1 Kuriniu 15:37 - Sateré-Mawé

³⁷ Kat iãꞌỹi watikoi sio awati sio wẽtup miꞌi ti yt ipiit i te maꞌato hẽtyt hawyi ipiit itag naꞌyn. Miꞌi ti ipiit sese.

1 Kuriniu 15:37 ပူးပေါင်းရင်းမြစ်များ

Maku 4:27

Saꞌawyꞌi toikoi hawyi tuwewi hẽtyt raꞌyn maꞌato ikoi hat toineꞌen toꞌyat pe turan miꞌi hẽtyt raꞌyn e. Miꞌi hawyi itag naꞌyn miꞌi hawyi haat raꞌyn maꞌato ikoi hat yt uwe i itote pykai iꞌewyte yt taꞌakasa hin i aikotã itag hap kape pykai e.

1 Kuriniu 15:36

Mio tã eweiꞌe pote yt ikuap sese i hat ewy eweikupteꞌen. Yt eweikuap i te karãpe watikoi awati aiko pe meiũran aru aimikoi iãꞌỹi tuweityk katupono hẽtyt raꞌyn yi pyi pote.

1 Kuriniu 15:38

Miꞌi hap ewy raꞌyn Tupana tum naꞌyn yne iãꞌỹi pe tesaika hap hẽtyt hamo itag hamo. Yne watiwaure meremo aikopiat iãꞌỹi tuweupi weupi.

2 Kuriniu 2:14

Koitywy areꞌe Tupana pe -Uhetupana arehum kahato ewowi are. Waku puo uruikyꞌesat karãpe urutuwat aikowo aikowo Esaꞌyru moherep hamo are. Miꞌi turan urupowyro kahato miꞌi nug hamuat are. Miitꞌin uipyhyp pykai arehum ewowi Tupana kat pote uinug surara ewy poꞌog uhewanikap koꞌi kawiat hesaika rakatno ehay wakuat moherep wuatꞌi miitꞌin piat hamo are. Waĩ iꞌatuꞌe pykai taꞌatukuap ehay wakuat hawyi -Waku kahato miꞌi iꞌatuꞌe aikotã mohag ikamhig se rakat ewy ehay iꞌatuꞌe are. -Waku kahato En Tupana are.