1 Kuriniu 14:39 - Sateré-Mawé

³⁹ Uiwyriaꞌin waku wahẽtup yne aipyꞌa pyi -Tupana uinug o ewẽ wo ehay moherep miitꞌin miat hamo watoꞌe. Iꞌewyte waku watoꞌe Tupana pusu puat ihay teran nakat pe -Waku mana waku uhyt watoꞌe. Yt etipyhyp teiꞌo miꞌiria.

1 Kuriniu 14:39 ပူးပေါင်းရင်းမြစ်များ

1 Kuriniu 12:31

Pyno Tupana aimoesaika wakuat kahato nug hamo. Waku kahato toimoherep aipiit pyi tesaika hap nug hamo. Yt watikuap i pykai waku kahato watunug Tupana mikuap hap toipag aipiit pe hawyi. Waku kahato watunug maꞌato wẽtup aimoesaika hap Tupana piat poꞌog waku iraniaꞌin kai. Miꞌi ti Tupana ehay moherep iraniaꞌin me hap poꞌog waku torannia tomiium kai. Miꞌi pote waku wahẽtup aipyꞌa pyi -Tupana uimuꞌe o ehay moherep emikuap oktan iraniaꞌin me waku watoꞌe wuatꞌi aimikyꞌesat hap wywo hawyi tutum ahepe tesaika hap tehay moherep hamo.

1 Kuriniu 13:2

Watikuap kahato Tupana ehay moherep miitꞌin miat hamo maꞌato miꞌi pykai yt watikyꞌe i aimimuꞌeria pote miꞌi hawyi yt kat hamo i ahehay se hap topyhuꞌat. Miꞌi hawyi watikuap yne torannia mikuap oktan maꞌato yt miitꞌin kyꞌe hat i aito pote yt kan hamo i aimikuap koꞌi. Maꞌato imohey hap iwato aikai pote aikotã watoꞌe yityꞌok kape -Moto ro mesuwepyi watoꞌe hawyi toto hap ewy. Miꞌi tã watomohey pote maꞌato yt kat i aikai miitꞌin kyꞌe hap pote yt kat hamo i imohey hap iwato aikawiat.

1 Kuriniu 14:1

Pyno waku wahẽtup torannia aipyꞌa pyi -Uinug o Tupana woꞌokyꞌe hatno waku watoꞌe. Atikyꞌesat kahato emisepap nug kuap hap koꞌi maꞌato wẽtup atikyꞌesat poꞌog torannia kai. Atikyꞌesat kahato etum o uhepe esaika hap ehay sese moherep hamo miitꞌin me waku watoꞌe.

1 Kuriniu 14:3

Maꞌato karãpe Tupana tum ahepe tesaika hap topusu moherep hamo miitꞌin atunapin hamo miꞌi hawyi ahehay topyhuꞌat miitꞌin powyro hamo. Aimimuꞌeria iꞌatuꞌarot neꞌi potiat watiꞌatumuꞌe Tupana Paꞌãu kaipyi hawyi Tupana mimowepiit koꞌi tukupteꞌen. Taꞌatumohey aimienoi aimimuꞌeria hatyꞌu pote miꞌi hawyi iꞌatuwepiit kahato raꞌyn.

1 Kuriniu 14:38

Maꞌato toineꞌen wẽtup ok eipyꞌasetpe -Taꞌi Pauru yt imoherep kuap i Tupana ehay e hat. Mio tã e hat pote yt eweiwesat teiꞌo. Mio tã toꞌe hawyi yt ewetum neiꞌo ehewaure kaꞌa howawi.

1 Kuriniu 14:5

Waku yne aito Tupana wywo ahehay Tupana pusu puo maꞌato poꞌog waku watimoherep Tupana e hap ewywuat miitꞌin me miꞌi hap poꞌog waku topyhuꞌat ahehay Tupana pusu puo hap kai. Maꞌato toineꞌen wẽtup ok aipyꞌasetpe Tupana pusu moherep hat miitꞌin me pote waku ahehay Tupana kape ipusu puo. Saꞌawyꞌi ahehay Tupana kape mekewat ipusu puo miꞌi hawyi waku mekewat wẽtup ok Tupana pusu kuap hat imoherep iraniaꞌin me itotiaria pe kat e hap kat e hap koꞌi watoꞌe hap koꞌi.

1 Tesaronika 5:20

Iꞌewyte yt naku i watuwekyryꞌi neꞌi aimuꞌe wẽtup ok Tupana Paꞌãu kaipywiat turan.