1 Kuriniu 15:33 - Sateré-Mawé33 -Aipap wuatꞌi eꞌat aikuꞌuro hawyi iꞌatuꞌe iraniaꞌin eimuꞌe haria. Yt naku i iꞌatuꞌe ehepe eimuꞌe haria eimaꞌat sehay wo katupono taꞌatukyꞌesat yt naku i nug haria eiperia eiãꞌãg teran haype miꞌiria. Taꞌatukyꞌesat eipe iꞌatuꞌewywuaria hap. Eiweꞌeg wo o miꞌiria pupi. Iꞌatuehay upi eweipyhuꞌat hawyi iꞌatumimaꞌat koꞌi eweikupteꞌen aru. အခန်းကိုကြည့်ပါ။ |
1 Kuriniu 15:33
17 ပူးပေါင်းရင်းမြစ်များ
Taꞌi -Eheso i rat eweiꞌe yn o are katupono Tupana mipoꞌoro eiporekuat nuat raꞌyn uruto e haria iꞌatuꞌe ti aru teꞌeruwemoherep e. -Uruto Tupana mipoꞌoro tehay enoi hanuat iꞌatuꞌe yt pywo pe i e. Miꞌiria ti aru taꞌatumisepap iwato kahato inug wy miitꞌin miat taꞌatuehay mohey hamuat e. Maꞌato miꞌiria miitꞌin maꞌat hamuat neꞌi e. Iꞌewyte ti Tupana miꞌairoria imohey sese haria maꞌat reran haype e.
Pyno yt eiwekyryꞌi teiꞌo mekewat miit minug saꞌag ete. Yt naku i kahato watuwehum miꞌi tã nug hat ete katupono mekewat miit topyhuꞌat mani puk ewywuat eipyꞌaset pe maꞌato eipe eweipyhuꞌat ipyre ewy. Miꞌi pote aikotã watopag ipyre mani puk pe hawyi toimorem yne mani puk hap ewy miꞌi hap ewy waku eweihep o mekewat miit saꞌag eipyꞌasetpyi hawyi ti aru eweipyhuꞌat miit wakuaria ewywuat. Yt naku i hap yt mig hin i haria eipe. Pyno saꞌawyꞌi wuaria Iuteuria tuwenoꞌẽ taꞌatuewanikaptia yi Esituꞌin po kaipywiat turan iꞌatumiꞌu man iteneg nakat yn iꞌatumiꞌu yt kat i nem nakat ewy.
Yt uwe i aru woꞌomaꞌatꞌi maꞌatꞌi hat toineꞌen aikope Tupana toineꞌen Morekuat nuat hap tote. Eweꞌeg wo o eiwemaꞌat hap pupi katupono eweikupteꞌen wuatꞌi haryporia wywo wuatꞌi ihainia wywo pote yt karãpe i putꞌok eweiꞌe Tupana etawa pe. Iꞌewyte yt uwe i mo wuat minug tupanaria motypot haria itote. Seꞌaito wywuat ieineꞌen hat seharyꞌi wywuat ieineꞌen hat yt uwe i aru itote. Haryporiaꞌin eꞌaito wo haryporia te iꞌewyte ihainiaꞌin eꞌaito wo ihainiaꞌin ne haria yt uwe i itote.
Miꞌi tupono waku aiweꞌeg wo miꞌi koꞌi saꞌag nug hap pupi katupono iꞌatu kahato ahãꞌãg haria iꞌatuehay se ahãꞌãg neran yt naku i nug hamo. Yt teꞌerokenꞌẽ hin i miꞌi saꞌag nug hamo. Miꞌiria aimaꞌat kuap kahato. Waku aiweꞌeg wo are. Iꞌatu iraniaꞌin -Atunug yne Tupana waĩꞌe hap e haria. Aiweꞌeg wo o miꞌi ewywuat aheineꞌen pote katupono Tupana ipyꞌahak kahato yt tomikyꞌesat i nug haria ete. Toiꞌatuꞌapiheg miꞌiria.
Miꞌi hawyi ti aru hoꞌowasat rakaria wo miitꞌin toiꞌatumaꞌat kahato raꞌyn mekewat topo wuat tominug wo yt miitꞌin minug kuap i wo. Miꞌi hawyi imimaꞌat koꞌi tuwehytꞌok yne aria pe katupono taꞌatumohey kahato raꞌyn heso hap koꞌi poꞌog pywuat sese sehay kai. Yt taꞌatukyꞌesat i poꞌog taꞌatuehakyeraꞌat hanuat Tupana miium.
Pyno waku aiweꞌeg wo kahato. Yt naku i watipun Tupana piat aikyꞌe hap aipoityro teran hap. Yt naku i watopyhuꞌat ipyꞌahak miitꞌin etiat rakaria wo iꞌewyte Tupana ete katupono ahaiwot hap uku hapo kahato rakat ewy toineꞌen. Pyno waku aiweꞌeg wo watoineꞌen katupono yt niatpo hin i watopyhuꞌat myꞌahak haria wo watoiat ainapin Tupana piat hap hawyi. Waku watihep hapo miitꞌin auka hap uku ewywuat aipyꞌa pyi yt pote myꞌahak rakaria wo yn watopyhuꞌat miitꞌin ete iꞌewyte Tupana ete. Miꞌi hawyi yt uwe i woꞌokyꞌe hat itote. Ahaiwot iraniaꞌin Iesui mohey haria ete hawyi torannia itote aiwoꞌoꞌewy hawyi yt uwe i iwese toꞌope itote.
Miꞌiria ehay aimuꞌe hap topyhuꞌat iꞌatuehay se maꞌato yt pywo piat i. Miꞌi hawyi iraniaꞌin tuwat iꞌatumienoi upi. Taꞌatunug saꞌag kahato taꞌatumuꞌe haria minug ewy. Miꞌi hawyi haryporiaꞌin seharyꞌi wo haryporiaꞌin wywo iꞌewyte ihainiaꞌin seꞌaito wo ihainiaꞌin wywo hap taꞌatunug iwaire waire hap ewy. Yne miꞌi tã saꞌag hap ewy taꞌatunug. Miꞌi hawyi iraniaꞌin wehaꞌat haria mekewat pywuat sese hap ete iꞌatuehay saꞌag neꞌi meimuẽ waria wẽtup sehay upiaria inug saꞌag hap haria kaipywiat.
ကြော်ငြာတွေ