1 Kuriniu 14:7 - Sateré-Mawé

⁷ Eity pusu puo eimikuap oktan worohoꞌomuꞌe. Yt areineꞌen neran i wepy hap yt hãpyk takat i ewy. Yt areineꞌen neran i akuara pyy hat yt ikuap i hat kahato hat ewy. Yt areineꞌen neran i kawakiu yt pyy hat yt hepap kahato i hat ewy katupono miꞌiria teꞌeruwepyy hawyi yt watikuap i kat e tuwepyy hap. Maꞌato hepap hat ipy hawyi meremo ipy hap ete watikuap.

1 Kuriniu 14:7 ပူးပေါင်းရင်းမြစ်များ

Mateu 11:17

Pywo waku watepy wepy woꞌokyiꞌat turanuat maꞌato yt eweikyꞌesat i. Miꞌi hawyi waku watepy woꞌosyp turan maꞌato yt eweiwak teran hin i hap ewy. Miꞌi hap ewy miitꞌin atiꞌatukay kay uimohey hamuat wen maꞌato yt uimohey teran hin i hap ewy.

Iruka 7:32

Pyno miꞌiria wyti aikotã hirokaria apyk puo tukupteꞌen oken note rakaria iꞌatuehay pirik iraniaꞌin kape rakaria ewy aikotã pypy watoꞌe woꞌokyiꞌat eꞌat piat turan maꞌato yt hehairu teran hin i haria ewy. Iꞌewyte watepy pypy e hap wywo woꞌosyp turan maꞌato miꞌi turan yt teꞌerewak hin i hap ewywuaria e.

1 Kuriniu 13:1

Yt watikyꞌe i miitꞌin pote yt kat hamo i aimisepap koꞌi sio watikuap yne torannia pusu mesuwarotiat sio watikuap atipy piaria pusu yt kat i miitꞌin kyꞌe hap Tupana kyꞌe hap aikai pote aipusu ahehay topyhuꞌat ipuehay ewy aimogyt hap ewy aikotã tamaraka ehay ewy ihay pirik hap. Watikuap wuatꞌi ywania pusu maꞌato miꞌi pykai yt watiꞌatukyꞌe i iraniaꞌin pote yt kat hamo i watikuap yne pykai.

1 Kuriniu 14:6

Meiũran aru areto ehewowi uheꞌywytꞌin. Miꞌi hawyi atimoherep ehepe Tupana ehay Tupana yn ikuap koꞌi. Tupana Paꞌãu kaipyi aru worohoꞌomuꞌe worohoꞌonapin. Eipusu puo yn ahenoi ehepe. Yt kat hamo i Tupana pusu puo worohoꞌomuꞌe.

1 Kuriniu 14:8

Surara akag tikay kay temiitꞌin taꞌatuewanikaptia wywuat tuꞌuka hamo hu hu e hap wywo. Toiꞌatukay kay maꞌato hu hu e hat yt hepap i hat pote surara koꞌi yt tikuap i -Waku mesup watuꞌuka yne ahesaika hap wywo sio yt iꞌatuꞌe neꞌi.