1 Kuriniu 15:13 - Sateré-Mawé

¹³ Maꞌato yt kat i miitꞌin ieineꞌen hap tokuꞌuro hawyi miꞌi pote yt toineꞌen i tokuꞌuro hawyi Aikaꞌiwat Iesui katupono Aikaꞌiwat aipuꞌi kawiat sese toineꞌen MIIT SESE kawiat toineꞌen Iesui piit. Ikuꞌuro hawyi toineꞌen i raꞌyn guꞌuro pyi.

1 Kuriniu 15:13 ပူးပေါင်းရင်းမြစ်များ

Iesui Potmuꞌeria 23:8

Mio tã e hawyi miitꞌin tuwepatꞌok kahato itotiaria tuꞌuka sehay wuat hamo katupono ipatꞌok teꞌeroꞌe -Yt kat i rat aikuꞌuro rakirẽ wuat aheineꞌen i hamuat hap e haria. Iꞌewyte yt uwe i Tupana mipoꞌororia atipy kaipywiaria e haria. Yt kat i rat ipaꞌãu toineꞌen e haria. Maꞌato ipatꞌok imohey kahato yne meimuẽwat mio wat koꞌi. Taꞌatuhenoi yne meimuẽwat koꞌi yn.

Humanu 8:11

Saꞌawyꞌi Tupana Paꞌãu timoieineꞌen Iesui piit ikuꞌuro hawyi. Taꞌi Tupana Paꞌãu hesaika kahato miitꞌin moieineꞌen hamo. Miꞌi ti toineꞌen ahepuo. Aipiit ikuꞌuro hawyi Tupana Paꞌãu toineꞌen aimoieineꞌen hamuat Iesui wat ewy. Pywo pe ti Iesui piit ewy Tupana Paꞌãu esaika hap toineꞌen aipiit moieineꞌen hamuat.

Humanu 8:23

Hoꞌopot haria sok Tupana minug koꞌi mesuwarotiaria. Saꞌawyꞌi ainug hap eꞌat pe waku pe watoineꞌen maꞌato mesup yne raꞌyn hoꞌopot haria wo tukupteꞌen e. Aito Iesui mohey haria hoꞌopot haria wo kahato watoineꞌen Tupana tum naꞌyn ahepe Topaꞌãu pykai. Haty kahato hap ahete pote kyn kyn watoꞌe aipyꞌa pe -Uruikyꞌesat kahato urupiit yt ikahuro rakat i watoꞌe Tupana pe. Urunug no esakiꞌytꞌin esaꞌyruꞌin sese wo watoꞌe. Waku pe urutukupteꞌen teran yt kat i uruꞌarot hap wywo. Uruwemowepiit hap yn mywo sese watoineꞌen neran watoꞌe Tupana pe kyn kyn aiꞌe hap wywo.

1 Kuriniu 15:12

Urumimoherep saꞌawyꞌi wuat ehepiat wẽtup sehay yn aikotã Aipotypot Iesui tuwẽtem guꞌuro pywiat hap yn. Miꞌi hawyi eweimohey Miꞌi raꞌyn. Maꞌato mesup toineꞌen eipyꞌasetpe -Aikuꞌuro rakirẽ yt kat i aito. Yt karãpe i watoineꞌen i e haria.

1 Kuriniu 15:14

Aikaꞌiwat yt tuwẽtem i guꞌuro pyi pote yt kat hamo i watimuꞌe miitꞌin Iesui ete hawyi yt kat hamo i etimohey Iesui sio ikuꞌuro te guꞌuro pe te toineꞌen mote.

1 Kuriniu 15:20

Pywo ti rat Aikaꞌiwat yt nem rakatno no hin i toineꞌen. Mio yt ikuꞌuro i koran katupono Tupana timoieineꞌen pakup i raꞌyn Aikaꞌiwat. Toihep Tosaꞌyru guꞌuro pyi aimuꞌe hamo -Aikotã atihep Uhaꞌyru miꞌi hap ewy worohoꞌohep eipe guꞌuro pyi e hamo toihep Tosaꞌyru.

1 Tesaronika 4:14

Maꞌato aito ti watomohey kahato raꞌyn karãpe Iesui tokuꞌuro hawyi toineꞌen pakup i hap. Iꞌewyte watomohey kahato raꞌyn karãpe Tupana tuut hamuat Iesui wywo iꞌewyte map haria imohey haria tõꞌẽ tõꞌẽ Iesui upi atipy kaipyi hap watomohey kahato raꞌyn aito.

2 Timoteu 4:8

Karãpe wateput turan seput hat akag toꞌe -En poꞌog ihyha rakat e wuatꞌi ehamo. Miꞌi hap ewy ti meiũran Aiꞌakag Iesui toꞌe irane uhepe -En ni wakuat kahato Tupana wanetup hawe e irane uhepe maꞌato yt uhepe yn i maꞌato iꞌewyte uwe uwe tokyꞌe haria pe torannia -Atiꞌatukyꞌesat Iesui taꞌaipok i e haria pe.

Epereu 13:20

Mio tã areꞌe Tupana pe eikawiatno -Tupana are atikyꞌesat kahato aimimuꞌeria waku nug haria wo En ewy are. Waku kahato En Wuatꞌi Woꞌowese Hap Nug Hat are. En ni urukaꞌiwat Iesui Moieineꞌen Ikuꞌuro Hap Kaipywiat Hat are. En ni Ehũria Emohey Haria Apykok Hat Moieineꞌen Hat are. En ni urupyhik ehay wakuat wuatꞌi eꞌat pe hamo are. Esaꞌyru suu wo urumosat epyꞌa pe Tupana are.

Epereu 2:14

Pyno aito miit kawiat maꞌato -Uhaꞌyruꞌin uhakiꞌytꞌin eipe e Tupana ahepe Tosaꞌyru mohey haria pe mesup. Miit puꞌi kawiat kahato Iesui piit maꞌato yt karãpe i tutunug yt naku i. Ikuꞌuro aikawiatno hare pote tuwenug miit no iꞌewyte wẽtup piit ewy iwywo watopyhuꞌat watimohey hawyi e. Wẽtup suu ewy kahato iwywo aito iꞌewyte aihep taꞌyn ahiag po pyi tutuꞌu yne aikuꞌuro hap hawyi. Saꞌawyꞌi ahiag aimokenꞌẽ kahato aikuꞌuro hamo maꞌato mesup Iesui tihep taꞌyn mekewat aimokenꞌẽ hap.

1 Peteru 1:3

Saꞌawyꞌi Aipotypot Iesui ikuꞌuro hawyi Tupana timoieineꞌen guꞌuro pyi. Saꞌawyꞌi yt watomohey hin i aikuꞌuro hawywiat aheineꞌen i hamuat hap. Maꞌato mesup koitywy watomohey kahato kat pote Aiꞌywot Tupana tihep taꞌyn Aikaꞌiwat ikuꞌuro hap kaipyi. Miꞌi pote koitywy -Waku kahato En Tupana. Poꞌog wakuat torannia kai urutoꞌe kat pote egyiꞌat kahato uruepe. Urukyꞌe kahato En. Poꞌog poꞌog torannia miitꞌin kai urukyꞌe hat En katupono etihep taꞌyn urukaꞌiwat hyp hawyi urutoꞌe.

Iesui Aru E Hap 1:18

Iuwãu e erahaꞌat ro uhowowi e. Haꞌawyte areineꞌen eipyꞌasetpe. Miꞌi hawyi uikuꞌuro sese koitywy areineꞌen i raꞌyn wuatꞌi eꞌat piat hamo e. Miꞌi pote uiꞌe hap uhehay upi yn miitꞌin tuwẽtem kuap guꞌuro pyi e. Iꞌewyte uhehay upi yn miitꞌin tuwat taꞌatuꞌapiheg aria wuat eꞌat piat hamuat kape e uhepe.