1 Kuriniu 14:11 - Sateré-Mawé

¹¹ Maꞌato yt watikuap i yt iꞌywania i aito pote. Miꞌi hawyi karaiwa ewy watopyhuꞌat yt ipusu kuap haria aito pote.

1 Kuriniu 14:11 ပူးပေါင်းရင်းမြစ်များ

Iesui Potmuꞌeria 28:2

Miꞌi hawyi waku kahato uruipuẽti meimuẽwuaria yi ywypyiꞌa Mauta totiaria. Iꞌatuwese kahato itote urupowyro kahato. Meremo taꞌatuꞌuhu aria wato mekewat yi kyt yẽpeke hawyi -Eiwemope ro meikowo mehinꞌin iꞌatuꞌe uruepe katupono uruenaꞌak kahato yꞌy wato pyi urutuwẽtem e. Iꞌewyte iꞌaman hewo kahato itote pote iraꞌak kahato topyhuꞌat. Miꞌi pote itotiaria meremo aria wato taꞌatunug uruwemope hamo. Iꞌatuwese kahato yi ywypyiꞌa Mauta wẽtup ywania uruto pykai waku kahato uruipuẽti.

Iesui Potmuꞌeria 28:4

Miꞌi hawyi ywypyiꞌa totiaria mekewat Mauta piaria teꞌeraꞌakasa moĩ Pauru po etiat hãi heg hap kape hawyi teꞌeroꞌe toꞌope -Pywo ti ewy rat meiẽwat miit woꞌopotꞌauka hat toineꞌen iꞌatuꞌe. Yt ikuꞌuro hin i yꞌy koro pe maꞌato mesup iminug saꞌag saꞌawyꞌi wuat tuut howawi iꞌauka hamo iꞌatuꞌe.

Humanu 1:14

Uipap kahato Iesui kapiat miitꞌin porerokosap hamo maꞌato yt atimoherep i Iesui wuatꞌi ywania pe pote yt naku i nug hat arepyhuꞌat Tupana pe. Miꞌi pote yne ywania miitꞌin kape areto teran Iesui moherep hamo sio iweꞌeg kahato rakaria kape sio yt. Yne ywania kape areto teran pote ehetama kape areto wy. Tawa wato piaria kape areto teran Iesui ehay moherep hamo iꞌewyte yne tawa hit kape areto teran wy. Yne tapyiꞌaria kape areto wy sio haiwot rakaria kape sio iwese rakaria kape sio gaꞌapy puaria gupteꞌen haria sio tawa watoꞌin puaria kape areto wy. Iwan kuap kahato haria kape areto wy. Yt kat kuap i haria kape areto wy. Uipap kahato wuatꞌi miit ekyi Iesui kapiat hamo. Taꞌi areineꞌen aikotã weteweru hat ewy. -Etum no uhehay wuatꞌi miitꞌin me uhehay yt kuap i haria pe e Iesui uhepe pote atum neran wuatꞌi ywania pe wen maꞌato yt atum i pote wuatꞌi piat weteweru hat ewywuat areineꞌen.

1 Kuriniu 14:10

Iꞌatu kahato yt aipusu ewywuat i mesuwat yi tote yt aimikuap koꞌi i. Maꞌato mekewat pusu ikuap haria taꞌatuwat taꞌatupusu pote taꞌatukuap taꞌyn kat e kat e hap.

1 Kuriniu 14:21

Mio tã e Tupana saꞌawyꞌi miwan me -Iuteuria e meiũran worohoꞌomuꞌe eipe wẽtup ywania wẽ pyi yt eipusu kuap i haria wẽ pyi worohoꞌomuꞌe maꞌato miꞌi turan iꞌewyte uhehay pun haria eweikupteꞌen. Eiwewaure hik neꞌi aru eimuꞌe wẽtup ywania wẽ pywiat turan. Yt taꞌatukuap i eipusu pykai uhesaika hap wywo taꞌatusuꞌat eipusu pote e. Maꞌato miꞌiria mienoi yt eweimohey i aru e Tupana saꞌawyꞌi miwan me.

Korosi 3:11

Karãpe watopyhuꞌat Iesui mohey haria Tupana ainug wẽtup ywania pakup wo ewywuat. Iuteu ywania aito pote sio yt Iuteu ywania i aito pote sio ahemurui sokpe yt kat i sio toineꞌen Tupana wanetup hawe wẽtup ywania pakup yn ewy watopyhuꞌat. Sio aito tapyiꞌaria sio yt sio gaꞌapy piaria sio yt miit akag sio miit emiit wẽtup ywania yn Tupana wanetup hawe aito. -Eipe Uimipoꞌoro Eiporekuat nuat mohey haria eipe e ahepe miꞌi pote wẽtup tapyiꞌa yn uiwanetup hawe eweikupteꞌen e Tupana ahepe. Eipe Uimipoꞌoro eiam eipe e. Uimipoꞌoro Eiporekuat nuat kyꞌe haria eipe e Tupana. Sio Tapaiunꞌã sio yt sio ipe kytsig sio yt wẽtup ywania yn eipe uiwanetup hawe Uhaꞌyru emiitꞌin eipe pote e Tupana ahepe.