1 Kuriniu 12:31 - Sateré-Mawé

³¹ Pyno Tupana aimoesaika wakuat kahato nug hamo. Waku kahato toimoherep aipiit pyi tesaika hap nug hamo. Yt watikuap i pykai waku kahato watunug Tupana mikuap hap toipag aipiit pe hawyi. Waku kahato watunug maꞌato wẽtup aimoesaika hap Tupana piat poꞌog waku iraniaꞌin kai. Miꞌi ti Tupana ehay moherep iraniaꞌin me hap poꞌog waku torannia tomiium kai. Miꞌi pote waku wahẽtup aipyꞌa pyi -Tupana uimuꞌe o ehay moherep emikuap oktan iraniaꞌin me waku watoꞌe wuatꞌi aimikyꞌesat hap wywo hawyi tutum ahepe tesaika hap tehay moherep hamo.

1 Kuriniu 12:31 ပူးပေါင်းရင်းမြစ်များ

Mateu 5:6

Miꞌi hawyi toꞌe i -Pyno uwe uwe ipotpap Tupana mikyꞌesat nug hap ete tesyꞌat wywo teꞌytui wywo miꞌi haria ti aru meiũran Tupana mimowepiit wo tukupteꞌen.

Iruka 10:42

Waku wen maꞌato toineꞌen poꞌog waku hap uimiꞌu nug hap kai katupono uhehay kuap hap mana Maria tiꞌairo raꞌyn e. Pywo kahato uikuap hap mana Maria piat wyti aru yt uwe i ihep kuap uiꞌyatype tuwemuꞌe hap e Iesui mana Mata pe.

1 Kuriniu 13:1

Yt watikyꞌe i miitꞌin pote yt kat hamo i aimisepap koꞌi sio watikuap yne torannia pusu mesuwarotiat sio watikuap atipy piaria pusu yt kat i miitꞌin kyꞌe hap Tupana kyꞌe hap aikai pote aipusu ahehay topyhuꞌat ipuehay ewy aimogyt hap ewy aikotã tamaraka ehay ewy ihay pirik hap. Watikuap wuatꞌi ywania pusu maꞌato miꞌi pykai yt watiꞌatukyꞌe i iraniaꞌin pote yt kat hamo i watikuap yne pykai.

1 Kuriniu 14:1

Pyno waku wahẽtup torannia aipyꞌa pyi -Uinug o Tupana woꞌokyꞌe hatno waku watoꞌe. Atikyꞌesat kahato emisepap nug kuap hap koꞌi maꞌato wẽtup atikyꞌesat poꞌog torannia kai. Atikyꞌesat kahato etum o uhepe esaika hap ehay sese moherep hamo miitꞌin me waku watoꞌe.

1 Kuriniu 14:39

Uiwyriaꞌin waku wahẽtup yne aipyꞌa pyi -Tupana uinug o ewẽ wo ehay moherep miitꞌin miat hamo watoꞌe. Iꞌewyte waku watoꞌe Tupana pusu puat ihay teran nakat pe -Waku mana waku uhyt watoꞌe. Yt etipyhyp teiꞌo miꞌiria.

1 Kuriniu 8:1

Mesup worohoꞌonapin neran tupanaria iãꞌãkap motypot hap miꞌu ete mekewat Wewato ahup auka tupanaria iãꞌãkap eꞌat piat koꞌi ete. Pyno mesuwat uimienoi kuap haria raꞌyn eipe maꞌato ti ahenoi pakup i teran ehepe ikuap i hamo. Pyno Uwe uwe toꞌe topyꞌa pe -Uito poꞌog atikuap tuwemowato teran tuwewanetup hawe maꞌato tuwemaꞌat haype katupono yt uwe i mimuꞌe wo topyhuꞌat iꞌewyte yt uwe i wy wo toineꞌen. Maꞌato uwe uwe toꞌe topyꞌa pe -Miitꞌin kyꞌe hat areineꞌen neran miꞌi e hat Tupana mipowyro topyhuꞌat hawyi yt aimaꞌat kuap i rakat toineꞌen.

Wiripu 3:8

Iꞌatu kahato uiwanetup hawe saꞌawyꞌi. Miꞌi atunug mote waku raꞌyn areineꞌen Tupana wanetup hawe uiꞌe hap. Atunug uheko hawyi waku pe areineꞌen Tupana wanetup hawe uiꞌe hap saꞌawyꞌi. Miꞌi hap ewywuat saꞌawyꞌi wuat uiwanetup hap atipun yne raꞌyn aikotã watipun iun aiꞌyat pyi hap ewy katupono koitywy atipuẽti poꞌog wakuat wuatꞌi kawiat rakat. Koitywy Iesui kuap hatno areineꞌen. Atipuẽti Iesui poꞌog waku. Miꞌi Uikaꞌiwat no raꞌyn. Miꞌi yn naꞌyn atikyꞌesat uiwanetup hawe. Miꞌi yn uimoewaku hat. Huu yn naꞌyn uimohãpyk kuap Tupana wanetup hawe. Miꞌi pote koitywy atipun yne saꞌawyꞌi wuat uiwanetup hap koꞌi saꞌawyꞌi wuat uiꞌe hap koꞌi saꞌawyꞌi wuat uiwemoewaku hap hawyi Aikaꞌiwat yn uimoewaku hat are. Tupana yn naꞌyn uhehakyeraꞌat kuap hat koitywy are yn naꞌyn. Koitywy saꞌawyꞌi wuat uiꞌe hap koꞌi atipun yne katupono atimohey Ahehakyeraꞌat hat Aipotypot yn. Iesui yn atikyꞌesat uiwanetup hawe are.

Epereu 11:4

Saꞌawyꞌi wuat sese Atãu saꞌyru Apeu tum tomiium imohey wywo Tupana pe -Woromohey kahato En Tupana e hamo. Iꞌewyte ieykeꞌet Kaĩ tum Tupana pe tomiium wen maꞌato Tupana yt tuwehum kahato i Kaĩ miium ete katupono Kaĩ yt timohey kahato -Atikyꞌesat ehũ suu emiium e hap hawyi tutum tomiium tomikoi koꞌi Tupana pe pote. Maꞌato iꞌywyt pe -En ni uimimoewaku ereineꞌen e Tupana Apeu pe. Ehũ emiwuk poꞌog waku Kaĩ wat kai katupono uimohey en mote e. Mesup te -Waku kahato Apeu miium e uimohey kahato hat Apeu pote e ahepe. Ikuꞌuro raꞌyn pykai Apeu ihay aimuꞌe te Tupana mohey hap yn aimohãpyk hap e ahepe. Apeu suu ihay te hap ewy ahowawi yi pyi ihay te.