1 Kuriniu 14:36 - Sateré-Mawé

³⁶ Pyno yt eikaipyi tuut Tupana ehay miwan miat maꞌato Iuteu ywania kaipyi yne Tupana ehay miwan miat tuut e. Katupono saꞌawyꞌi eiperia tawa Kurintiu piaria yt kat i Tupana ehay eikai. Miꞌi turan putꞌok e Tupana ehay ehete uiwẽ kaipywiat. Miꞌi tupono yt eiwekaipyi i eweikuap Tupana ehay. Iꞌewyte yt ehepe yn i putꞌok e Tupana ehay uiwẽ kaipywiat. Katupono tukupteꞌen kahato iraniaꞌin ywania Tupana ehay kuap haria maꞌato yt eimienoi hap kaipyi i paĩ taꞌatukuap are. Yt naku i pyno eweiꞌe -Tupana ehay moherep haria kahato uruto. Yt naku i eweiꞌe uruto poꞌog Tupana ehay kuap haria iraniaꞌin kai yt naku i mio tã eweiꞌe.

1 Kuriniu 14:36 ပူးပေါင်းရင်းမြစ်များ

Iesui Potmuꞌeria 17:1

Miꞌi hawyi Pauru Sira tuwat raꞌyn tawa Awipuri sakpo tawa Apurunia sakpo tuwat. Miꞌi hawyi putꞌok iꞌatuꞌe tawa Tesaronika pe raꞌyn. Itote toineꞌen Tupana motypot yat Iuteuria wat.

Iesui Potmuꞌeria 17:15

Putꞌok iꞌatuꞌe Atena pe hawyi Pauru apykok haria teꞌeraꞌaipok teran i raꞌyn. Miꞌi hawyi Pauru toꞌe iꞌatuepe -Pyno ewehenoi o uhehay uhytꞌiꞌin Timoteu uhyt Sira pe e. Atikyꞌesat tõꞌẽ merep meikowo hap o ewehenoi iꞌatuepe e Pauru. Miꞌi hawyi teꞌeraꞌaipok i raꞌyn tawa Pereia kape Pauru ehay enoi hamo.

1 Kuriniu 14:35

Yt naku i apo e woꞌomuꞌe hawe. Katupono waku Iuteuria eko ewy waku watunug itote. Miꞌi tã Iuteuria ywania -Yt naku i haryporia aiꞌapykok hat aiꞌakag wo iꞌatuꞌe. Miꞌi hawyi waku yne Iesui mohey haria teꞌeropyhuꞌat mesuwat seko upi.

1 Kuriniu 14:37

-Pyno uito ti Tupana ehay moherep haria koro koꞌi eweiꞌe saꞌag. Taꞌi Tupana tum naꞌyn uruepe tesaika hap tomisepap nug hamuat eweiꞌe. Poꞌog waku eweiꞌe eiwoꞌope -Aimuꞌe hat sese Pauru mimuꞌeria aito waku eweiꞌe.

1 Kuriniu 4:7

Miꞌi pote kat hamo watoꞌe iraniaꞌin me -Uito poꞌog ekai katupono Tupana tum ahepe tomisepap kuap nug kuap hap. Yt aiwewi i watikuap wuatꞌi nug hamuat maꞌato Tupana miium kaipyi wahepap maꞌato yt pote yt kat i aikai. Pyno kat hamo ten -Uito poꞌog waku eikai watoꞌe aipyꞌa pe.

1 Tesaronika 1:8

Miꞌi hap kaipyi ti Aikaꞌiwat mohey hap tuwẽtem naꞌyn eiwẽ pyi. Miꞌi hawyi ti ihay eweihytpok kahato raꞌyn yne tawa Masetunia puo yne yi Akaia puo raꞌyn. Miꞌi hawyi ti yne tawa koꞌi puo raꞌyn imohey hap tuwesytpok.