1 Kuriniu 11:29 - Sateré-Mawé

²⁹ Maꞌato watuꞌu man pik pik iꞌewyte mekewat sapo hy aiwekyryꞌi popuo neꞌi miꞌi pote Tupana miꞌapiheg wo watoineꞌen. Aimaꞌat hap topyhuꞌat Aikaꞌiwat piit pun haria neꞌi aito.

1 Kuriniu 11:29 ပူးပေါင်းရင်းမြစ်များ

Iruka 7:34

Taꞌi ihainia saꞌyru wyti tenuk iꞌewyte tuwesapoꞌu eweiꞌe neꞌi. -Eiwehaꞌat ro mekewat miit ienuk wato hat kape iꞌewyte sapo hy u wato kahato hat kape eweiꞌe. Iꞌewyte towyꞌinug mekewaria miitꞌin kaipywiat saꞌup poreraꞌat haria iꞌewyte iraniaꞌin yt nakuap i nug haria wywo toineꞌen eweiꞌe.

Humanu 13:2

Yt naku i watuꞌuka morekuaria ainapin waku nug hap ete. Waku aiweꞌeg wo o katupono yt naku i watuꞌuka morekuaria airo hat Tupana ete are. Watuꞌuka miꞌiria ainapin waku hap ete pote Tupana miꞌapiheg wuatnuaria wo watopyhuꞌat.

1 Kuriniu 11:24

Miꞌi hawyi waku e Tupana pe hawyi toipik pik man iꞌatuehamo -Mesuwat man uiꞌewy e katupono uipik irane ehehakyeraꞌat hamo e. Karãpe ewetuꞌu mesuwat man turan uhowowi waku eiwatetup aikotã uikuꞌuro eikawiatno hap kape e.

1 Kuriniu 11:27

Waku hãpyk kahato watimotypot Aikaꞌiwat Iesui. Uwe uwe iꞌu iꞌewyte teꞌyꞌu yt kat i imotypot hap wywo miꞌi hat Tupana miꞌapiheg wo topyhuꞌat katupono Iesui piit etiat mikyryꞌi hat miꞌi.

1 Kuriniu 11:28

Maꞌato waku Iesui enuk hap ewy ahenuk hamo. Eꞌyian mete waku watuwanetup kahato -Aipyꞌa pe sio waku pe watoineꞌen Tupana wywo hap kape. Maꞌato waku pe watoineꞌen Tupana wywo pote waku watuꞌu sapo hy iꞌewyte man pik pikꞌe rakat Iesui kuꞌuro hap kape aiwanetup hamuat.

1 Kuriniu 11:30

Miꞌi pote iꞌatu kahato eipyꞌasetpiaria iꞌahuu rakaria wo ipiit perup takaria wo get rakaria wo tukupteꞌen itote Iesui suu etiat wekyryꞌi haria eweikupteꞌen mote.

Epereu 5:14

Maꞌato nagnia hãi rakaria ihãite rakaria tutuꞌu kuap kahato ipuꞌi kãꞌã iheg nakat ihainiaꞌin haryporiaꞌin. -Toꞌiro watenuk iꞌatuꞌe aimiꞌu raꞌyn iꞌatuꞌe. Miꞌi hap ewy Tupana ehay miwan miat kuap haria ihãite rakaria Iesui mohey haria Tupana ehay kuap kahato rakaria tikuap kahato kat som waku watunug kat som yt naku i watunug hap koꞌi Tupana e hap miwan miat pyi. Miꞌi haria Tupana nug haria teꞌeropyhuꞌat taꞌatuehãite imohey hap etiatno. Miꞌiria miꞌu puꞌi u haria ewy are.

Tiaku 3:1

Uiwyriaꞌin eiweꞌeg wo o -Uito poꞌog torannia kawiat woꞌomuꞌe hat eiꞌe hap wywo katupono miitꞌin muꞌe haria kape yn Tupana poꞌog ihaꞌat sio taꞌatumuꞌe hap ewy taꞌatunug sio yt teꞌeropyhuꞌat sio taꞌatunug taꞌatuepiat miitꞌin napin hap ewy sio yt hap kape tehaꞌat kahato Tupana. Maꞌato yt watunug i ahepiat miitꞌin napin hap miꞌi pote poꞌog aiꞌapiheg hap topyhuꞌat aipotmuꞌeria kai katupono yt watunug i Tupana ainapin hap koꞌi pote miꞌi pote ti -Typy ihay haria eipe e aru ahepe Tupana mekewat eꞌat pe karãpe Tupana timoherep yne miitꞌin me uwe waku uwe yt naku i hap airo hap eꞌat pe. Miꞌi tupono waku perupꞌi puo watiꞌatumuꞌe miitꞌin are. Waku watoꞌe aiwanetup hawe -Yt hãpyk i ahenoi pote atiꞌaparap kahato Tupana pe waku watoꞌe aipyꞌa pe.

Tiaku 5:12

Ahehay pywo piat hap yn Tupana tikyꞌesat. Karãpe iraniaꞌin me -Atunug aru watoꞌe pote waku watunug aiꞌe hap ewy hap. Yt naku i aheso -Atunug aru aiꞌe hap ete. Maꞌato aheso hap neꞌi pote Tupana aiꞌapiheg e. Iꞌewyte ti yt naku i Tupana set watipehik -Atunug aru e hap ete. Yt naku i watoꞌe -Yt atunug i aru uiꞌe hap ewy pote waku Tupana uiꞌauka watoꞌe. Poꞌog waku -Atunug aru mehin mana watoꞌe hawyi waku watunug aiꞌe hap oktan poꞌog waku are. Iꞌewyte yt naku i miitꞌin set watipehik pywo aiꞌe hap moheg hamo. Maꞌato Tupana tikyꞌesat pywo piat yn ahehay hap -Atunug aru aiꞌe hap ete.