1 Kuriniu 10:27 - Sateré-Mawé

²⁷ Miꞌi hawyi wẽtup ok yt imohey i hat toꞌe ahepe -Toꞌiro uiꞌyat kape ahenuk hamo e hawyi waku ereto etikyꞌesat pote. Maꞌato waku putꞌok ere hawyi erenuk kahato imiium oktan e. Yt ereꞌe teiꞌo tope -Etum naꞌyn apo meiũwat miꞌu iãꞌãkap motypot hamo uhyt mana yt apo ere teiꞌo maꞌato etuꞌu yt kat i haty ewanetup hawiat wywo yn waku.

1 Kuriniu 10:27 ပူးပေါင်းရင်းမြစ်များ

Iruka 15:23

Miꞌi hawyi eweterut ro wẽtup Wewato ahup mepyt aimiꞌu wo ikap takat e. Miꞌi hawyi eweiꞌauka hawyi ewetey hawyi waku watenuk kahato e. Miꞌi hawyi waku aiwepiit hap sese watunug meiũpe e teropat haria pe.

Iruka 19:7

Maꞌato iraniaꞌin tikuap Sakeu yat kapiat Iesui to hap hawyi teꞌeroꞌe toꞌope -Yt naku i Iesui iꞌatuꞌe katupono yt nakuat i rakat yat kape toto iꞌatuꞌe. Ahewanikap yat kape toto iꞌatuꞌe toꞌope.

1 Kuriniu 10:25

Karãpe iraniaꞌin terut ahowawi miꞌu puꞌi waku watuꞌu yne imiium. Yt naku i watoꞌe -Etiꞌauka apo mesuwat ehũ iãꞌãkap motypot hamo mehin mana sio yt watoꞌe neꞌi.

2 Kuriniu 1:13

Iꞌewyte yt eimaꞌat hap i uruipoꞌoro miwan ehewowi are. Urumiwan uruehay ewy ti raꞌyn waku pe yn toineꞌen. Yt uruiwan i typy sehay ehewowi. Yt kat i ehekat kyewi uruipoꞌoro urumiwan ehewowi hap. Taꞌi heremo kahato urumiwan wuatꞌi mikuap kahato hap ewy. Yt kat i wẽtup sehay ipuo toineꞌen urumiwan me. Yt kat i eimaꞌat hap urumiwan me toineꞌen. Miꞌi pote heremo yne uimiwan are.

2 Kuriniu 4:2

Iraniaꞌin taꞌatuhenoi saꞌag Tupana ehay miitꞌin maꞌat hamo maꞌato aito watimoherep Tupana ehay aikotã toꞌe hap ewy. Yt wahenoi i aikotã iraniaꞌin miitꞌin maꞌat haria ewywuaria henoi hap ewy. Tupana toꞌe hap ewy watoꞌe. Miꞌi hawyi miitꞌin tikuap Tupana ehay pywo piat moherep haria aito hap iꞌewyte Tupana aikuap. Miꞌi hawyi yt aiwemaꞌat hap wywo i wahenoi pywo piat yn wahenoi pote.

2 Kuriniu 5:11

Miꞌi hap eꞌat pe Aipotypot tiꞌatumoherep yne aiminug koꞌi sio waku sio yt hap koꞌi. Miꞌi pote waku watokenꞌẽ kahato yt naku i nug hap pupi. Waku watoꞌe -Atimotypot reran Uikaꞌiwat uiminug wakuat wywo waku watoꞌe yn. Waku watiꞌatuekyi kahato miitꞌin Aikaꞌiwat kape waku watoꞌe. Yt naku i iꞌatuekat kyewi neꞌi watiꞌatuekyi miitꞌin Iesui kape. Iꞌewyte yt naku i iꞌatumaꞌat reran haype neꞌi watiꞌatuekyi miitꞌin. Uruto miꞌi hap koꞌi eipiit kyewi hawyi ehekat kyewi neꞌi hap yt karãpe i uruiꞌatuekyi eipe. Miꞌi hap Tupana tikuap pywo piat urutoꞌe hap iꞌewyte eipe.