1 Kuriniu 10:16 - Sateré-Mawé

¹⁶ Karãpe watuweꞌatunug watuꞌu sapo hy hamo kuiꞌa piat iꞌewyte man u hamo miꞌi turan watuwehum kahato Tupana kape katupono aipoityro miꞌi hap ete. Miꞌi sapo hy Aikaꞌiwat Iesui suu iãꞌãkap kahato. Miꞌi watuꞌu huu iãꞌãkap hawyi imohey hap watimoherep kahato. Karãpe watipik mekewat man hawyi watuꞌu hawyi imohey haria watopyhuꞌat hap watimoherep miitꞌin me iꞌewyte wẽtup piit ewy watoineꞌen hap watimoherep.

1 Kuriniu 10:16 ပူးပေါင်းရင်းမြစ်များ

Iruka 22:17

Miꞌi tã toꞌe hawyi totat raꞌyn mekewat kuiꞌa piat sapo hy hawyi waku e Tupana pe. Miꞌi hawyi tutum mekewat kuiꞌa torannia temiitꞌin me hawyi toꞌe iꞌatuepe -Waku eweimoꞌẽ ro mesuwat kuiꞌa piat sapo hy eiwoꞌope e.

Iesui Potmuꞌeria 2:42

Miꞌi hawyi ipotmuꞌeria tiꞌatunapin aat kaꞌap taꞌyn imohey pakup i haria yne Iesui e hap nug hamuat hap ete taꞌatuꞌatumuꞌe kahato. Miꞌi hawyi teꞌeruwaꞌatunug kahato toꞌoehay hamo. Miꞌi hawyi imohey haria tiꞌatumoꞌẽ kahato taꞌatumiꞌu toꞌope iꞌewyte teꞌeruwaꞌatunug kahato Tupana wywo toꞌoehay hamo.

Iesui Potmuꞌeria 2:46

Yne eꞌat pe raꞌyn Iesui mohey haria teꞌeruwaꞌatunug kahato Tupana motypot yat koro Ierusarẽi miat rote e. Wẽtup miit ewy kahato tukupteꞌen itote. Iꞌewyte yne eꞌat pe taꞌatunug kahato man pik pik hamuat tuwat tuereto toꞌoꞌyat kape. Iꞌewyte taꞌatumiꞌu taꞌatumoꞌẽ toꞌope. Miꞌi hawyi iꞌatuwepiit kahato tukupteꞌen toꞌope teꞌeruwete toꞌowese kahato. Iꞌatupyꞌa wasu kahato itote.

Iesui Potmuꞌeria 20:11

Miꞌi hawyi taꞌam i hawyi toipik pik man hawyi taꞌatuꞌu. Miꞌi hawyi ihay ywop hawyi iwẽpohep ihatꞌok pote raꞌyn.

Iesui Potmuꞌeria 20:7

Mytuꞌu eꞌat piat uruweꞌatunug man pik pik hap eꞌat pe turan Pauru tiꞌatumuꞌe kaꞌap kahato Iesui mohey haria. Toto teran mukiꞌite wẽtup tawa kape haype yt iwẽpohep tã i te.

1 Kuriniu 1:9

Miꞌi pote waku watomohey iꞌe hap torannia aipyꞌa pe. Saꞌawyꞌi toꞌe -Atikyꞌesat eipe Uhaꞌyru ekatuwyria sese wo eweikupteꞌen e. Ewetunug Miꞌi Miit Uhaꞌyru Eipotypot no pote waku pe iwywo eweikupteꞌen wuatꞌi eꞌat pe e ahepe. Miꞌi hawyi waku watomohey kahato iꞌe hap ewy mesup te.

1 Kuriniu 10:15

Miꞌi tã ewetunug mote weꞌeg haria wo eweikupteꞌen. Iꞌewyte atikuap uhehay upiat haria eipe sio yt hap ete e.

1 Kuriniu 12:13

Ipatꞌok aito Iuteu ywania ipatꞌok wẽtup ywania aito ipatꞌok aito miit emiit ipatꞌok miit akag koꞌi maꞌato aito Iesui mohey haria pote Tupana Paꞌãu eiam aito. Miꞌi pote Tupana Paꞌãu ahetꞌok taꞌyn -Iesui piit eipe e raꞌyn ahepe.

Epereu 3:14

Pyno waku uiwyriaꞌin watomohey aheineꞌen hap oktan aikotã saꞌawyꞌi watomohey hap ewy te teꞌen teꞌen waku watomohey Iesui hawyi yt naku i wẽtup mohey hap kape i kowoꞌi kowoꞌi neꞌi watiꞌywyk ywyk imohey hap. Waku watomohey Iesui akasa hap kape. Waku iheg me imohey hap ete aikuꞌuro hap kape. Miꞌi tã watunug mote Aikaꞌiwat ekatuwyria wo watopyhuꞌat torannia aitoria wuatꞌi eꞌat pe.

1 Iuwãu 1:3

Aiwywo raꞌyn toineꞌen. Miꞌi hap uruikuap uruewaure kaꞌa pe. Uruehaꞌat hap uruimoherep ehepe katupono uruꞌewy aiwoꞌoꞌewy ewy watopyhuꞌat hap uruikyꞌesat kahato Iꞌywot wywo Haꞌyru wywuat aiwoꞌowese hap. Uruꞌewywuat Aipotypot Iesui ewywuat hap uruikyꞌesat.

1 Iuwãu 1:7

Maꞌato watopyhuꞌat hẽtyhot pe Aikaꞌiwat ewy pote pywo pe watoineꞌen. Miꞌi pote ti iwywuat aiwoꞌowese hap topyhuꞌat kahato are. Miꞌi hap kaipyi ti Tosaꞌyru Iesui suu wo Tupana tikoho yne aiminug saꞌag koꞌi. Mekewat kat koꞌi kat koꞌi aiminug saꞌag koꞌi toiꞌatukoho aat kaꞌap ahewyry Iesui wywo imikyꞌesat ewywuat pote. Miꞌi hawyi tomikyꞌesat nug haria watopyhuꞌat.