1 Kuriniu 14:37 - Sateré-Mawé

³⁷ -Pyno uito ti Tupana ehay moherep haria koro koꞌi eweiꞌe saꞌag. Taꞌi Tupana tum naꞌyn uruepe tesaika hap tomisepap nug hamuat eweiꞌe. Poꞌog waku eweiꞌe eiwoꞌope -Aimuꞌe hat sese Pauru mimuꞌeria aito waku eweiꞌe.

1 Kuriniu 14:37 ပူးပေါင်းရင်းမြစ်များ

Iruka 10:16

Miꞌi hawyi toꞌe i raꞌyn topotpoꞌororia pe -Uwe eimienoi kapiat wanetup hat wyti aru iꞌewyte uimienoi kapiat wanetup hanuat. Yt eikyꞌesat i hat ti aru iꞌewyte yt Uito i wyti uikyꞌesat hat raꞌyn e. Yt uikyꞌesat hat i pote iꞌewyte yt Uipoꞌoro Hat Tupana kyꞌesat hat i e 70 ok takaria pe iꞌatupoꞌoro haype.

Humanu 12:3

Pyno uito Pauru Tupana uipoꞌoro einapin hamo. Tupana hegyiꞌat kahato hawyi uinug eimuꞌe hatno miꞌi pote worohoꞌonapin eipe. Yt naku i aiwanetup hawe -Uito poꞌog torannia kai aiꞌe hap kape. Waku -Uito en watoꞌoꞌewy kahato watoꞌe. Katupono aito wẽtup ok poꞌog imohey wẽtup ok yt maꞌato wẽtup sok yn aito pykai. Miꞌi pote yt ereꞌe kuap i -Uito poꞌog eikai hap ete.

1 Kuriniu 14:29

Waku wahenoi iraniaꞌin me kat som kat som Tupana Paꞌãu toꞌe aiwanetup hawe aiweꞌatunug hawe. Waku wẽtup ok i ihay miꞌi hawyi wẽtup ok i ihay. Miꞌi hawyi taꞌatumoherep Tupana ehay torannia. Miꞌi pote waku ahewaure kaꞌa kahato Tupana ehay iꞌatumienoi kape. Waku watoꞌe aiwanetup hawe Tupana ehay sio yt waku watoꞌe aiwanetup hawe.

1 Kuriniu 14:36

Pyno yt eikaipyi tuut Tupana ehay miwan miat maꞌato Iuteu ywania kaipyi yne Tupana ehay miwan miat tuut e. Katupono saꞌawyꞌi eiperia tawa Kurintiu piaria yt kat i Tupana ehay eikai. Miꞌi turan putꞌok e Tupana ehay ehete uiwẽ kaipywiat. Miꞌi tupono yt eiwekaipyi i eweikuap Tupana ehay. Iꞌewyte yt ehepe yn i putꞌok e Tupana ehay uiwẽ kaipywiat. Katupono tukupteꞌen kahato iraniaꞌin ywania Tupana ehay kuap haria maꞌato yt eimienoi hap kaipyi i paĩ taꞌatukuap are. Yt naku i pyno eweiꞌe -Tupana ehay moherep haria kahato uruto. Yt naku i eweiꞌe uruto poꞌog Tupana ehay kuap haria iraniaꞌin kai yt naku i mio tã eweiꞌe.

1 Kuriniu 14:38

Maꞌato toineꞌen wẽtup ok eipyꞌasetpe -Taꞌi Pauru yt imoherep kuap i Tupana ehay e hat. Mio tã e hat pote yt eweiwesat teiꞌo. Mio tã toꞌe hawyi yt ewetum neiꞌo ehewaure kaꞌa howawi.

1 Kuriniu 2:15

Maꞌato aipiit pe toineꞌen Tupana Paꞌãu pote watikuap kahato waku sese rakat sehay pywo rakat iꞌewyte yt naku i hap watikuap yne.

1 Kuriniu 3:1

Uiwyriaꞌin tawa Kurintiu piaria saꞌawyꞌi Uito Pauru ahenoi teran Tupana ehay ehepe saꞌawyꞌi uheineꞌen itote turan maꞌato tig mekewat eꞌat pe yt ahenoi kuap i Tupana Paꞌãu mikyꞌesat ewywuat hãpyk poꞌog nakat katupono eipe yt Iesui mohey haria yt ewy hin i te eiwanetup hap. Mesuwarotiat wanetup hap ewy yn eipe eweikupteꞌen katupono kurin kat ewy Iesui mohey hap toineꞌen eikai mekewat eꞌat pe.

1 Kuriniu 7:25

Worohoꞌonapin neran kurum iwasu koꞌi iꞌewyte piꞌã makuptia koꞌi yt heꞌaito i te rakaria yt iwary i te rakaria. Yt iharyꞌi rakat i uito pote woronapin Tupana ehay uiwanetup hawiat oktan ahenoi.

1 Kuriniu 7:40

Maꞌato uiwanetup hawe waku poꞌog manaꞌin hiwu wo eweikupteꞌen eweikyꞌesat pote. Tupana Paꞌãu tuwanetup iꞌewyte uiwanetup hap ewy hap yt atikuap i maꞌato mio tã areꞌe uiwanetup hawyi Tupana yt toꞌe i waku hiwu tukupteꞌen hiwu wo yt e i te atikuap teran pykai.

1 Kuriniu 8:2

Miꞌi tupono karãpe -Uito poꞌog atikuap e hat putꞌok e ahete hawyi yt aiweꞌeg i hap topyhuꞌat katupono mesuwat yi totiat yt uwe i topyhuꞌat ikuap yne hat. Miꞌi tupono waku watopyhuꞌat -Atikuap teran e haria wo -Uimuꞌe ro e haria wo.

2 Kuriniu 10:12

Tukupteꞌen eipyꞌasetpe -Aito poꞌog iraniaꞌin kai iꞌatuꞌe toꞌope haria. Maꞌato uruto yt iꞌatuꞌewywuat hin i koꞌi urutoꞌe. -Uruto poꞌog eikai iꞌatuꞌe teꞌeruwanetup ahepiat pe. Miꞌi tã wanetup haria yt iꞌatuweꞌeg hin i katupono toꞌope toꞌoꞌakasa hap kaipyi teꞌeroꞌe -Uito poꞌog iꞌatuꞌe teꞌeruwanetup hawe. Yt iꞌatuweꞌeg hin i katupono yt teꞌeruwanetup hin i sio iꞌatuewaku hap putꞌok e sio yt Aikaꞌiwat ewaku hap oktan hap kape.

2 Kuriniu 10:7

Tukupteꞌen aipyꞌasetpe -Uruto Aikaꞌiwat Iesui emiit sese e haria. Miꞌiria pe urutoꞌe -Eipe Iesui emiit sese pote miꞌi pote eweikuap meremo uruto eiꞌewywuaria te hap. Eiwehaꞌat ro urueko kape miꞌi hawyi eweikuap uruto Aikaꞌiwat eropat haria sio sese hap.

2 Kuriniu 11:4

Uimogyt kahato eipe katupono eweimohey yne miitꞌin mienoi koꞌi. Putꞌok e wẽtup ok itote hawyi wẽtup Iesui etiat eimuꞌe yt uruepiat eimuꞌe hap ewy hin i. Miꞌi hawyi -Pywo eweiꞌe kahato. Eꞌe hap ewy eweiꞌe tope. Miꞌi hawyi putꞌok e wẽtup i raꞌyn hawyi toꞌe ehepe -Atum neran wẽtup paꞌãu ehepe. Miꞌi hawyi -Waku mehin waku mimi eweiꞌe tope yt eiweꞌeg hin i. Miꞌi hawyi putꞌok e wẽtup ok wẽtup ehay enoi hat yt Aikaꞌiwat Iesui wakuat ewy hin i. Miꞌi hawyi -Pywo eweiꞌe miꞌi pote uimogyt sese eipe katupono -Pywo eweiꞌe yne eimuꞌe haria pe. Miꞌi pote eiweꞌeg wo o are ehepe.

Karasia 6:8

Miꞌi hap ewy ti aimikyꞌesat yn nug mote yt nakuaria i wo watukupteꞌen Tupana pe. Miꞌi turan naꞌyn aikuꞌuro hawyi yt kat i aheineꞌen Tupana wywuat hap. Maꞌato Tupana Paꞌãu wo wepiit hamo watoineꞌen pote tutum tesaika hap aheineꞌen towywuat wuatꞌi eꞌat piat hamuat.

2 Peteru 3:2

Aikotã saꞌawyꞌi wuaria mienoi iwan miat Tupana ehay ewy putꞌok e. Aikotã uruto Aikaꞌiwat Iesui potmuꞌeria e hap ewy.

1 Iuwãu 4:6

Maꞌato aito Tupana watnuaria watoineꞌen. Miꞌi hawyi yne Tupana watnuaria teꞌeruwewaure kaꞌa kahato aimienoi kape. Maꞌato iraniaꞌin yt teꞌeruwewaure kaꞌa i aimienoi pywuat kape. Miꞌi hap kaipyi meremo watikuap uwe Tupana Paꞌãu pywuat ehay upi toineꞌen sio uwe ahiag paꞌãu saꞌag ehay upi neꞌi toineꞌen hap.

Iuta 1:17

Taꞌi mesup taꞌyn uiꞌe hap ewy taꞌatunug naꞌyn miꞌiria eipyꞌasetpe wẽtup sehay enoi haria are. Uiheꞌywytꞌin uheinytꞌin yne uhekatuwyria wẽtup sehay kape yn ni waku watuwanetup. Miꞌi ti ainapin saꞌawyꞌi wuat Iesui etiat 12 ok takaria aimuꞌe hap kape yn waku are.