌu yn aimowepiit kuap hap e hat. Maꞌato eiweꞌeg wo o miꞌu mesuwarotiat wywo yn eiꞌok hap. Miꞌu waku kahato wen maꞌato miꞌu yn watikat pote aimaꞌat hap toineꞌen katupono Tupana eropat hap yt watikat hin i. Meiũran aru Tupana timoma yne ahesyꞌat hap hawyi yt kan hamo i aimiꞌu kat hap. Yt eweikuap i kat hamo Tupana tunug aipiit apo. Taꞌi toikyꞌesat aito teropat hamo iꞌewyte toikyꞌesat aito tokyꞌe haria. Toikyꞌesat aipiit towatnuat e. Yt toikyꞌesat i aipiit watum yt iweꞌeg i rakaria pe iꞌewyte yt toikyꞌesat watum aipiit miꞌu kat hap yn kape. Uiwyriaꞌin waku watuwehum kahato Tupana kape aimiꞌu ete maꞌato yt naku i watunug miꞌu ahetupana wo. Iesui Aikaꞌiwat aipoi kuap kahato. Waku iwywo watikat aimiꞌu. Yne Tupana tum teran ahepe aimowepiit hamuat.

1 Kuriniu 6:9

Yt uwe i aru woꞌomaꞌatꞌi maꞌatꞌi hat toineꞌen aikope Tupana toineꞌen Morekuat nuat hap tote. Eweꞌeg wo o eiwemaꞌat hap pupi katupono eweikupteꞌen wuatꞌi haryporia wywo wuatꞌi ihainia wywo pote yt karãpe i putꞌok eweiꞌe Tupana etawa pe. Iꞌewyte yt uwe i mo wuat minug tupanaria motypot haria itote. Seꞌaito wywuat ieineꞌen hat seharyꞌi wywuat ieineꞌen hat yt uwe i aru itote. Haryporiaꞌin eꞌaito wo haryporia te iꞌewyte ihainiaꞌin eꞌaito wo ihainiaꞌin ne haria yt uwe i itote.

1 Kuriniu 7:29

Uheinytꞌin uiwyꞌok koꞌi yt pya hin i Aikaꞌiwat aipok hap. Yt watikuap i kat eꞌat pe huut hap maꞌato tuut irane hap watikuap. Waku watikyꞌe kahato aheꞌaito aheharyꞌi maꞌato miꞌi pykai waku poꞌog watunug Tupana mikyꞌesat ewy aheꞌaito aheharyꞌi mikyꞌesat koꞌi kai. Waku watikyꞌe Tupana koran aikotã Iesui mohey haria yt heꞌaito i te rakat yt iwary i te rakat ewy.

2 Kuriniu 5:1

Pywo aipiit wyti aikotã og ape ewy. Katupono yt watoineꞌen motꞌi hin i mesuwarote. Miꞌi hawyi aipiit ikuꞌuro aikotã og ape ewy. Maꞌato aipiit pakup Tupana timoieineꞌen hawyi yt og ape ewy hin i. Katupono aipiit pakup topyhuꞌat aikotã Tupana yat atipy piat yt karãpiat ikuꞌuro rakat i.

2 Kuriniu 9:6

Pyno ahenoi ehepe hãꞌãkap wuat aikotã waku watum Tupana kape hap ete. Uwe uwe tikoi yt iwato i miꞌi hat aikotã toikoi hap oktan toipuẽti. Maꞌato uwe uwe tikoi iwato miꞌi hat ipuẽti tepiat ikoi hap oktan. Miꞌi hap ewy karãpe watum Tupana kape yt ahegyiꞌat wywo i pote meiũran aru yt kat i watipuẽti yt ahegyiꞌat i pote.

Karasia 3:17

Pywo yt ipohep hin i atunug aru toꞌe hap kai ete. Pyno atunug aru toꞌe hap Tupana tunug naꞌyn. Pyno yt uwe i Tupana ewaĩ kuap -Atunug aru e hap ete maꞌato tutunug iꞌewyte tomikyꞌesat ewy tuwekaipywiat aru toꞌe Aparãu miat hap tutunug naꞌyn. 430 anu hap ete tutum naꞌyn woꞌonapin hap aseꞌi Muisei pe. Maꞌato yt tutunug kuap i saꞌawyꞌi wuat Aparãu miat -Atipoityro aru Emiariru mohey haria iꞌatuehakyeraꞌat hamo e hap.

Karasia 5:16

Miꞌi tupono uiwyriaꞌin atikyꞌesat Tupana Paꞌãu mikyꞌesat nug haria wo eweikupteꞌen hap Tupana mikyꞌesat ewywuaria wo eweikupteꞌen. Yt atikyꞌesat i eiwanetup hap kaipywiat neꞌi nug haria wo eweikupteꞌen. Eimikyꞌesat sese neꞌi nug haria wo hap yt atikyꞌesat i.

Ewesu 4:17

Pyno worohoꞌomuꞌe teran Aikaꞌiwat Iesui ehay ete. Eweꞌeg wo o eiminug saꞌag koꞌi eimikyꞌesat saꞌawyꞌi eheko saꞌawyꞌi wuat pupi are. Yt imohey i te turan wuat saꞌag nug hap ete yt aiweꞌeg hin i saꞌawyꞌi wuat aiminug saꞌag koꞌi kai -Eweiꞌatoiat ro miꞌi koꞌi e Tupana pykai. Uiwyriaꞌin yt naku i watuwanetup poꞌog aikotã yt imohey i haria wanetup hap ewy neꞌi katupono miꞌiria yt naku i nug hap yn iꞌatuwanetup hawe. -Uito poꞌog poꞌog torannia kai iꞌatuꞌe taꞌatuwanetup hawe. Yt paa iꞌatuꞌe hin i taꞌatuminug yt naku i hawyi. Miꞌi tã iꞌewyte aito saꞌawyꞌi maꞌato mesup waku watuwenapin miꞌi e hap pun hamuat e.

Korosi 2:4

Pyno eiweꞌeg wo o eimaꞌat sehay wuat teran haria pupi. Waĩꞌeweiꞌe o iꞌatuehay wuꞌuka hap neꞌi ete are iꞌatuehay yt pywo rakat i. Yt eweiwat reiꞌo iꞌatuehay upi katupono yt pywo i sehay hap nug kuap kahato haria miꞌiria. Iꞌatuweꞌeg kahato heso nug hamo. Iꞌatuehay se kahato tuereto maꞌato eimaꞌat hamo neꞌi. Yt ereto teiꞌo iꞌatuehay upi are.

2 Timoteu 4:18

Taꞌi Aikaꞌiwat uheroꞌok kuap kahato uiꞌauka teran haria po pyi uimaꞌat teran haria tok pyi. Miꞌi hawyi uiꞌãuka iꞌatu pupi. Tetama atipy piat pe uhereto. -Arehum aat kaꞌap ewowi Tupana. Ekahu kahato En are aru wuatꞌi eꞌat pe. Taꞌi miꞌi tã wyti pyno.