1 Kuriniu 14:24 - Sateré-Mawé

²⁴ Maꞌato Tupana ehay watimoherep itote aiꞌywania pusu puo miꞌi pote -Pywo iꞌatuꞌe yt Iesui mohey i te haria. Yt aiwanetup hap ewy i te hat pykai -Pywo iꞌatuꞌe Tupana e hap aiwẽ pywiat kape. Miꞌi hawyi -Pyno eweikuap kahato urupusu pote mesup uruikuap taꞌyn Iesui moherep hap eiwẽ pywiat pote uruimohey miꞌi iꞌatuꞌe aru. Pywo ti rat uito areineꞌen yt naku i nug hat iꞌatuꞌe. Mio atikuap taꞌyn Tupana uiꞌapiheg ten uiminug yt naku i hap ete iꞌatuꞌe aru.

1 Kuriniu 14:24 ပူးပေါင်းရင်းမြစ်များ

Iuwãu 16:8

Mio tã e aru Tupana Paꞌãu wuatꞌi miitꞌin me -Eiperia wyti torannia Tupana piat iꞌaparap haria e putꞌok toꞌe hawyi. Tupana yn ni eimohãpyk kuap hat e ti aru wuatꞌi miitꞌin me. Taꞌi yt nakuap i nug haria ti Tupana tiꞌatusatyꞌi satyꞌi kahato hamuat e miitꞌin me Tupana Paꞌãu putꞌok toꞌe hawyi e Iesui.

Iuwãu 4:29

Putꞌok toꞌe hawyi toꞌe itotiaria pe -Toꞌiro worohoꞌomoꞌakasa wẽtup ok miit iuẽpiat kape yne uiminug hap koꞌi toimoherep yne uhepe yt uwe piat i henoi pykai e. Tupana Mipoꞌoro Aiporekuat nuat apo Miꞌi Miit e iꞌatuepe.

Iesui Potmuꞌeria 2:37

Mio tã e Peteru hawyi paa iꞌatuꞌe kahato raꞌyn. Taꞌatuhatyꞌu kahato raꞌyn. Miꞌi hawyi teꞌeroꞌe Peteruꞌin me -Yt naku i kahato urutunug Tupana Mipoꞌoro ete iꞌatuꞌe. Kat som pyno waku urutunug Tupana mowepiit hamuat iꞌatuꞌe haty wo 12 ok takaria pe.

1 Kuriniu 14:1

Pyno waku wahẽtup torannia aipyꞌa pyi -Uinug o Tupana woꞌokyꞌe hatno waku watoꞌe. Atikyꞌesat kahato emisepap nug kuap hap koꞌi maꞌato wẽtup atikyꞌesat poꞌog torannia kai. Atikyꞌesat kahato etum o uhepe esaika hap ehay sese moherep hamo miitꞌin me waku watoꞌe.

1 Kuriniu 14:16

Pyno watuwehum Tupana kape Tupana pusu puo yt ikuap i haria pyꞌasetpe pote -Pywuat ehay mana mehin yt iꞌatuꞌe kuap i. Ahehay Tupana kapiat ipusu puo turan teke taꞌatuꞌewaure kaꞌa pe wen maꞌato kat som watoꞌe yt taꞌatukuap i. Miꞌi hawyi yt teꞌeruwehum kuap i yt taꞌatuꞌewaku kuap i yt taꞌatukuap i aimiẽtup koꞌi pote. Yt taꞌatukuap i aiwehum Tupana kapiat hap yt taꞌatupusu puat i pote.

1 Kuriniu 2:15

Maꞌato aipiit pe toineꞌen Tupana Paꞌãu pote watikuap kahato waku sese rakat sehay pywo rakat iꞌewyte yt naku i hap watikuap yne.