1 Kuriniu 15:17 - Sateré-Mawé

¹⁷ Uiwyriaꞌin taꞌi Tupana yt timoieineꞌen i Aikaꞌiwat guꞌuro pyi pote te neke ikuꞌuro te mio topyhuꞌat. Miꞌi hawyi Iesui toineꞌen pakup i hap mohey hamo yt kat i. Yt kat hamo i imohey hap. Aimoꞌakagꞌaia hap yn topyhuꞌat. Miꞌi hawyi watopyhuꞌat hoꞌowasat rakaria ewywuat. Miꞌi hawyi yne aiminug saꞌag topyhuꞌat ahete te iꞌewyte aiꞌapiheg hap aru topyhuꞌat ahete Iesui ikuꞌuro te pote.

1 Kuriniu 15:17 ပူးပေါင်းရင်းမြစ်များ

Iesui Potmuꞌeria 5:31

Miitꞌin Potypot no Tupana tikyꞌesat kahato urukaꞌiwat Iesui e. Mio tã e Tupana saꞌawyꞌi -Miꞌi Miit ti Uipo sese kawiat ieineꞌen hat e. Miꞌi Miit ti wuatꞌi miitꞌin ehakyeraꞌat hanuat e Tupana saꞌawyꞌi miwan me e Peteru. Taꞌi Iesui ti henoi ahepe mekewat muap aiminug yt naku i hap kaipywiat aihep hamuat e. Miꞌi Miit yn ni muap Tupana kapiat hat e. Miꞌi Miit yn ni aiꞌywania Isareu ywania wanetup saꞌag hap mohãpyk kuap hat e. Toikyꞌesat yne aiꞌywania tomiehakyeraꞌat koꞌi wuat hap e.

Humanu 4:25

Taꞌi watomohey kahato Tupana tiꞌapiheg Tosaꞌyru Iesui aiminug saꞌag upiatno e hap watomohey. Watimohey Tupana timoieineꞌen naꞌyn Tosaꞌyru hap toꞌe hap ewy. Miꞌi pote watomohey kahato wy Tupana aimoieineꞌen i hamuat waku hap ete toꞌe hap ewy watomohey. Koitywy watomohey kahato Tupana ainug tomohey hap kaipywiat wakuaria wo aikotã Tupana -Atunug aru e hap ewy watomohey. Aparãu ewywuaria watoineꞌen imohey hap saipepiaria aito. Aparãu mepytꞌin koꞌi aito. Miꞌi hap eꞌat pe Tupana toꞌe Aparãu me iꞌewyte ahepe -Waku pe ereineꞌen uhepe uimohey hat en mote e ahepe.

Humanu 5:10

Saꞌawyꞌi watunug Tupana ahewanikap mo maꞌato miꞌi pykai ainug towyriaꞌin wo kahato katupono Haꞌyru tokuꞌuro hamo aiꞌatupehik Toꞌywot kape -Koitywy yt ahewanikap mo i topyhuꞌat maꞌato aiwy ok wo raꞌyn. Koitywy Tupana wy kahato uito watoꞌe. Koitywy Tupana toineꞌen uipiit pe. Miꞌi kaipyi watikuap taꞌyn pywo ti aru areineꞌen wuatꞌi eꞌat pe aiꞌe hap katupono Iesui tuwẽtem guꞌuro pyi hawyi uimimoieineꞌen hap topyhuꞌat watoꞌe.

1 Kuriniu 15:14

Aikaꞌiwat yt tuwẽtem i guꞌuro pyi pote yt kat hamo i watimuꞌe miitꞌin Iesui ete hawyi yt kat hamo i etimohey Iesui sio ikuꞌuro te guꞌuro pe te toineꞌen mote.

1 Kuriniu 15:16

Tupana yt aihep i guꞌuro pyi aikuꞌuro hawyi pote yt toihep i saꞌawyꞌi Aikaꞌiwat Iesui guꞌuro pyi wy. Aikaꞌiwat yt ihãite i te pote heso hap watomohey hawyi yt kan hamo i wahekatup aheineꞌen hap wuatꞌi eꞌat piat are. Maꞌato tuwẽtem guꞌuro hawyi hap watikuap taꞌyn iꞌewyte aheineꞌen aikuꞌuro hawyi hap watikuap.

1 Kuriniu 15:2

Pyno mio tã are worohoꞌomuꞌe saꞌawyꞌi wuat sehay wakuat sese ahenoi. Miꞌi eweimohey motꞌi pote Tupana miehakyeraꞌat koꞌi eweikupteꞌen maꞌato watomohey ran neꞌi pote yt e.

1 Peteru 1:21

Miꞌi pote mesup yt niatpo hin i watomohey Tupana aipyꞌa pe kat pote uruehamo Aikaꞌiwat toihep guꞌuro pyi. Miꞌi hawyi Tupana toꞌe itote wuatꞌi ehamo -Miitꞌin Ehakyeraꞌat hanuat Miꞌi Miit e. Miꞌi pote koitywy Iesui yn watomohey ahehakyeraꞌat hamo. Waku watoꞌe tope -Uruimohey En yn Iesui uruehakyeraꞌat hanuat waku watoꞌe Iesui pe are.

1 Peteru 1:3

Saꞌawyꞌi Aipotypot Iesui ikuꞌuro hawyi Tupana timoieineꞌen guꞌuro pyi. Saꞌawyꞌi yt watomohey hin i aikuꞌuro hawywiat aheineꞌen i hamuat hap. Maꞌato mesup koitywy watomohey kahato kat pote Aiꞌywot Tupana tihep taꞌyn Aikaꞌiwat ikuꞌuro hap kaipyi. Miꞌi pote koitywy -Waku kahato En Tupana. Poꞌog wakuat torannia kai urutoꞌe kat pote egyiꞌat kahato uruepe. Urukyꞌe kahato En. Poꞌog poꞌog torannia miitꞌin kai urukyꞌe hat En katupono etihep taꞌyn urukaꞌiwat hyp hawyi urutoꞌe.